C6 普查

kwboy

各位, 如果想做全職媽媽, C6 要有幾多人工才可以讓全職媽媽不用做呀?

lovelinda

I think every family have different situation....

anteater

nowadays in HK, everything is money.  the school fee cost a lot.  you kids may need to study some kindergarden that has a voucher.  and i will say at least 50K.

[ 本帖最後由 anteater 於 11-7-3 10:35 編輯 ]

小曳人

好難講，你每個月嘅開銷，對教育同生活嘅期望... 一定唔係人人一樣啦！
你不如用自己嘅開銷計一計啦~

[ 本帖最後由 小曳人 於 11-7-4 06:43 編輯 ]

fannychan88

我覚得好難去計要幾錢, 因為人人生活唔一樣,有D一家四口萬零蚊夠用,  有D四,五萬都唔夠用. 睇自已追求什麽生活.

apology

以一個入門級爸爸既年齡黎睇
例如我, 28歲
很難可以搵到"都未必夠"既50K
除非專業人士、投資/機者、幸運人士... 等等
可以肯定既係呢班人絕對唔屬於普羅大眾

而我個人觀察所得
大多數專業人士既另一半都有工作
越搵得多就越睇得重

反而搵少D既男士身邊既另一半唔使做野
個機率似乎仲大...

生活豐儉由人
呢條數冇人可以幫你計

ps-mon

我都是全職媽媽，我覺得好視乎夫婦2人如何看由媽媽親自帶孩子的重要性，那麼自然能作出取捨。

我媽媽都是全職媽媽，親自帶大我們三姊弟，那時我們家是很窮困的，但爸媽都十分看重孩子的成長，所以寧願辛苦d。

現在到自己有孩子，因深深體會有媽在身旁的好處，所以容易接受要放下工作，專心照顧孩子。我們算是中等收入，但因放下工作而令家庭的生活質素下降，又是另一個掙扎，以及作全職媽媽的多方面壓力，丈夫要成經濟支柱的壓力，都要兩夫婦好好商量，不然將來常為金錢而衝突，到頭來又是苦了孩子。

peggyhklam

我就不太喜歡做全職媽媽, 因為我覺得小朋友會太倚賴我, 所以我會選擇返工, 返左工可以有多餘錢俾小朋友去學興趣班, 另外唔會令丈夫有壓力, 起碼c6有4萬元我先覺得能撐起頭家

apology

原帖由 ps-mon 於 11-7-3 15:19 發表
我都是全職媽媽，我覺得好視乎夫婦2人如何看由媽媽親自帶孩子的重要性，那麼自然能作出取捨。

我媽媽都是全職媽媽，親自帶大我們三姊弟，那時我們家是很窮困的，但爸媽都十分看重孩子的成長，所以寧願辛苦d。

現在到自己有孩子 ...

想請教下
請問你地而家家庭入息大概係幾多?

我同太太其實都希望可以比小朋友同媽咪一齊成長
奈何自己能力不及
唔知道未來會唔會有一日可以做到....

bibikids119

每個家庭,及每人對$的睇法都唔一樣,有啲人一份人工萬多元,養一家4口又有,有啲老公搵好多$,但老婆唔願湊仔寧願打風流工又有,真係睇你點睇架wor!

我都認為,最緊要同老公相量清楚,要兩公婆理念相同咁就比較好!,同埋,做全職家庭主婦,又係唔係真的適合你自己呢?

mykate

原帖由 apology 於 11-7-3 22:28 發表
以一個入門級爸爸既年齡黎睇
例如我, 28歲
很難可以搵到"都未必夠"既50K
除非專業人士、投資/機者、幸運人士... 等等
可以肯定既係呢班人絕對唔屬於普羅大眾

而我個人觀察所得
大多數專業人士既另一半都有工作
越搵 ...

我依家係 full time mami~
個女出世之前係 CPA, 算係"專業人士"吧~

身邊好幾個做full time mami 的, 老公都唔係搵得少, 而且都係"專業人士"類 ^^

我覺得人人的要求唔同~
睇下自己的意願而已~

[ 本帖最後由 mykate 於 11-7-4 10:10 編輯 ]

keio

其實每個家庭的支出都不同吧! 有的要供樓租樓(有的冇住屋負擔), 有的要供養四親 (有的四親有獨立經濟能力), 有的想小朋友讀私校 (有的prefer 政府學校) ....


所以, 老公月入幾多先夠真係好難定, 不過就唔好預得太 "蚊" 啦, 我覺得如果可以夠cover 家庭所有支出再有10-20%鬆動就比較理想

snow228

家庭總收入減家庭總開支後, 總有4成人工儲到係銀行應付緊急開支, 可以考慮

Christi

乜選擇都好,大前題是不要令夫婦不和,令經濟壓力影響到家庭氣氛.否則,全職媽媽對小朋友的價值,將因為其他負面因素而一一報銷.

MYL0808

樓上有好幾位爸媽的回覆都提到最重要一件事就是兩夫妻的想法是否一致,在其他的討論版(eg.婆媳關係)中有家庭單是女方都月入100k,但從她的字裏行間可以感覺到她是"唔夠使"的,所以根本就沒有一個數目可以"代表"你是否"合資格"做全職媽媽!

之前有電視節目(應該係港台的節目吧),訪問過中產家庭,他們一個月的供樓的金額可能已經是另外一些家庭的總收入,所以說,搵得越多開支越大,咁樓主你覺得誰可以給你一個"答案"呢?

littlecook

呢個問題,無標準答案喎!你自己先答到!

我係FTM,本來月入三萬几,老公就人工唔高打工仔一名.兩個加起差少少算中產吧,依家變成一個人做野就跌落草根,生活水平低過好多綜緩戶(計埋各樣津貼派錢,佢地都月入2萬几啦).生活水平係低D,但我地唔覺辛苦,因本身都唔追求名牌或享受.洗費依家最多係供樓,但呢樣其實可當儲蓄.遲D仔路入晒幼稚園,無學券,教育支出將會最大份.呢樣只可不問回報啦!到時應該入不敷支...但幼稚園洗費,大部份之前準備好啦,呢几年應該勉強應付到.小學呢,希望抽到好既津校吧,咁就有好日子過,否則就煩啦...又或者降低要求,抽到差既津校都讀而唔讀貴既私校.呢樣到時先知.

細路最需要我全時間照顧佢地就係呢几年,對家庭投入既價值,用錢點衡量到?錢第時可以再賺(雖然少好多),但佢地大過左就唔會變返細.只要兩公婆傾好,唔介意辛苦同降低生活水平,就算收入偏低,都可以做FTM!

原帖由 kwboy 於 11-7-3 08:57 發表
各位, 如果想做全職媽媽, C6 要有幾多人工才可以讓全職媽媽不用做呀?

absee

真係好睇供樓或租樓要用的錢，如果我住公屋，我一定可以唔洗做，但香港的中產福利真係無 ，所以我倆公婆一定返工，我真係好想做全職媽媽，自己教女，唔想比工人照顧個女。

snow228

放棄3萬幾人工做全職媽媽 ~ 夠請6個工人啦

peggyhklam

哈哈, 我都好鐘意我個仔, 但我真係同你地大部份媽咪相反, 我反而唔鐘意做全職媽媽, 我覺得好困身, 雖然望到阿仔成長好開心, 但係我覺得放工返來湊一陣都已經好累, 可能我年紀大, 就算星期六日唔駛返工但都覺得看牛好辛苦, 你地真係好叻

anteater

回復 2# littlecook 的帖子
好佩服你!