舊油天 vs 瑪利諾神父

sandylala

如果兩間都收左, 我個小朋友係女仔..
諗左成個星期都唔知點揀, 一間係傳統好學校, 一間有直屬中學.. 點揀好呢..?可唔可以比d意見呀..

單親媽媽

我老友個仔係油天讀緊五年班, 佢話油天已變左, 今日既油天係一間黑店, 老師好多都好新, 無經驗無愛心, 老友個仔之所以成績好, 全憑佢自己每月投資一萬銀係個仔度.....讀唔讀, 自己諗

hidingdong

原帖由 單親媽媽 於 11-6-27 17:23 發表
我老友個仔係油天讀緊五年班, 佢話油天已變左, 今日既油天係一間黑店, 老師好多都好新, 無經驗無愛心, 老友個仔之所以成績好, 全憑佢自己每月投資一萬銀係個仔度.....讀唔讀, 自己諗 ...

我兩個小朋友讀緊油天, 我一d都唔覺你講的問題, 我亦無每月投資一萬銀係個小朋友度, 小朋友一樣好開心, 讀得不錯喎

Bowiema

其實兩間都係好學校, 程度就應該油天深d. 不過我覺得最緊要係諗住將來既中學校網, 因為油天屬油尖旺, st. mary巳無mud位for外邊考入去既小朋友, 油尖旺女仔揀中學真係買少見少. 而樓主小朋友係女仔, 深水步網對女仔比較有利. 而且瑪小有中學, 雖然唔係band 1頭既學校, 不過進可攻, 退可守.

smallpig

揀學校真係好講策略.

sandylala

多謝各位比我既意見..其實呢幾日已經諗到頭都大.. 兩間學校都有人支持..真係好難決定..
不過..最主要我唔可以下定決心去揀瑪小..係因為瑪小既位置比較偏遠..小朋友每日要用兩個幾鐘來回校車..好似好辛苦咁..所以先會不停諗來諗去..

莎莎莉莉

吓, 你住邊架?

我自己參觀過瑪小, 我就麻麻地鍾意呢間. 因為佢D學生俾我感覺比較文靜, 同埋唔多夠活潑, 仲有D老師....都唔多helpful....

油天我未參觀過...no comment....

thomas_dad

如小朋友跟得上，我會選擇舊油天。雖然深水埗校網女仔佔優，但如果油天考得好成績，派位應該比上智好，叩門的機會也比瑪小多，但要有心理準備會較瑪小谷。

thomas_dad

r34

原帖由 sandylala 於 11-6-27 16:01 發表
如果兩間都收左, 我個小朋友係女仔..
諗左成個星期都唔知點揀, 一間係傳統好學校, 一間有直屬中學.. 點揀好呢..?可唔可以比d意見呀..

瑪利諾神父教會學校(小學部)
的女裝校服，我親眼見過，
覺得接受唔到，馬姐衫褲，
不喜勿插。

sandylala

今日已經係最後一日, 一定要決定其中一間..
我問左個女幾日,佢之前都一直想入油天, 因為多佢喜歡既興趣班, 就算我話佢知會好多功課. 佢都覺得冇問題. 加上平時佢都係肯自動自覺溫習做功課, 成績ok但又未攞到品學兼優.. 我都唔知佢算唔算係可以谷得既小朋友...
好矛盾..瑪小都好似谷谷地...但location遠又好似係一個問題..(我都覺得佢套女仔校服唔係好得..不過呢個又唔係主要考慮因素)
另外, 我都擔心油天要投放好多$$$比佢補習..自問家境唔係好有$$$..擔心會幫佢唔到...
真係好頭痛呀...

w_y

睇你自己信心有多少. 長遠, 瑪小壓力係會細D. 不過車程遠到咁, 如係我自己我會揀油天, 加上你女兒又鍾意, 最多全家一齊陪佢努力讀書, 努力讀好書, 受益都係自己.

記住仲要問下個女肯唔肯著瑪小件校服...我就唔係幾接受到. 雖然呢個唔應該係選校重點, 但女仔著得好D 心情都會靚D~~

thomas_dad

選了舊油天，他日發覺不好，也無愧於心，因為是論學校和程度，以至交通時間而作的最佳決定。

選了瑪小，後悔的機會會較大，可能會懷疑當初為甚麼放棄舊油天而選了一間程度稍遜但路程要花很長時間的學校。每天2個多小時對小朋友來說不單吃力，亦浪費了做其他事情的機會，這個情況有可能要持續六年之久。

我同意校服的款式是較次要的考慮，但長時間的車程實在不容忽視，無論大人和小朋友都得為2小時的車程付出不少的代價。

另外學校提供越多的課外活動，小朋友便越大機會得到發揮和表現，這點也值得參考。

thomas_dad

原帖由 sandylala 於 11-6-29 10:44 發表
今日已經係最後一日, 一定要決定其中一間..
我問左個女幾日,佢之前都一直想入油天, 因為多佢喜歡既興趣班, 就算我話佢知會好多功課. 佢都覺得冇問題. 加上平時佢都係肯自動自覺溫習做功課, 成績ok但又未攞到品學兼優 ...

share123

原帖由 miffy 於 11-6-29 10:57 發表
舊油派位:

http://www.ymtcps.edu.hk/main/news/secschool/index_10.php

女仔派: 真光、st. mary、伊中、女拔、maryknoll、spcc、上智, 加埋都有2x個

睇下你鍾唔鍾意呢d中學。 ...

(1) 真光、st. mary、伊中 =>應該系round 1自己考or round 2派位
(2) 女拔、maryknoll、spcc、上智=>應該系自己考

說成績應該系舊油天好, 瑪利諾神父入上智既唔算好多,反而德雅,聖方濟各多d

share123

因為中學派位round 1系自行,自己決定考任何2間,憑成績+課外活動取勝, 而round 2系按地區派位,一般以小學所在區域派位,但亦可以要求調回自己住址的那一區.

所以,如果一個學生round 1考A,B學校,但round 2仍然將呢兩間放入第一二志願,最終派到AorB的話,學生系唔會知道自己究竟係憑round 1能力定係round 2運氣入到.一間津小,如果100人都派到band 1的話,足以證明學校具備相當好既競爭能力囉.

[ 本帖最後由 share123 於 11-6-29 14:36 編輯 ]

chingchingfa

Any decision you made? Share my experience about YMTCPS. In the past year, I've just paid Putonghua course for his funny learning. And thus, I really don't know why somebody has to pay $10K per month for outsider courses. If the average of courses is $1000 per month, how to handle 10 different subjects? And how to do homework?
If your girl is accepted into YMTCPS through "knock the door", trust the teachers who choose yours.  
Compared with my eldest girl's studying, my son could handle his homework and revision by himself easily.  
Trust your daughter also. She is the direct user, not you.  

原帖由 sandylala 於 11-6-29 10:44 發表
今日已經係最後一日, 一定要決定其中一間..
我問左個女幾日,佢之前都一直想入油天, 因為多佢喜歡既興趣班, 就算我話佢知會好多功課. 佢都覺得冇問題. 加上平時佢都係肯自動自覺溫習做功課, 成績ok但又未攞到品學兼優 ...

redkoni

2位皇仁仔應該是在校內全級頭三名,自行入機會大過統一派位甲部抽中.有無留意到這屆沒有男拔,女拔,聖保羅男女,聖保祿學校等直資中學?

原帖由 miffy 於 11-6-29 12:26 發表
其實我都唔係好識分, 派去好多中學唔同校網, 題外話, 睇下新油, 成百人派去band one, 好多都唔係同一個校網:



想請教下你又係咩原因??

...

steve666

等我過來人答啦。
你地可以睇返果d跨區名校的學位比油尖旺有幾多位?....係幾個度。但2間油天都有人入到。你地又估下有幾大機會可以派入去?因油尖旺Band one 生都唔少。
佢地大多數係考入既。
至於那些學位係派入?
Band 1 女仔 - 多數派去真光、銘基、St. Mary 同伊中都有，但好少派到入去。
Band 1 男仔 - 多數派去九華、聖方濟、銘基
其餘果d...大多數係考入，有d係叩入的 (ie. maryknoll)
至於直資和私校果d...一定係考入或叩入的。
說老實，油天係叩門當中一定有優勢，可能同名氣有關。