中文59分 數學57分 p1留班好？還是 轉校好？

iseult.tristan

"我覺得留還唔需還未好迫要去想.  前面的路咁長, 幾時先留得完? 成績一差就留, 咁係咪要逢二進一來讀書?

如之前有位媽咪所講, 應先找出問題所在, 唔識? 老師無教但有考? 家長無幫或無從入手? 無補習?  

我有幾個朋友的子女在某一學校讀, 程度都幾深, 小二升小三寧轉走都唔留, 佢哋覺得留班對子女的影響好大, 會影響自信心, 情願去間程無咁高, 打好基礎再嚟過.  事實上, 好多讀書叻的人是去到初中或高中才發力, 在小學都是不過如是, 寂寂無名...

而且最大問題是, 如果唔找出小孩成績差的原因, 留班之後的成績並不會一定好.  OK! 你搞好P1, 萬一P2又沉入去咁點算? 所以一定要找出佢學業上的問題, 治本才是最緊要."

[ 本帖最後由 iseult.tristan 於 11-6-21 15:21 編輯 ]

恩林

我大仔學校都有d個問題, 一科有兩part唔合就要留班, 初開學我對我大仔冇乜信心, 所以都有諗過你d個問題, 我都同我老公講過:如果學校要求留班, 我一定會轉校"
我心態係; 我大仔的學校都係出名, 差極都有三分釘, 去到出面我個仔都係top個咋la.....
結果第一次小學考試, 基本科科都幾好, 除左中文閱解, 老師直程打電話俾我, 叫我要注意吓, 因為佢只得70分到, 所以我都好擔心,
但我最後都係放棄左轉校嘅諗法, 我用左半個學期主攻閱解, 結果下學期考試有90分,
我開心到大讚我大仔.......
所以你都唔洗咁快放棄, 宜加仲係P1姐~
努力一番後再睇吓結果至下決定la~~!

AAma

名校課程比較深, 如果小朋友學習能力沒有大問題, 我覺得一動不如一靜, 好學校難找呀.比d心機同佢共渡今次考驗啦. 加油.

好命婆

原帖由 dora媽 於 11-6-21 09:44 發表
好多謝你們這些 好熱心的父母！在我好彷徨時 給予的意見和鼓勵！萬分感謝！
我昨天和女兒 談了一晚！ 總結出來：女兒好愛這間學校，不想留班，或者轉校。一談到留班或者轉校的問題，她哭得好傷心。這時，我的心好痛！ 我自己好後悔，我自己 ...

睇到呢段有些身同感受   我個女也是小一,年初第一次派成績表其實成績中等, 平均分都有85分, 可惜都要考第尾。當時老師話如果成績沒改善, 出年就不能跟原班升上精英班。當時我都跟阿囡傾過呢個問題, 阿囡又係哭得很傷心, 我的心一樣很痛

最後我跟老公覺得轉班或轉校都唔跟要, 最緊要係阿囡開心。次後慢慢同佢解釋, 如果佢想繼續跟同班同學原級升就要俾心機學習, 而爸爸媽媽會全力幫你, 但你要跟我們合作, 不境最終去考試的是你非我, 之後幫佢定立個可達到既目標, 達到後給予獎勵。如果可以的話暫停補習, 要佢上課留心啲, 回家後要講返老師教過嘅嘢。考試前預早溫習。

daisy17772

原帖由 好命婆 於 11-6-22 14:10 發表


睇到呢段有些身同感受   我個女也是小一,年初第一次派成績表其實成績中等, 平均分都有85分, ....

......可惜都要考第尾。當時老師話如果成績沒改善, 出年就不能跟原班升上精英班。當時我都跟阿囡傾過呢個問題, 阿囡又係 如果可以的話暫停補習, 要佢上課留心啲, 回家後要講返老師教過嘅嘢。考試前預早溫習。...

In fact, 85 average marks are not bad war.  Which school is that?  

I agree what you said, suspending 補習 and ask the kid to tell us what did they learn in the class, so to observe if:

1)  He/she could actually understand the content

2)  he/she relies too much on someone who always stand by them, e.g. parents or 補習 center.  Some kids would think if they could always ask someone who always stand by them, ie.. parents, to teach them at home, they don't need to concentrate in the school.

TMMA

我想問下，其實留班是否會有幫助?
如是，高小幫助大d or 低小幫助大d?
聽聞小學只有兩次留班機會，是真的嗎?

因我朋友個女p.1，除了中文(上學期都唔及格，下學期final 終於僅僅及格)外，英、數(英數)、音樂、常識(英文教)等都十分低分，好似是十幾廿分，我沒有多問，
佢自己全職單對單教女，另外亦已請了人上門補(每日三小時以上)，但因佢小朋友是在一間無功課的普遍屋村幼稚園讀，而且從沒出外學過其他課外活動，但舊年好運跨區抽中一間英小，(佢話無"林"過中，但隨意寫下，所以佢個女從無刻意學過英文)
佢問我到底是留班or轉校?
佢想留班成績可能會有改善，但我覺得轉校可能好d，
但到底那樣對小朋友好d
請各位給點意見，thanks!


p.s. 佢個女好似未開"hill"，十分or零分都會四處很開心的同所有見面的人講，是個happy girl!

[ 本帖最後由 TMMA 於 11-6-22 14:58 編輯 ]

Yukyuk

TMMA,

津校英小唔多，MARYNOLL CONVENT?

中英數常音 五科中, 四科不合格，仲要係好低分。

我估就算老師唔搵您朋友，您朋友都要主動搵老師商討問題。

叫您朋友搵班主任老師LA!

原帖由 TMMA 於 11-6-22 14:32 發表
我想問下，其實留班是否會有幫助?
如是，高小幫助大d or 低小幫助大d?
聽聞小學只有兩次留班機會，是真的嗎?

因我朋友個女p.1，除了中文(上學期都唔及格，下學期final 終於僅僅及格)外，英、數(英數)、音樂、常識(英文教)等都十 ...

easybring

你朋友有沒有能力全英和女女對答, 一齊睇很多很多英文課外書, 要引發小朋友對英文的興趣.  似乎要追兩/三年...仲要搵好d既英文補習老師.

原帖由 TMMA 於 11-6-22 14:32 發表
我想問下，其實留班是否會有幫助?
如是，高小幫助大d or 低小幫助大d?
聽聞小學只有兩次留班機會，是真的嗎?

因我朋友個女p.1，除了中文(上學期都唔及格，下學期final 終於僅僅及格)外，英、數(英數)、音樂、常識(英文教)等都十 ...

panbaby

其實最緊要就是先找出你朋友囡點解讀成咁?  你給的資料是: 女英小, 普通幼稚園, 全職媽咪, 有上門補習.

1) 父母自己是否讀書之人? 唔同人會有好大分別;
2) 看過測驗券或考試券(如有), 看看錯甚麼? 唔識甚麼? 無理由有全職媽咪加上門補習都睇唔出 (尤其是個補習, 望住份券, 見到錯了甚麼(病徵)或唔識甚麼都唔對症下藥, 會唔會太差?
3) 上堂留唔留心?
4) 做功課有沒有問題? 定係自己唔想, 一唔識就叫人俾答案. 或胡亂做功課? 錯完唔理, 之後又錯, 完全水過鴨背?
5) 問吓佢考試點温習?

有些學校雖然程度深, 但好多時如果有家長幫, 而且仲有補習, 真的好難去到咁極端的情況.

有啲人讀程度不深的幼稚園, 但小孩子吸收力好, 如果方法好, 好易追上來, 唔通名幼稚園的學生就一路名列前茅? 普通幼稚園就一路沉底?

至於留唔留班或轉走, 先找出原因再算, 否則個問題會一直出現.

TMMA

原帖由 easybring 於 11-6-22 17:28 發表
你朋友有沒有能力全英和女女對答, 一齊睇很多很多英文課外書, 要引發小朋友對英文的興趣.  似乎要追兩/三年...仲要搵好d既英文補習老師.

我朋友是沒有能力全英和女女對答的，佢重有個細，可能想個細直入，所以唔想轉"瓜"(我估)。
佢話阿女是細女(年尾出生)出年大d自然會識
我問過佢個女，佢話上堂唔知老師講什麼(因老師講英文)，但返學好開心，所以唔識都唔緊要。
我試過叫佢出外學英文，但佢話阿女上了一堂後同佢講驚西人，所以佢現在請了一個本地大學生上門教。
剛才我同佢通電話，"林"住同佢傾下，但講下講下，佢話最緊要阿女開心，做個好人，幾多分其實都唔緊要，
我聽完之後，所以我已決定唔再同佢講個女，費事大家傷感情。

TMMA

[quote]原帖由 panbaby 於 11-6-22 17:54 發表
其實最緊要就是先找出你朋友囡點解讀成咁?  你給的資料是: 女英小, 普通幼稚園, 全職媽咪, 有上門補習.

1) 父母自己是否讀書之人? 唔同人會有好大分別;>>>不是讀書人
2) 看過測驗券或考試券(如有), 看看錯甚麼? 唔識甚麼? 無理由 .....>>>佢唔識字
3) 上堂留唔留心? >>>佢話老師話佢個女好乖
4) 做功課有沒有問題? 定係自己唔想, 一唔識就叫人俾答案. 或胡亂做功課? 錯完唔理, 之後又錯, 完全水過鴨背?>>>完全要人再解題，邊教邊做
5) 問吓佢考試點温習?>>>補習姐姐跟

TMMA

重覆



[ 本帖最後由 TMMA 於 11-6-22 22:23 編輯 ]

redkoni

原帖由 TMMA 於 11-6-22 21:58 發表


我朋友是沒有能力全英和女女對答的，佢重有個細，可能想個細直入，所以唔想轉"瓜"(我估)。
佢話阿女是細女(年尾出生)出年大d自然會識
我問過佢個女，佢話上堂唔知老師講什麼(因老師講英文)，但返學好開心，所以唔識 ...

今時唔同往日,讀名校仲要係英小,家庭支援十分重要,唔係話補習咁簡單,成績在水平之下下很難在名校立足,可能佢想守到個細女入埋再算,家家有本難念的經,希望佢個細女在大女未轉校前等得到la.

瑩瑩老豆

既然你個女也不想留班或者轉校, 那看看學校有何說法? 如果學校也可以話升班咪睇多一年, 如果學校不準升才諗.

我見過有學生在小一時考中下, 升上2C (按成績分A-D四班), 二年級則成績大躍進, 后來升上3A.

原帖由 dora媽 於 11-6-21 09:44 發表
好多謝你們這些 好熱心的父母！在我好彷徨時 給予的意見和鼓勵！萬分感謝！
我昨天和女兒 談了一晚！ 總結出來：女兒好愛這間學校，不想留班，或者轉校。一談到留班或者轉校的問題，她哭得好傷心。這時，我的心好痛！ 我自己好後悔，我自己 ...

dora媽

再一次多謝 每一位熱心父母給予的意見和鼓勵！
學校讓小女試升班，這次總算是有驚無險！不過，這幾天嚇得我們一家，七魂不見了三魄！囡囡這次撞了板，都知驚了！我覺得是因禍得福（一家人這幾天好好的反思，囡囡也深知這次 升班機會 得來不易！）當你失去時，才知道擁有的珍貴 ！！（哈哈，好肉麻）
我們會好好利用這個暑假，操操中文！
大家都要加油噢！！！
再一次的多謝各位！

原帖由 瑩瑩老豆 於 11-6-26 16:40 發表
既然你個女也不想留班或者轉校, 那看看學校有何說法? 如果學校也可以話升班咪睇多一年, 如果學校不準升才諗.

我見過有學生在小一時考中下, 升上2C (按成績分A-D四班), 二年級則成績大躍進, 后來升上3A.

...

karen55407

恭喜！ 我呀女都有同學情況相似，不過我哋學校中、英、數三份卷有兩份卷唔合格先留班，佢中、英都係57-59分，好彩其中一科拉埋默書同作文僅僅60分，學校通知可以升班。我呀女數學都比較，我都好擔心佢唔合格，今次好彩佢合格，但每次都比數學拉低平均分，所以我哋不能鬆懈，大家都要努力吧！

原帖由 dora媽 於 11-6-26 22:31 發表
再一次多謝 每一位熱心父母給予的意見和鼓勵！
學校讓小女試升班，這次總算是有驚無險！不過，這幾天嚇得我們一家，七魂不見了三魄！囡囡這次撞了板，都知驚了！我覺得是因禍得福（一家人這幾天好好的反思，囡囡也深知這次 升班機會 得來 ...

easybring

人家既事都係唔好理啦!  

原帖由 TMMA 於 11-6-22 21:58 發表


我朋友是沒有能力全英和女女對答的，佢重有個細，可能想個細直入，所以唔想轉"瓜"(我估)。
佢話阿女是細女(年尾出生)出年大d自然會識
我問過佢個女，佢話上堂唔知老師講什麼(因老師講英文)，但返學好開心，所以唔識 ...

grace_xian

我想問問全級平均水准如何, 是否最差?定係大部分同學都同你囡囡一個level

如果是, 請不要氣餒, 如果唔係, 咁就要重視,

我不贊成留班, 我情願轉校, 因為對小朋友影響很大,

我覺得你囡囡只是小一, 是否是上當唔留心, 定係留心都未必明白而失去興趣, 她未必能夠知道, 請再觀察及作出comment, 針對弱點進行, 不要一味亂補

dorchiu

讀名校係有一定壓力, 我都身同感受, 做家長要配合.  如果你女兒上課不專心, 可能專注力較弱.  你試吓買d 專注力練習比佢做.