邊間幼稚園可派位又可直升?

lutang

本身係深水埗區40校網,本來一心諗住小朋友會參加統一派位學校,因為唔使學費冇咁大負擔。但見每年派位d家長都好擔心,又驚派唔到第一志願,又驚叩唔到門,但到時再搵學校又太遲,所以依家想搵一間可以參加派位又可直升小學的幼稚園,豈碼到時派唔到心儀學校都可以繼續直升嘛,唔知大家有咩好選擇呢?
雖然我係培正校友,但其實依家培正都好難考,而且佢地冇得參加統一派位,到中學佢地係派位既,但我又唔係住嗰區,真係心大心細唔知點揀,各位有咩意見呢?

NICOLE123

可以考慮祟真.
不過其實培正考到未入去讀囉.
中學仲有咁多年都未知咩事.
培中有機會轉C校都唔定
升中派位好似係跟學校網唔係跟住址喎(如果有錯請更正)

lutang

但崇真都幾難考喎,我個小朋友比較害羞,唔多同人打招呼,但喺屋企又勁曳,有d媽咪話佢地要考普通話同英文,仲要in好多round先知收唔收,真係打定輸數!

bee918

崇真應該只係in一round, 如果考國際班難免要考普通話同英文. 你可以考慮報主流班.
培正一考亦無妨啊.

lovelinda

升中派位可以選擇跟學校網or跟住址......:)

bibikids119

仲有培道幼稚園,都係直升小學,又可大抽獎的!
不過,在九龍城區,中學係女校,幼稚園同小學係男女校~

babybear

但係如果升中派位跟住址派位, 咁佢既次序係會點安排?
會唔會要派完"跟小學校網" 既學位, 有淨先會再分比跟住址學生?

原帖由 lovelinda 於 11-6-27 13:53 發表
升中派位可以選擇跟學校網or跟住址......:)

silvia_ng

原帖由 babybear 於 11-6-28 10:10 發表
但係如果升中派位跟住址派位, 咁佢既次序係會點安排?
會唔會要派完"跟小學校網" 既學位, 有淨先會再分比跟住址學生?

no no...

教署default 你地用學校網址。如需轉用住址, 就要向教署申請(簡單的), 咁先會比你用。唔可以食兩家茶禮架。