直升機家長與怪獸家長

redkoni

直升機家長:  家長好像坐直升機在子女上空低空盤旋,全天候監控子女的一切,無論子女是否有所需要.

怪獸家長:  家長盡力為子女清除所有擋在他們前路的障礙和危險,甚至子女巳經長大成人,家長仍然堅持做子女的白武士,幫助他們開山劈石.

如果解說有誤,敬請指正.

家長的你,會不會屬於其中一種?或者兩種皆是?

MaryBrown

我曾是100%直升機及怪獸,  因我身邊D家長朋友全是這樣。  每次話題都是:

1)升學策略
2) 尖子培育策略

點醒我是一班外籍家長，我將我的獨到策略與她們分享,  她們的反應是:  大笑!

當我自豪呀B3歲識100個英文生字，比西人的BB還叻, 但她們BB的自理能力(食、瞓,  tolite, 洗手  ) 與大人冇異， 重可幫忙做家務，我唔識整cookie,  她們的BB幫我。 點解香港只有窮人的家庭才會訓練出這麼'高'的自理能力? D人話IS的discipline 低，  剛相反， 他們這些才是懂事。

caramom

我諗我同丈夫都唔算係超級helicopter parents, 因為由個女學行開始我地都冇成日扶住佢，由得佢跌下撞下(屋企有地墊)，就自然識點樣行。返playgroup開始老師已經俾好多唔同既野佢地試，小朋友好好奇，咩都想試，我覺得就算試完整污糟左隻手同件衫都冇所謂，最多咪洗番乾淨。我同丈夫都buy IS既教學方法，佢地的確有自己一套，對於點樣訓練小朋友既自理能力、去explore等都做得好好。如果local幼稚園既去完toilet嬸嬸會幫佢地清理埋，咁佢地永遠冇可能學識點take care of themselves. 相反，IS既老師會放手俾小朋友自己搞掂佢，喺呢個過程就可以俾佢地思考，諗方法去做。我覺得有時要俾小朋友撞下板，佢地先會長大，如果家長永遠都幫小朋友做好一切，佢地冇嘗試過失敗既，到大個左就好容易會因為受唔住挫折而放棄。我唔希望我小朋友做「港孩」同有「公主病」，所以並冇請菲傭姐姐照顧佢，因為一有菲傭姐姐喺到個小朋友就會咩都叫佢做晒，我會安排少少家務(抹抬、洗碗etc)俾佢做培養佢既責任感，我會喺旁邊睇住佢有時幫下佢手，當佢做完佢就有好大成功感。
平日返學做功課，我都只係叫佢乖乖地坐定定做完佢，冇特登幫佢check同改，因為老師改完派返返黎會有feedback俾番佢，咁佢就知道自己邊方面做得冇咁好，最緊要係 learn from the mistake，學校亦好emphasize呢點，學習過程比成績更重要。報學校時我地都揀同我地理念一樣既學校，家校合作成效更為顯著。每日放學後佢都會好開心咁同我講'Mommy, today I have learned how to...at school, I did experiements about...' 聽到佢咁開心日日學到咁多野證明冇揀錯學校。
呢套教女方法雖然可能唔係個個岩用，但套用喺我小朋友身上就好好都幾成功，佢行出黎亦好有自信唔怕醜。
*本文只屬個人意見。

Christi

自問價值觀所限,做不了怪獸家長.

PS.我想不是所有本地KG的嬸嬸都會幫小朋友去廁所.小囡那間,wi wi 自己搞掂不特此,原來poo poo之後都係自己搞掂.想想都令人失笑.

redkoni

原帖由 MaryBrown 於 11-6-17 10:12 發表
我曾是100%直升機及怪獸,  因我身邊D家長朋友全是這樣。  每次話題都是:

1)升學策略
2) 尖子培育策略

點醒我是一班外籍家長，我將我的獨到策略與她們分享,  她們的反應是:  大笑!

當我自豪呀B3歲識100個英文生字，比 ...

Thanks MaryBrown and caramom. 你們的分享令我對IS的印象有所改善.

keemic77

請問什麼是 IS既教學方法? 請問有無其他教學法呀?

redkoni

原帖由 keemic77 於 11-6-22 15:51 發表
請問什麼是 IS既教學方法? 請問有無其他教學法呀?

International Schools 國際學校

Christi

抄一段嘢,供大家玩吓...

即Check你是否怪獸父母?
1.視子女的成就為自己的成就,不讓孩子輸在起跑點.
2.出儘法寶,金錢,人事關係,把子女送入名校.
3.極注重成功,認為子女的成績是父母的責任.
4.不肯放權放手,愛否定子女的選擇.
5.愛介入子女的學習,安排極多課外活動,以令孩子快人一步.
6.小事化大,常提醒子女外面的世界非常危險等等.
7.極度保護和照顧子女,還要求他人的態度也一樣.
8.如打聽到老師偏心,立即向學校投訴.

如有一半或以上的上述特徵,代表已開始進化成為怪獸父母.

>>當然,呢個term冇廣泛受認同的定義,以上抄錄的介定,參考參考即可,不必過份認真.

redkoni

原帖由 Christi 於 11-6-26 20:56 發表
抄一段嘢,供大家玩吓...

即Check你是否怪獸父母?
1.視子女的成就為自己的成就,不讓孩子輸在起跑點.
2.出儘法寶,金錢,人事關係,把子女送入名校.
3.極注重成功,認為子女的成績是父母的責任.
4.不肯放權放手,愛否定子 ...

Christi,
這裏的留言,如果玩吓,你覺得應該屬於那一項?
http://forum.edu-kingdom.com/viewthread.php?tid=2302759&extra=page%3D1&page=1

Christi

喲,redkoni,你發的帖不是叫人自我評價嗎?怎麼你叫我來評價其他人了?

我呢,係唔會單憑隻言片語的言論,嚟[界定],或者[標籤]某些人/某些看法(網上如是,生活亦如是).咁樣,未必有事實根據,亦對人家不公平...

至於對於叩門,我看到的是派位遊戲制度既荒謬,同埋家長們的苦心.單憑叩門呢點,我覺得不入那個checklist任何一點.況且,家長叩門的未必一定是名校,又更何況,你條link裡有一些家長,我之前看過他們的另一些post,覺得他們都是理性/以小朋友利益為依歸/都是我所尊重的.

還須申明,其實我不太完全認同那個checklist,而且,那個checklist都只係供家長們自check的,都話只係玩吓可以,不必認真.(最重要係,每個人心中都有一把尺,個checklist用嚟自check可以,但要用嚟check人,分分鐘連checklist每個point的詮釋都唔同,點check?例如第6點,怎界定小事化大,常提醒子女外面世界危險?)

仲有,我不太認為[出儘法寶把子女送入名校]=有怪獸家長的潛在基因.子女夠質素夠水平入名校,有何問題?怎樣才算是出儘法寶?叩門,點都不能說是[出儘法寶]的法寶之一,頂多算是孤注一擲,希望扭轉命運.反而,如果是[妄顧子女性格興趣質地家庭狀況而非名校不報不讀],這才有問題...

其實,講到尾,係咪怪獸家長/直昇機家長,真係自己先知道,別人難以說三道四呢...

見諒見諒!

redkoni

原帖由 Christi 於 11-6-27 21:33 發表
喲,redkoni,你發的帖不是叫人自我評價嗎?怎麼你叫我來評價其他人了?

唔好意思,我都話"如果玩吓"啫,不必認真!況且,那些留言也再三強調說笑和毋須認真,大家以不認真應對不認真,何嘗不可!如果我是認真,我自己早就tick咗喇,我不會靠害你,更不敢說三道四  見諒!

[ 本帖最後由 redkoni 於 11-6-28 08:06 編輯 ]

Christi

網絡碰面,吹水唔抹嘴,實為一大樂事,大家不必諒來諒去了...

ling426

我係:1.視子女的成就為自己的成就。>>但我可以讓孩子輸在起跑點上,如果他可以赢在終點綫上當然最好啦.

原帖由 Christi 於 11-6-26 20:56 發表
抄一段嘢,供大家玩吓...

即Check你是否怪獸父母?
1.視子女的成就為自己的成就,不讓孩子輸在起跑點.
2.出儘法寶,金錢,人事關係,把子女送入名校.
3.極注重成功,認為子女的成績是父母的責任.
4.不肯放權放手,愛否定子 ...

kitkitchui

其實我身邊都有好多呢D家長! 其實好多時佢地都想自己嘅小朋友比其他人叻! 常常同人比較! 唔衰得, 要臉子! 其實多D帶佢地返去探爺爺嫲嫲, 公公婆婆, 教佢地孝順和尊重. 呢D比學乜興趣班仲好啦!

仲有唔該D怪獸家長唔好乜都以為自已啱晒, 超級保護子女, 其他人就全部錯晒! 喂! 大老, 呢個世界唔係圍住你泥轉!

raychok

各位家長, 有時真係要控制下自己, 千奇唔好成為怪獸, 最緊要令小朋友有一個快樂童年!

bb.chy

是的, 好容易就跌入這個怪獸家長行列.  我地要醒目d.   

topkidsmom

好彩我仲係機師, 仲未變成怪獸.    
真係要時刻警剔。 唔係進化成怪獸都唔知。