如有一女一仔的你，會點選校呢？

foggyao

如入男女校，個細仔就一定唔洗煩，跟住入。

但如心中個女都係女校，萬一比個女咁好彩入左，咁到細仔抽時，就會少左首生子女既5分，咪即係到時無得同人爭？

有人叫我諗左個女先，個仔到時先算，但有人就叫我點都要男女校，因2年後，阿仔個年既出生率係更高!

請問，你地會點選擇？

w_y

我已決定, 各行各適合的路.
當然都要考慮各人條件, 如金錢, 所在校網, 小兒子面試的把握, 就讀的幼稚園等等.

cutekiddy

個個小朋友唔同,應該分開簡.我大仔上年15分抽到St. Jo,細女今年得10分抽到St. Paul's.

不過一定要有私校做back-up!

foggyao

原帖由 cutekiddy 於 11-6-7 13:04 發表
個個小朋友唔同,應該分開簡.我大仔上年15分抽到St. Jo,細女今年得10分抽到St. Paul's.

不過一定要有私校做back-up!

下？你講真？你係咪唔係甲部抽到，係乙部，即本身都住呢區而抽到架？

foggyao

原帖由 Heidi媽 於 11-6-7 13:29 發表
如果小朋友性格不同, 我都覺得要按個別的性格和需要來選擇不同的學校, 當然亦有很多很多其他因素去考慮. 有人會覺得唔同學校自己攞嚟煩! 我自己的3個小朋友都係讀唔同的學校, 雖然日常的東西會煩些, 但我到現在也沒 ...

嘩! 犀利! 你係ftm？
如唔係，3個小朋友，分開3個活動要家長出席，就要請3日假；又或仲衰d，撞日子，老公又唔得閒，無人幫到手，咁點算？

Jasmine-4711

看細仔面試把握,如佢好醒,區內又多選擇就各行各路.如細仔唔叻,就要靠家姐入男女校

[ 本帖最後由 Jasmine-4711 於 11-6-7 15:23 編輯 ]

karen55407

我舊年幫呀女以20分首輪入咗St. Mary，我仲有細仔跟尾，人人都覺得我好奇怪，我就一意孤行，我覺得細佬唔應該剝削家姐入優質學校嘅機會。至於細佬，到時我會幫佢考多幾間直資同私校，家姐如果讀書讀得好、品德好，唔多唔少都會影响到細佬嘅。

原帖由 foggyao 於 11-6-7 12:01 發表
如入男女校，個細仔就一定唔洗煩，跟住入。

但如心中個女都係女校，萬一比個女咁好彩入左，咁到細仔抽時，就會少左首生子女既5分，咪即係到時無得同人爭？

有人叫我諗左個女先，個仔到時先算，但有人就叫我點都要男女校，因2年後，阿仔個 ...

MW9919

完全Agree！
三年多前仲未知細B嘅性別，巳決定大女要入女校，因大女性格好清純，有禮貌，都好適合讀傳統女校。
幸好第二名都係女，生活上青春期唔駛惗多間房，二來可以向女校進發。
大女舊年11月自行20分入咗聖家，感謝主！開心程度乘二，三年後唔駛攪多次。
大教好細係真架，生命影響生命，我細女都算過得去啦。

foggyao

我就係細仔interview無把握，其實我女去in小學，我都全無把握，因為佢地兩個都係細b。我女就講野唔叻，所以都係靠派位。

而個仔就仲係12月細b，咁佢講野係好好多，不過就係對外完全靜態!!! 而細仔一拍埋d大b，真係差好遠!!

我都有諗過將佢地變做大b，但係見到一年比一年出生率上升，又開始越來越多富貴大6小朋友進攻，我真係唔敢拖多一年!!

Nov

hi foggyao,

我地囡囡同年同月出世呀, 話咁快又準備小學! :loveliness:

lovelinda

............

[ 本帖最後由 lovelinda 於 11-6-10 09:37 編輯 ]

cutekiddy

得咁低分,梗係6月嗰轉先抽到啦!

momama

No matter lucky draw, private school or DSS, you better choose the one that you like.  It may not be the "top" school.

Surely it is better to consider for both your daughter and son.

foggyao

原帖由 cutekiddy 於 11-6-8 01:34 發表
得咁低分,梗係6月嗰轉先抽到啦!

咁即係你係住係灣仔網，咁機會的確大好多，同埋6月呢轉抽，即係都係唔關計分事，而係睇好唔好彩？

其實，我細仔到時都會有小學backup，但中學時，又係死!!

好似你地話齋，唔好剝削家姐既機會，但我又諗，如家姐入到心水女校，而咁arm我仔係細b，派(因為少左5分)唔到心水學校的話，又何常唔係剝削左細佬機會？

其實，我係怕細佬大左，會怪我當年只為家姐!! 最怕d小朋友，成日話mami只錫晒對方，而事實唔係!!

不過，我諗，而家都會聽大眾意見，諗左個女先!! 唔該晒大家!!

foggyao

原帖由 Nov 於 11-6-7 17:15 發表
hi foggyao,

我地囡囡同年同月出世呀, 話咁快又準備小學! :loveliness:

hi，我都記得你呀!
時間過得真係快! 考小學，真係驚過考kg好多呀!@@
你洗唔洗煩呢樣野呀？

唉! 其實香港咁多齋男齋女校，你話個制度係，如非首名小朋友係不同性別，照會有首生子女呢5分就好喇 ~ 感覺好似公平d。而家，第二名不同性別小朋友，就會無左首生子女既5分，好似均剝削左兩名小朋友選齋校既權利咁。我d fd，兩個係同性別小朋友，根本就可煩少呢樣問題，無論佢地諗男女校 或 齋校，都無問題，因第二名一定可以直入!!

Nov

我大女是做了大大女(遲一年入讀), 就讀spn, 妹妹8月跟家姐入讀n1, 所以暫時沒有選校的壓力!

同性別的確是煩少一次, 但選校壓力又大D, 因有妹妹跟尾架.

foggyao

咁你就真係唔洗點煩喇，你大女都入左spn，而家選校，又無野要煩啦 ~ 羨慕死我!!

qqbabe

原帖由 lovelinda 於 11-6-7 20:27 發表
我都是這個問題, 但是我對仔女剛好相差3年, 即是他們會同一時間一齊考k1和p1, 所以我唔可以睇細仔in kg 會 in 成點再決定........不過佢是大仔(2月出世), 而家姐今年將會讀崇真k1, 所以如無意外, 應該可直上崇小(聽 ...

我個女又係今年入k1, 個仔啱啱2月出世. 幼稚園應該唔駛煩, 細既可以跟大既入, 小學方面就算參加大抽獎都要有私校backup, 講到底都係靠自己努力. 我諗住大既博津校(我想家姐讀女校), 細既就主攻私/直, 雖然細佬有15分, 但第一輪作用不大. 我擔心反而係如果一個讀傳統津校, 一個讀新派直資, 大家面對不一樣既考試壓力會唔會覺得唔公平?!