學小提琴問題

panala

啱啱同個女試緊一個新老師， 之但係有D嘢唔明， 睇下可唔有人可以解答一廿：
原本個老師係教我個女用一隻手指係FINGERBOARD度按個音， 例如D音就只用3手指按係A線上。

而家個新老師就會叫我個女用第1，2，3隻手指一齊放係FINGERBOARD嘅A線度（各自放係D MARKINGS 度）黎拉D音， C音就用第1，2隻手指按

（唔好意思， 可能表達得唔係咁好， 希望你地明白我講MUD）

新老師話咁樣可以令小朋友容易D記得手指嘅距離， 但又聽過話咁樣係壞習慣。

咁其實，邊個啱？

lillymarie

我囝囝的老師都教手指要放哂係手指板上，因為咁樣手指可以好快按絃，對將來拉快歌很重要。我囝囝現在練緊一首歌就係訓練佢呢個習慣。

kfy

原帖由 panala 於 11-6-2 00:53 發表
啱啱同個女試緊一個新老師， 之但係有D嘢唔明， 睇下可唔有人可以解答一廿：
原本個老師係教我個女用一隻手指係FINGERBOARD度按個音， 例如D音就只用3手指按係A線上。

而家個新老師就會叫我個女用第1，2，3隻手指一齊放係FINGER ...

我自己一向理解和做法都是和你的新老師一樣，反而我未遇過有人是你舊老師的方法，可能我孤陋寡聞。

do-re-me

原帖由 panala 於 11-6-2 00:53 發表
啱啱同個女試緊一個新老師， 之但係有D嘢唔明， 睇下可唔有人可以解答一廿：
原本個老師係教我個女用一隻手指係FINGERBOARD度按個音， 例如D音就只用3手指按係A線上。

而家個新老師就會叫我個女用第1，2，3隻手指一齊放係FINGER ...

Me 2
我老師都是這樣教我.但我學到5級無學了,所以5級以上我唔知.
仲要用力將1,2手指拍實來拉半音,否則會走音

panala

吓？原來一路都拉錯，因為我同我老公都唔識拉， 仲以為應該好似彈琴一隻手指一個鍵一個音TIM，好彩上黎問下啫，多謝各位。

lillymarie

不是為度手指位，而是要減少多餘的動作。
音準靠耳朵。我囝由1／4轉1／2，完全無困難，唔知點解佢好自然就知手指要放邊。

lillymarie

原帖由 ilovethiscow 於 11-6-3 12:06 發表
可能我誤會了... 放哂落手指板上的意思是 在手指板上 但不按弦嗎?

訪問過我囝囝, 佢話手指放在手指板上, 除了最後那隻手指要按絃之外, 前面的無需用力, 無謂哂力, 只需放在適當的指位等候.
以我從老師教導的理解, 其他手指是放好在指板上, 隨時候命, 位置不是亂放, 要放在proper position. 總之, 目的是按絃時, 手指動作越少越好, 那麼很快的歌也難不到.
其實, 我相信鋼琴亦差不多的, 彈奏時, 不是最好把手指放在琴鍵適當的位置上準備好嗎? 我大囝的琴老師上堂剛話佢手指動作太多.

panala

E， 咁其實你囝囝嘅做法係唔係即是我2個老師中間呢？。舊老師係其他手指離開條弦小小（佢叫我囡放好1，2，3，4手指後要OFF小小， 然後就要拉邊個音就落邊隻手指）； 而新老師就話係連前面手指一齊按， 咁即係要用力啦？ 咁其實係唔係都OK？

發覺自己真係好蠢

原帖由 lillymarie 於 11-6-3 18:41 發表

訪問過我囝囝, 佢話手指放在手指板上, 除了最後那隻手指要按絃之外, 前面的無需用力, 無謂哂力, 只需放在適當的指位等候.
以我從老師教導的理解, 其他手指是放好在指板上, 隨時候命, 位置不是亂放, 要放在proper po ...

[ 本帖最後由 panala 於 11-6-3 22:15 編輯 ]

Carman1112

我有少少唔明樓主既問題, 我囡囡係拉D音時, 1 2 3 手指都要一齊按下去的, 如果拉 A 音, 就拎起少少, 唔好掂條線, 唔知樓主又明唔明我講既野呢?

kfy

原帖由 panala 於 11-6-3 22:13 發表
E， 咁其實你囝囝嘅做法係唔係即是我2個老師中間呢？。舊老師係其他手指離開條弦小小（佢叫我囡放好1，2，3，4手指後要OFF小小， 然後就要拉邊個音就落邊隻手指）； 而新老師就話係連前面手指一齊按， 咁即係要用力啦？ 咁其實係唔係都OK？

...

我比較同意 lillymarie 的說法，一般都是按三指就一二三手指一起放在指板上，可以說是“一齊按”，但照計，用力的重心一定是在第三隻手指，小朋友就算最初用多了力慢慢一定會適應的。如果要固意“吊”起二隻手指，是非常不靈活的。而這個“一齊按”做法，對將來學 vibrato 也是完全沒問題的。

ohmygosh

我自己都係教學生一定要連埋前面的所有手指﹐根據不同keys的不同patterns一齊按﹐仲要係用力一齊按到底﹗唯一係做vibrato時可以稍為鬆開。

在剛過去的校際音樂節﹐其中一場小提琴獨奏比賽中﹐我為我的兩名小提琴學生親自伴奏﹐在宣佈結果之前﹐評判Alec Hou對一眾參賽者的表現也有一番見解﹐包括運弓﹐音準等各方面﹐其中他十分強調和重視我在前段提及的那個做法﹐他甚至對數十位參賽者當中只有一兩位能完全做到這一點感到失望。

最後﹐我的兩位學生﹐其中一位奪冠﹐而另一位就跟季軍只差一分(冠亞季全是一分之差)。他們連續三年參加校際比賽﹐遇上不同的評判﹐每次都是輪流奪冠﹐而未能奪冠的那位都總是得季/殿。另外﹐我教過的所有學生﹐考琴試(不論鋼琴還是小提琴)﹐不論高/中/低級﹐全部都是distinction的。所以﹐我也看作那是對我的教學法有相當的肯定﹐因此我也敢於在這裡與各位家長分享我的看法和做法。希望幫到各位啦。

原帖由 panala 於 11-6-3 22:13 發表
E， 咁其實你囝囝嘅做法係唔係即是我2個老師中間呢？。舊老師係其他手指離開條弦小小（佢叫我囡放好1，2，3，4手指後要OFF小小， 然後就要拉邊個音就落邊隻手指）； 而新老師就話係連前面手指一齊按， 咁即係要用力啦？ 咁其實係唔係都OK？

...

lillymarie

唔好担心。幾歲人仔聽唔明太複雜性的事，叫佢按哂所有手指好了。

bebebe12345

合理的"保留手指"自然重要!

panala

我諗我應該有點明白了，我會叫囡囡跟新老師的方法， 手指一起按下去， 其他的只好靠她的領悟了。

謝謝各位。

小伊

這問題根本不太重要，對初學者來說，當然按哂所有手指啦！無謂亂加多如動作。及後，到遇上較複雜的樂句，就不可能按哂所有手指了。

panala

因為我自己唔識小提琴， 但心想囡囡有心學的話， 就算唔係十分出色， 都應學正確手勢。所以見到兩個老師嘅指法唔同， 有D疑惑， 想上黎問下意見。依家見到大家嘅POST， 已經知道大概情況， 唔該晒。

原帖由 小伊 於 11-6-6 12:56 發表
這問題根本不太重要，對初學者來說，當然按哂所有手指啦！無謂亂加多如動作。及後，到遇上較複雜的樂句，就不可能按哂所有手指了。

小木偶媽咪

問左我囡囡,佢話咁樣唔好喎

panala

你幫我問咗你囡囡， 真係唔該晒。
但請問係指邊樣唔好？ 淨係放一隻手指唔好？

原帖由 小木偶媽咪 於 11-7-1 20:44 發表
問左我囡囡,佢話咁樣唔好喎