學校賣什麼？

mscmit

學校賣什麼？作者：木羽飛

大女兒今年九月便要為小一選校，最近的周末，都用來參觀學校。

怎說好呢？這趟經驗，就是有點奇奇怪怪就是了。好端端一間學校，有的校長像推銷員，手執咪高峰不停在數算學校的獲獎名單及升中成績，結果聽完一個小時的簡介會，學校賣點顯而易見，但整個過程其實更像業績報告，遠多於學校簡介。


有的校長則讓我想起補習天王，一副順我者生、逆我者死的態度，還大刺刺的告誡家長，如果想子女入讀這間小學，你便得表示「誠意」，意思就是在整個選校的過程中，都得把學校放在首位，否則，叩門免問。

我一直在想，怎麼現今的學校，都好像隱約滲出淡淡的商業味道，曾幾何時，我還記得，「賣點」兩個字，從不曾與學校掛鈎，但今天呢？學校都忙著建立自己的賣點，要在芸芸學校中脫穎而出奪取家長的歡心，沒有賣點，是不行的。

朋友曾問我，你究竟想女兒讀什麼樣的學校？

很慚愧，選校逼在眉睫，這種必答題，我卻至今還是答不出來。或許這樣說，我真的沒想過要女兒入讀一間怎樣的學校，卻是非常清楚明確的知道，不想女兒讀哪些學校。那類深信「讀到書就是龍、讀唔到書就是蟲」的學校，我是打死也不願女兒入讀的。

朋友總是忍不住揶揄，你別以為女兒一定像你不濟啊，或許她是書蟲呢？

我當然希望朋友說的是事實，但即使如此又如何？我可不想要一個狗眼看人低的尖子……這點，我的姨甥感受至深。

「以前學校分精英班，每逢上中、英文堂，老師都會將全班四十人分成兩半，成績最好的二十人留低上堂，另外二十人被帶到另一班房，由另一位老師『招呼』。然後這二十人中成績最差的三人，又會被抽出來個別處理，單對單上課。所以那時我最憎返學，學校沒朋友，人人都覺得我是地底泥。」

一個昂藏六尺三的大男生，看他今天的狀況──擊退全球不知多少名大學生，未畢業已獲著名投資銀行取錄，似乎看不出昔日求學路途上的傷口。但原來憶起小學往事，那種悲，還是揮之不去。

忽發奇想，香港有沒有一間以快樂、包容、自由為賣點的小學呢？如有，懇請告之。

ysnmama

簡介會原意讓家長在選校前更瞭解該校的一切. 但有些真的像傳銷一樣. 有些有學生表演. 我自己心也想. 一定把最好的讓大家見. 包括人和事也是. 難道會拿差的出來吧. 但如果沒有了簡介會, 家長會更難瞭解. 我自己反而有聽完簡介會後更清楚該校不是我杯茶. 所以沒有報.

JUNEYEUNG

見到朋友兒子讀的名校, 由p1開始就好以一間流水作業的尖子工廠, 讀到的一路谷, 讀唔到的放埋一邊, 只要你唔影響其他人, 就平平安安去到p6,年中就比d比賽大家去参加, 有高分學校又可出下名, 總之, 學習上完全唔會幫你, 讀唔到完全係你地一家人問題, 到上中學, 見你band 1 無望, 叫你擇間band 3 學校, 咁樣都叫派到第一志願, 學校又有jetso, 完全無關心學生, 見到一間咁嘅學校, 都唔知點解咁多家長心儀, 一間好的學校, 唔係將d課程教早一年, 就叫高人一等, 係要認真關心每一個學生

thomasha

可以考慮國際學校

原帖由 mscmit 於 11-6-1 15:55 發表
學校賣什麼？作者：木羽飛

大女兒今年九月便要為小一選校，最近的周末，都用來參觀學校。

怎說好呢？這趟經驗，就是有點奇奇怪怪就是了。好端端一間學校，有的校長像推銷員，手執咪高峰不停在數算學校的獲獎名單及升中成績，結果聽完 ...

thomasha

很好奇想知道是哪一間，可否PM給我？

原帖由 JUNEYEUNG 於 11-6-1 21:55 發表
見到朋友兒子讀的名校, 由p1開始就好以一間流水作業的尖子工廠, 讀到的一路谷, 讀唔到的放埋一邊, 只要你唔影響其他人, 就平平安安去到p6,年中就比d比賽大家去参加, 有高分學校又可出下名, 總之, 學習上完全唔會幫你 ...

thomasha

家長也要多留意學校簡介會的弦外之音，不要只聽內容。

原帖由 ysnmama 於 11-6-1 19:04 發表
簡介會原意讓家長在選校前更瞭解該校的一切. 但有些真的像傳銷一樣. 有些有學生表演. 我自己心也想. 一定把最好的讓大家見. 包括人和事也是. 難道會拿差的出來吧. 但如果沒有了簡介會, 家長會更難瞭解. 我自己反而有 ...

莎莎莉莉

原帖由 JUNEYEUNG 於 11-6-1 21:55 發表
見到朋友兒子讀的名校, 由p1開始就好以一間流水作業的尖子工廠, 讀到的一路谷, 讀唔到的放埋一邊, 只要你唔影響其他人, 就平平安安去到p6,年中就比d比賽大家去参加, 有高分學校又可出下名, 總之, 學習上完全唔會幫你 ...

對呀.
我仔讀過兩間幼稚園, 我就完全感受到呢樣野.
第一間, 乜都深, 美其名係程度高, 實際根本唔關心學生的發展, 但求教晒D野就算. 佢搞唔掂, 唔該你做阿媽自己諗辦法.
依家呢間, 讀的東西無咁深, 但勝在真係關顧小朋友的發展. 我仔讀得開心, 又有自信心. 我唔駛佢做最TOP的學生, 只求佢可以開心, 有自信地做人.

呢個經驗, 也成了我為佢選小學的寶貴指引.

kkhon

大多名校都係預你自己攪掂，讀唔掂咪叫你轉校law。我有朋友教書佢話名校d老師好hea,反而津校的老師就教得好辛苦。

Christi

文中作者末段話: 忽發奇想，香港有沒有一間以快樂、包容、自由為賣點的小學呢？如有，懇請告之。

咁我亦忽發奇想，香港有沒有一大群(係一大群,唔係小撮人)以快樂、包容、自由為教仔目標的家長呢？如有，懇請告之。

ymama

香港有沒有一大群(係一大群,唔係小撮人)以快樂、包容、自由為教仔目標的家長呢？

Charlotte_mom

睇左筆者分享, 好認同, 我亦係以呢個方針選校
以前個女搵小一, D學校話要"認同學校理念", 心裡"車"一聲, 唸: 去A咪認同A, 去B咪認同B LOR
到而家, 個女都讀到小5, 個仔都選埋校(我仔有DD SPECIAL NEED, 選校要更小心), 我充分明白咩叫"認同學校理念", 有D學校, O係我心目中, 係"俾我都唔要" <-唔係我大口氣, 只係每人心中有把尺, 自己至清楚自己想要咩, 對我黎講, 教識小朋友做人態度, 老師要識關愛包容, 有耐性同家長一齊去"教"小朋友, 陪佢成長, 遠遠緊要過學術排名(學術固然要有一定水平)
仲有, 要肯花資源補底, 唔放棄每一個學生, 呢個對我黎講, 係辦學既基本應有態度

ziyi

係啊,講你都唔信,昨天我同事對我說,看了她囝囝學校內聯網的電郵..幾恐怖,那個老師.....過份到你唔信
我第一句回應是報警

原帖由 Charlotte_mom 於 11-6-2 09:50 發表
睇左筆者分享, 好認同, 我亦係以呢個方針選校
以前個女搵小一, D學校話要"認同學校理念", 心裡"車"一聲, 唸: 去A咪認同A, 去B咪認同B LOR
到而家, 個女都讀到小5, 個仔都選埋校(我仔有DD SPECIAL NEED, 選校要更小心 ...

Seanlamsl

I totally agreeded with you.

原帖由 Charlotte_mom 於 11-6-2 09:50 發表
睇左筆者分享, 好認同, 我亦係以呢個方針選校
以前個女搵小一, D學校話要"認同學校理念", 心裡"車"一聲, 唸: 去A咪認同A, 去B咪認同B LOR
到而家, 個女都讀到小5, 個仔都選埋校(我仔有DD SPECIAL NEED, 選校要更小心 ...

thomasha

"有教無類" 這種情操，先不要說收生的過程，就是已在學校就讀的學生，就應該盡力教好他們。對我來說，有些名校之標榜自己成績有多出眾，比賽有多少獎項，但對表現較遜的同學的支援卻著墨甚少，這些都不是我的理想學府，因為最基本的教育熱誠也沒有。

試想，如果入了那家學校，甚麼都要靠在外補習才能追得上進度，孩子在那間學校得到的，只是一個"名校畢業生"的虛銜，家長有 "我的孩子讀名校" 的光環。

記得犬兒到其中一間極著名的男校面試，先不要說我們這些家長對學校的不滿，連犬兒一出來便說："這家學校會教壞人的，就算它收了我，我也不要入讀!" 顯而易見，這家頂尖男校不是我們那杯茶，我們亦在離開學校2小時內把它完全拋諸腦後。

"有人辭官歸故里，有人漏夜趕科場"
"冤豬頭都有盟鼻菩薩"

還是那一句，適合自己孩子的，對孩子就是好學校，否則就算聲譽再好，也只是糖衣毒藥。

原帖由 Charlotte_mom 於 11-6-2 09:50 發表
睇左筆者分享, 好認同, 我亦係以呢個方針選校
以前個女搵小一, D學校話要"認同學校理念", 心裡"車"一聲, 唸: 去A咪認同A, 去B咪認同B LOR
到而家, 個女都讀到小5, 個仔都選埋校(我仔有DD SPECIAL NEED, 選校要更小心 ...

thomasha

我還在學習做個這樣的家長，漫漫長路呢!

原帖由 BookloverJ 於 11-6-2 10:38 發表

咁我亦忽發奇想，香港有沒有一大群(係一大群,唔係小撮人)以快樂、包容、自由為教仔目標的家長http://adex.baby-kingdom.com/www/delivery/avw.php?bannerid=565&cb=2104呢？如有，懇請告之。
當然有啦, BK呢度都有好一大 ...

Charlotte_mom

可惜唔係個個家長都咁"睇得開"

原帖由 thomasha 於 11-6-2 10:49 AM 發表
"有教無類" 這種情操，先不要說收生的過程，就是已在學校就讀的學生，就應該盡力教好他們。對我來說，有些名校之標榜自己成績有多出眾，比賽有多少獎項，但對表現較遜的同學的支援卻著墨甚少，這些都不是我的理想學府，因為最基本的 ...

thomasha

咁就要靠好似你咁有影響力o既家長多d提點其他家長喇。:)

原帖由 Charlotte_mom 於 11-6-2 10:55 發表

可惜唔係個個家長都咁"睇得開"

Charlotte_mom

唔駛咁大頂高帽笠落黎, 自己有幾多斤兩自己心中有數
(學習中喇....)

原帖由 thomasha 於 11-6-2 10:56 AM 發表
咁就要靠好似你咁有影響力o既家長多d提點其他家長喇。:)

Christi

擊掌!

不過老實講,媽媽進入BK討論區閒逛的先後次序,多數係咁(大致上):產前產後>XX媽媽會>母乳餵哺>嬰兒用品,然後進入教育王國的談幼兒園>談幼稚園>課外話動,然後到小一選校,然後到升中派位...

作為半新手媽媽,其實早已被BK一些posts嚇怕.選名校/儲cert/點樣訓練2,3歲的小朋友十八般武藝...初任媽媽,很多東西未及想得透徹,便要忙於習慣面試此等遊戲規則,講真,有時很容易受到街談卷議所影響.只有等育兒經驗日長,才能慢慢領悟到育兒的核心問題.

原帖由 BookloverJ 於 11-6-2 10:38 發表

咁我亦忽發奇想，香港有沒有一大群(係一大群,唔係小撮人)以快樂、包容、自由為教仔目標的家長http://adex.baby-kingdom.com/www/delivery/avw.php?bannerid=565&cb=2104呢？如有，懇請告之。
當然有啦, BK呢度都有好一大 ...