編班試求助

Ivy07

坊間有些編班試補習班，不過未試過，唔知得唔得。

Lovely媽咪

我仔間補習社都有叫佢參加編班試操卷班,但我又覺得如果佢靠上呢啲班先入到精英班,如果之後讀唔惦,係咪一定又要keep住靠補習呢?所以都係等佢用自己能力考,入到一班係佢真正可以應付既班好過.

TINGMUM

請問呢d班同買tsa返來操有咩唔同?

mio8390

不如用平常心對代，看看自已的子女在這批中一生中的水平。

share.gain

無錯, 俾你第一年免強入到精英班, 讀唔掂, 第二年一樣會"西"番出嚟!況且, 12/7這日子小朋友已考晒試又知道派邊間, 心情方面或多或少都會鬆散, 所以這個試跟本未能完全反映小朋友實力. 真正可睇到同學們的學習能力反而係F1開學後. 如是者, 我建議各家長不要給小朋友太大壓力, 什麼操練之前學校都會有, 不須要額外再參加什麼班, 做什麼操練卷, 他們應付三次呈分試已夠吃力, 不如讓他們過番一個輕鬆d暑假, 暑假過後還有6年他們去面對, 去應付一個又一個嘅測驗同考試.

fallenleaf

原帖由 TINGMUM 於 11-5-19 12:31 發表
請問呢d班同買tsa返來操有咩唔同?

理論上係沒有分別。佢地而家係學校都係做以前的PS1卷。不過你買番泥屋企比佢做，佢可能唔願做，係出面就死死地氣做！

overview

通常呢個試小朋友都唔會做得好似呈分咁好, 因都已塵埃落定, 反而對學校的學兄妹好重要, 因呢個試影響每間學校的band 1數目.

share.gain

話輕鬆咋! 嚟個暑假都唔係咩都唔駛做. 註冊後, 獲派中學都會有暑期作業, book report等要小朋友做, 又要返預備班.

fallenleaf

多數小6學生而家在學校都加緊補課以備6月中考TSA，考完重有3個禮拜就考PS1，跟本PS1都唔駛點操啦！況且有d要叩門的學生，可能重要應付多個叩門試，考完相隔4至5日就考編班試，跟本都無需特登去操。
不過，如果係想操，趁而家重有畢業試，和TSA未考，而家操埋算數。

mio8390

已經經過多場考試，要溫的都溫完啦，給小朋友鬆一鬆，用平常心去考，可能會有好效果，我仔仔就是這樣進入精英班，太緊張可能有反效果。

carchu12

我都覺得佢地已經辛苦左好耐架啦﹗由5年班開始緊張，而且佢地都要由自己既實力去踏入另一個6年，再谷可能會有反效果。小學學校應該會幫你谷架啦﹗因為個分班試對佢地一樣有好大既影響，所以都係放鬆d，等佢自己去面對，而且要佢自己開始摸索下另一個6年既開始。

yan98

agree, 由五升六整年已經好幸苦, 而家最重要係應付畢業試...  網班試用平常心對付就可以, 不要特登去操, 俾小朋友透下氣... 佢地都幸苦左成年...

khmama

今年呢個編班試唔會影響師弟妹, 可以唔使咁大壓力.

carchu12

咁就更加好啦﹗一於等佢自食其力，等佢自己知道自己去到邊。

Thanks khmama!!

原帖由 khmama 於 11-5-20 22:51 發表
今年呢個編班試唔會影響師弟妹, 可以唔使咁大壓力.

alice44

原帖由 khmama 於 11-5-20 22:51 發表
今年呢個編班試唔會影響師弟妹, 可以唔使咁大壓力.

咁係咪即是以後都唔會用這年的編班試成績呢? 如果係, 咁又係咪即是用隔一年的成績去計算呢?

khmama

原帖由 alice44 於 11-5-21 11:35 發表


咁係咪即是以後都唔會用這年的編班試成績呢? 如果係, 咁又係咪即是用隔一年的成績去計算呢?

冇錯. 簡單o的解釋, 雙數年份既編班試成績會用黎做樣本, 即2008, 2010, 2012, 2014, 2016, 2018....n年.

而每年教育局會攞最近兩個樣本計算學校banding%. 如下:

2011: 2008 & 2010
2012: 2008 & 2010
2013: 2010 & 2012
2014: 2010 & 2012
2015: 2012 & 2014
2016: 2012 & 2014
.
.
.
所以單數年份既編班試成績永遠唔會用. 不過個試影響分班, 如果要爭入英文班既小朋友仍然唔可以掉以輕心.