自言自語

autunmbb

原帖由 wah37 於 11-5-14 23:14 發表
仔仔有自傾，我覺得佢最大問題係經常自言自語，當然係講啲bb話，又成日遊魂，諗到乜嘢就講乜嘢~
針對呢個問題應該點改善呢?

你個仔幾大呢？

上次聽個ST講talk提到，其實好多人都會自言自語，好似煮餸時會同自己講，現家落鹽，跟住仲要落其他野～～ 所以個st話好多人都會有自言自語呢個行為。

我反而在意你話個仔遊魂，即係唔可以專注或都係溝通唔好，係唔係？

autunmbb

原帖由 wah37 於 11-5-15 23:27 發表
我個仔兩歲九個月。

自言自語問題係佢講太多無人聽得明既嘢。

遊魂唔專注，都唔係溝通唔到既，係要嗌多佢幾次，佢先在意到要回應人

我個仔係2歲8個月，我上ABA training個老師同我講，如果佢講星球話，我可以扮佢講番星球話，等佢知道跟人地講野，我就當同佢玩咁扮拒講野，都幾得意呀，我當同佢做多d口部肌肉運動，又可以等佢多d注意我。現家做下training，佢都有進步，講野多左，仲有時會自己唱下歌（不過我完全唔知佢唱乜架）同做動作咁囉。

autunmbb

原帖由 wah37 於 11-5-16 12:47 發表
To autunmbb

多謝分享。

如果仔仔講星球話，同佢講啲有意思既說話，係咪會好過講星球話呢?

始終佢講星球話係因為佢思想未成熟，未講到有意義既句子 ...

點講好呢..... 就好似我去日本問日本人路，佢好詳細咁答我不過佢講日文，我就一d都唔明，咁對我來講都係一d無意思的東西。

我同個仔講星球話，可以話係遊戲咁，等佢同我有多d「溝通」，同時想佢留意多身邊的事物（我）。

另外我會教佢講野，佢由識講10個字，到現家識講30up個字，要野開始識得手指指，由坐唔定到可以安坐5－10分鐘。因為開始識表達，佢發皮四的情況也有改善。

有時都要一步一步咁來，我個仔就global delay 1年至年半，做左兩個多月training，這個進步都ok啦。我個仔還是停留在單字，2字詞佢好似唔明要一齊用，不過佢就識講，提佢佢就識用2字詞。講句字來溝通都係我的目標之一。大家加油啦。

autunmbb

最近我還開始比佢食雪條，食果仁來訓練佢的口腔肌肉。

我的ST朋友仔話我可以比佢試下珍寶珠訓練下佢舌頭運用，佢話唔駛比佢一次過食晒，食唔完可以包番好佢下次沖沖水又食過。