自閉症遺傳機會有幾高?

cheukhei

本人有一兒子6歲,想生多一個但又怕遺傳問題,想請問大家點睇?

szeszes

50分之1機會

我都有1個6歲大既仔仔, 不過, 我同我老公都決定唔再生; 原因係.. 我想用我所有既工餘時間去幫佢, 去訓練佢

同埋, 本身都怕再來多一個自傾小朋友

annaanna

我同老公都係決定唔再生，因為照顧一個已經夠吃力，萬一唔好彩又多一個需要特別照顧就未必負擔到喇 (無論精神、時間同金錢)﹗

原帖由 szeszes 於 11-5-11 13:38 發表
50分之1機會

我都有1個6歲大既仔仔, 不過, 我同我老公都決定唔再生; 原因係.. 我想用我所有既工餘時間去幫佢, 去訓練佢

同埋, 本身都怕再來多一個自傾小朋友 ...

samantha_yuen

我都唔敢生第3胎....我第一胎係無事.....第2胎先係咁....如果次序調一調...我都生一個就算!

原帖由 cheukhei 於 11-5-11 13:27 發表
本人有一兒子6歲,想生多一個但又怕遺傳問題,想請問大家點睇?

owl_2046

冇錯, 50%機會再黎一舖...玩唔起

mamagarfield

Checkhei,你係咪全職媽媽?想生多個陪仔仔?我同老公就諗住唔再生,同szeszes,annaanna一樣覺得要為個仔付出好多時間,精神同金錢,驚生多個比唔到時間比第二個.

cheukhei

我係全職媽咪.想生多個陪仔仔加上本來已計劃等仔仔上幼稚園時會多生一個但是知道了仔仔情況後真的不敢生.不過最近又有朋友有了BB(是第二胎)真的很羡慕.所以又再諗..唉!現在仔仔讀全日I位

Olympian

雖然生多個父母辛苦D，但係多個弟弟/妹妹對佢成長會好D。大個左有咩事都多個人同佢商量。阿爸阿媽唔係到個時都仲有個親人。

佢而家返全日你可以多D時間照顧個細仔。

不過，要有心理準備就算第二個都A，自己都接受到同埋應付得來。

olima

終於找到了這個很有心媽媽部落內的這篇文章給你參考︰

http://hk.myblog.yahoo.com/mama-tears/article?mid=761


我大囝是自傾，現6歲，意外地有了弟弟，現10個月，暫時看弟弟沒有大問題。

懷弟弟時曾經很担心，但想到無論如何，弟弟也是我的骨肉，就放開了。我是全職媽媽，但暫時心機及時間也放在哥哥身上。

szeszes

我家既呢代 (亞仔果代), 有7個小孩, 7個入面有6個有些特殊問題; 我仔未有事前, 我唔覺得佢地有問題, 了解左後就 list 左出來 [真係好吃驚]

呢4個而家都20幾歲; 大果兩個係一個 family 生, 細果兩個係另一個 family 生
大姨甥女 - 自閉傾向 (佢係讀完 F5 後, 出現呢個問題, 好固執, 唔肯出街, 樣樣都好執著, 有睇精神科, 不過話係遺傳 daddy 問題, 精神過敏)

大姨甥仔 - 資優兒 (不過都係怕羞, 文靜型; 佢有正常社交, 有返工, 有女友, 有車有樓)

細姨甥女 - 呢個算係正常 (不過係豬油包; 有返工, 有男友)

細姨甥仔 - 懷疑有讀寫障礙 或 專主力不足, 讀來讀去唔入腦, 5年級都未熟識晒 a-z 或 A-Z 既寫法; 即你你講 q 字, 佢都要諗一陣就識寫 (呢果去埋英國讀書返來, 都仲係唔得, 無大學收; 而家返來係廣州讀書, repeat 左2年預科, 仲未升到班)

呢3個係99年至06年出世
大侄仔 - 言語有延緩, 似有自閉 (細時, 好怕見到陌生人; 係怕到... 有人上來屋企, 見到就大喊, 唔肯望人); 2歲半後唔再清楚佢發展, 因為亞哥離左婚, 無再來往

我仔 - 評定為有自閉特徵

細侄仔 (亞哥再婚) - 老師建議去做評估, 好似有過渡活躍, 疑似係資優 (因為由細講野好叻, 創作力強, 好勝, 好自我, 成日要人跟佢玩法玩)

原帖由 pipi331 於 11-5-11 19:07 發表
唔只糸自閉, 弟妹有可能"high"到其他嘢. 好彩的可能糸資優, of course平凡是福就更好. 生多一個, 真系要預埋呢個都有機糸特殊需要.

[ 本帖最後由 szeszes 於 11-5-13 21:37 編輯 ]

CPLau129

我都好同意多個弟弟/妹妹對佢成長會好D
我大仔11歲,自閉,讀特殊學校.細仔8歲,冇事.好興幸有細佬,平時多個人訓練,又可以平行吓屋企父母情緒,唔使成日咁灰.不知不覺間哥哥會扮細佬,又會同佢玩,我覺得係同大人玩不同,有細佬哥哥係開心,開朗啲.

不過父母真係要有心理準備,下個bb有事係一半一半.

話時話,而家好多小朋友有事,乜都有. 有人話食物質素差引至,真係唔知點解??

szeszes

個人認為, 而家科技昌明, 將人既性格分類

其實, 我地細時, 都有見過呢 d 同學仔, 如:
文靜書生型, 唔多同人講野, 會被人叫書 die 子 (可能係自傾)

好頑皮既 (可能係過渡活躍症)

讀書讀極唔入腦, 寫字寫來寫去都好核突及出界既 (可能係讀寫障礙, 專注力不足)

又或者, 真係食物問題啦!! 其實真係唔知

我本身同老公都有甲狀腺問題, 意外有左仔仔, 有私家醫生當時都話我地博, 怕我甲狀腺問題影響仔仔腦部發育, 又或者仔仔出世會有甲狀腺問題 (當時有建議終止懷孕), 我駝我仔, 一至二星期就要回院 check 甲狀腺
[我成日安慰自己, 我同老公本身既問題, 生左個智商無問題既仔仔, 已經要感恩]

原帖由 CPLau129 於 11-5-13 22:17 發表
我都好同意多個弟弟/妹妹對佢成長會好D
我大仔11歲,自閉,讀特殊學校.細仔8歲,冇事.好興幸有細佬,平時多個人訓練,又可以平行吓屋企父母情緒,唔使成日咁灰.不知不覺間哥哥會扮細佬,又會同佢玩,我覺得係同大人玩不同,有 ...

ababymami

可能同生產方式有關。有幾多個A仔媽咪是採用非自然方式生產，如真空吸出等。

CPLau129

原帖由 ababymami 於 11-5-14 04:09 發表
可能同生產方式有關。有幾多個A仔媽咪是採用非自然方式生產，如真空吸出等。

乜有關係? 我係順產.

szeszes

我地統計下:
我仔, 因唔轉頭, 開刀生; 出世時個頭好大 (頭圍38cm), 有係政府醫院跟進至1歲 [本身我都係大頭, 我要戴男性帽]

原帖由 ababymami 於 11-5-14 04:09 發表
可能同生產方式有關。有幾多個A仔媽咪是採用非自然方式生產，如真空吸出等。

[ 本帖最後由 szeszes 於 11-5-14 13:17 編輯 ]

alvismother

我大仔6歲自閉傾向，細女2歲正常，2個都係足月順產，依家見到佢地相親相愛，真係好感恩！

cheukhei

我都是這樣想，大個左父母不在都可以互相照顧，但若果生多個真的又是A，真的怕自己應付不來。

cheukhei

我順產BB足月出生.出世時頭圍偏細.E院都有跟進但當時E生說沒有問題

annaanna

如果互相照顧到梗係好事，萬一大家都照顧唔到自己，點算？
之前睇過香港電台有個節目，大果個冇問題，細果個係特殊，嚴重影響到大果個冇辦法過到正常生活，雙親好似離左婚又有d 問題，個大o既番番下工，個細o既出事，又要去攪掂先，攪到公司d 上司+同事都唔like佢，男朋友又唔理解，但始終果個係自己個妹，又唔可以唔理...  所以，我睇完之後，諗清楚，如果生多一個係為左互相照顧，對細果個好唔公平，正常同唔正常都係lose lose situation﹗

原帖由 cheukhei 於 11-5-16 14:48 發表
我都是這樣想，大個左父母不在都可以互相照顧，但若果生多個真的又是A，真的怕自己應付不來。