唐乃勤是否真的很差?

Mcandy

我選了唐乃勤為自行第一志願, 老師說我選錯, 在大抽獎時, 將佢放返後d, 老師話佢可以入葵青保祿女校, 好唔開心, 好似害咗個女

alice44

你係葵青區 or 荃灣區?
點解你會放第一志願呢? 自己嗰區無更好的學校?

cameo

原帖由 Mcandy 於 11-5-9 13:52 發表
我選了唐乃勤為自行第一志願, 老師說我選錯, 在大抽獎時, 將佢放返後d, 老師話佢可以入葵青保祿女校, 好唔開心, 好似害咗個女

唔好咁諗啦,大家都想小朋友好o既~
咁你個女係邊個網 & 咩banding呀?
講真,自行都幾十個位,話易又得話難又得,你係band1A生當然好易入左啦,,,
呢間似乎係ssp網內band1做保險位,band2生會揀o既中學....我唔熟呢間中學,但我都係ssp網填表都有放佢喺十幾志願,,,,我都相信一間中學若校風太差,唔會有人興趣啦~

Mcandy

我係葵青區, 個女band 1尾, 早前聽唐乃勤d講座, 覺得佢前景好似好好, 因莊啟程有90%上大學, 所以選佢做跨區第一志願, 但後來老師講唔係咁好, 程度太淺, 所以要我轉返女校, 但已經太遲, 老師話唐乃勤應該已經收咗, 所以好唔安樂, 明明個女可以入傳統英中, 但我走去選咗間band 2俾佢

yan98

老師有老師既道理, 如果係Band 1生, 當然最好選英中. 但今年減班, 葵青區Band 1中學都唔夠位. Band 1生有機會跌去Band 2中學. 我都打過去唐中問, 唐中老師好坦白, 上年多數收Band 2頭 及 Band 1尾學生, 所以你不用太自責.
以平常心去對待.

tictactoe

莊啟程90%入大學是因為她只開中六及中七，學生的來源是全港各區band 1學校未能原校升讀的學生，及各區band 2學校不欲原校升讀的尖子，全部會考都有20分以上。

由於新高中學制推行，再沒有中五學生入讀，莊啟程改為開辦中四至中六，與唐乃勤結龍，以前 band 3的唐乃勤因為莊啟程的名聲，才開始升 band。 事實上，唐乃勤無業績可見人，「莊啟程高中」收唐乃勤的學生開辦新高中，不要期望她會有「莊啟程預科書院」的成績。

原帖由 Mcandy 於 11-5-9 22:49 發表
我係葵青區, 個女band 1尾, 早前聽唐乃勤d講座, 覺得佢前景好似好好, 因莊啟程有90%上大學, 所以選佢做跨區第一志願, 但後來老師講唔係咁好, 程度太淺, 所以要我轉返女校, 但已經太遲, 老師話唐乃勤應該已經收咗, 所 ...

cameo

原帖由 Mcandy 於 11-5-9 22:49 發表
我係葵青區, 個女band 1尾, 早前聽唐乃勤d講座, 覺得佢前景好似好好, 因莊啟程有90%上大學, 所以選佢做跨區第一志願, 但後來老師講唔係咁好, 程度太淺, 所以要我轉返女校, 但已經太遲, 老師話唐乃勤應該已經收咗, 所 ...

我同意某D情況下,真係應該竹門對竹門先係最啱配,但band1尾及band2頭兩者之間最大分別只係喺大抽獎呢個遊戲規則上!
我同你都唔會知到底個小朋友實屬全港咩次第,反正都已經揀左,又無必要太執著一個老師的一句說話了! 唐應該只係band2,雖然有人提出佢話上年主要收band1尾及band2頭,但兩者要比較下,相信都係以band2生佔多吧??? 只係言語間點表逹,就算一間95%收band1生的英中亦可以講自己主要收"band1及band2"為主,問題係中學都無分banding,佢收幾多band1生咪可以當佢係band1中學,,,
事實呢兩年外界對唐評語係偏好呀,講真我主力諗個女頭三志願所以無太留意唐,但我相信你為個女選校時,not單單睇一間學校banding吧??當日有咩吸引你之處??何必要為老師一句說話而煩腦呢??

ckw1500

Totolly agreed.

原帖由 tictactoe 於 11-5-9 23:44 發表
莊啟程90%入大學是因為她只開中六及中七，學生的來源是全港各區band 1學校未能原校升讀的學生，及各區band 2學校不欲原校升讀的尖子，全部會考都有20分以上。

由於新高中學制推行，再沒有中五學生入讀，莊啟程改為開辦中四至 ...

alice44

原帖由 Mcandy 於 11-5-9 22:49 發表
我係葵青區, 個女band 1尾, 早前聽唐乃勤d講座, 覺得佢前景好似好好, 因莊啟程有90%上大學, 所以選佢做跨區第一志願, 但後來老師講唔係咁好, 程度太淺, 所以要我轉返女校, 但已經太遲, 老師話唐乃勤應該已經收咗, 所 ...

我都係葵青區, 阿仔係BAND 1頭, 但我都有揀呢間學校, 放在第7志願, 我睇KHMAMA的全港排名係BAND 2頭學校, 所以都放得幾前, 我都係睇中佢同莊啟程接龍, 如果呢間學校做預科係辦得好, 我估高中時都應該無問題, 因為全港學校都係咁辦新高中學制, 現在那一間中學辦得好都係未知素, 既然已揀, 唔好太擔心啦! 我第二志願都揀咗伍若瑜啦! 咪又係BAND 1尾BAND 2頭學校, 但我派得到去我都唔會後悔. 你只係放於甲部第一志願就唔使擔心喇! 因為如果你個女係BAND 1尾, 全港就應該唔係BAND 1生, 所以甲部都應該比其他人入了, 可能無份, 但如果乙部都係第一志願就應該入緊, 你乙部係唔係放第一呢?
點解唔揀葵青英中做第一志願呢? 如果之前你都唔太了解呢間學校, 點解會放第一志願o架?

Mcandy

我冇選葵青band 1 為第一志願，　因怕個女入不到, 買個保險, 2 來唐記吸引我之地方確因為莊啟程有9x%上大學, 反而葵青區的 band 1 學校到冇咁好成績, 前景好好. 但你們講得啱, 相信莊啟程以後都未必有咁好成績!

老師講全港計佢都係band1, 所以覺對個女唔住咋,

greendotdot

原帖由 ckw1500 於 11-5-10 08:41 發表
Totolly agreed.   引用:

原帖由 tictactoe 於 11-5-9 23:44 發表
莊啟程90%入大學是因為她只開中六及中七，學生的來源是全港各區band 1學校未能原校升讀的學生，及各區band 2學校不欲原校升讀的尖子，全部會考都有20分以上。

由於新高中學制推行，再沒有中五學生入讀，莊啟程改為開辦中四至中六，與唐乃勤結龍，以前 band 3的唐乃勤因為莊啟程的名聲，才開始升 band。 事實上，唐乃勤無業績可見人，「莊啟程高中」收唐乃勤的學生開辦新高中，不要期望她會有「莊啟程預科書院」的成績。

same to me!

Mcandy

你都有選唐乃勤?

greendotdot

原帖由 Mcandy 於 11-5-11 09:38 發表
你都有選唐乃勤?

無，我只是覺得tictactoe這個分析十分中肯。你個case我只能講有時食幾多着幾多係整定。你囡囡老師估屬Band1尾，係邊緣人，話唔定實情屬Band2頭，保祿六世未必入到，你也只能在統一派位乙部博第一志願，第二志願必須妥協揀番啲穩陣。我覺得保祿六世係荃灣葵涌咁耐歷史，雖然未至於頂級，但女仔乖成績好有版你睇，我唔明追求一個概念有咁重要，就算係要追概念，我自己都會自行先試保祿六世，次選才揀唐。現在咪順其自然囉，兩手準備一下，等放榜後再算。

janet_yk_ting

唔明你話 "但已經太遲, 老師話唐乃勤應該已經收咗" 點解你會咁早就知? 我都有去聽講座同唐中校長同副校都有阿女學校講，阿女讀緊保良局直資英小，如果甲部揀唐中，我諗一定收硬，不過阿女今年係P.5，仲有一年時間可以考慮。
之前都好似有其他mami話唐中今年9月會轉EMI，其實可以起邊度可以證實到呢

lovingyou

請問334後, 而家的莊啟程是不是作用不大, 唐乃勤應該獨立, 所以明氣是不是有滑落呢?

tkkmama

原帖由 Mcandy 於 11-5-10 18:16 發表
我冇選葵青band 1 為第一志願，　因怕個女入不到, 買個保險, 2 來唐記吸引我之地方確因為莊啟程有9x%上大學, 反而葵青區的 band 1 學校到冇咁好成績, 前景好好. 但你們講得啱, 相信莊啟程以後都未必有咁好成績!

老師 ...

乜你真係咁傻呀.. 莊記有九成入大學唔關唐記事架.. 有朋友既仔, 會考廿三入都入唔返自己中學, 先由莊升左中大乍. 舊年先大學畢業..

tkkmama

原帖由 janet_yk_ting 於 11-5-11 11:36 發表
唔明你話 "但已經太遲, 老師話唐乃勤應該已經收咗" 點解你會咁早就知? 我都有去聽講座同唐中校長同副校都有阿女學校講，阿女讀緊保良局直資英小，如果甲部揀唐中，我諗一定收硬，不過阿女今年係P.5，仲有一年時間可以考慮 ...

轉EMI??印象中要全級收返來(佢有六班)有18%係全區排四成內(B1生至B2頭)學生先可開一班全英文班, 兩三班係EMI唔出奇, 要全級EMI..都幾有難度呀...

Kiufyma

看了很多家長老師對唐初的意見,原本並不打算回應,因怕人家以為我賣花讚花香,但不回應又好像抹殺了唐初老師及校長的努力. 事實唐初與莊預結龍前學生確是以b3為主,但自從決定結龍後,學校與老師都作出很大改變.由於初中沒有考公開試壓力,所以唐初定位是培養學生品德及提高學生學業質素銜接莊預.  我在中學交流中曾提及小女的狀況, 她2010年就讀中一,所用的課本大部份都是跟朋友就讀B1的仔女借的,所以不能認同有家長說其課程太淺,但學生英文質素相對其他B1學校不是太強則是事實,但請注意他們有七班中一, 人數必比其他中學為多, 當中質素有参差是難免的. 其實揀學校跟揀老公有些相似(說笑),有人會覺得揀一個事業基礎穩定的比較好,但亦有人覺得揀一個有潛質發展的都不錯,各取所需.  我自己幫囡囡揀的時候,就考慮過以前莊預的高入大學率與現在的唐初無關,但就相信保良局不會希望他們辛辛苦苦為莊預建立的好口碑付之大海,為了這個得來不易的口碑,相信他們會願意投放更多資源在唐初.事實亦證明,他們課餘聘請很多外邊的人士教導學生當中包括英文話劇,司儀訓練,辨論等等.  老師亦很關心學生,其中有些家長不能出席燒烤活動,老師主動聯絡家長,如果家長不介意,他們願意負責照顧.  至於校風,其實大家可以放學時去學校附近看看,便可略知一二,千祈不要以訛傳訛,抹殺一班老師的心血.

Kiufyma

至於EMI的問題,我曾經解釋過由於唐初是全港唯一一間初中中學,所以不受教署限制,可以自選教學語言. 當跟莊預接龍的第一年,由於收生並不理想,所以教學以中文為主,隨著收生質素的改善,近兩年已改為中英並行,由於校方很有信心今年的收生質素及現在學生的英文能力,因此宣佈今年九月全校都會以英文為主要教學語言.

由於要銜接莊預,所以有很多功課及測驗.如果你想小朋友讀得輕鬆點,便要考慮清楚.

greendotdot

原帖由 Kiufyma 於 11-5-13 16:52 發表
看了很多家長老師對唐初的意見,原本並不打算回應,因怕人家以為我賣花讚花香,但不回應又好像抹殺了唐初老師及校長的努力. 事實唐初與莊預結龍前學生確是以b3為主,但自從決定結龍後,學校與老師都作出很大改變.由於初中沒有考公開試壓力,所以唐初定位是培養學生品德及提高學生學業質素銜接莊預. 我在中學交流中曾提及小女的狀況, 她2010年就讀中一,所用的課本大部份都是跟朋友就讀B1的仔女借的,所以不能認同有家長說其課程太淺,但學生英文質素相對其他B1學校不是太強則是事實,但請注意他們有七班中一, 人數必比其他中學為多, 當中質素有参差是難免的. 其實揀學校跟揀老公有些相似(說笑),有人會覺得揀一個事業基礎穩定的比較好,但亦有人覺得揀一個有潛質發展的都不錯,各取所需. 我自己幫囡囡揀的時候,就考慮過以前莊預的高入大學率與現在的唐初無關,但就相信保良局不會希望他們辛辛苦苦為莊預建立的好口碑付之大海,為了這個得來不易的口碑,相信他們會願意投放更多資源在唐初.事實亦證明,他們課餘聘請很多外邊的人士教導學生當中包括英文話劇,司儀訓練,辨論等等. 老師亦很關心學生,其中有些家長不能出席燒烤活動,老師主動聯絡家長,如果家長不介意,他們願意負責照顧. 至於校風,其實大家可以放學時去學校附近看看,便可略知一二,千祈不要以訛傳訛,抹殺一班老師的心血.

有不同意見或者經歷大可提出來分享，精明的家長眼睛雪亮，應該分得出係咪賣花讚花香。我覺得你都很誠懇咁講出唐的近況，值得家長參考，講真，我自己對唐也所知不多，反而對保祿六世較熟識，所以俾我自己揀會先揀保祿六世，但並不代表這是其他家長最恰當的選擇，都順道幫埋你囡囡打吓氣，加油啦。