新手媽媽 - 請幫忙

ac_ca0806

今天到政府做評估,  因為醫生話我2歲囝囝只係大哭大鬧又不懂任何表情及說話, 這樣好難做評估, 只可以問家長平時的情況, 最終評估為懷疑自閉症, 會大概一年後再約見評估醫生, 到時再有安排見言語治療師, 職業治療師, 兒科醫生, 現在只可以安排輪候幼兒中心混合位及兒童精神科o

明明睇好多報導要3歲前開始做治療會好些, 但現在政府話全部野都要1年後才睇可以做咩, 咁咪會浪費光陰, 我想問問大家現在可以做些什麼可以幫助囝囝, 突然間覺得好無助及不知怎樣才好

szeszes

政府就係咁, 就算幫你開始轉介睇專科, 係講緊用年來計算, 最快都要等1年半至2年才排到 (我仔唔洗諗, 因為5歲11個月先做政府評估, 升小一後就教育署跟, 佢地唔跟)

所以, 能力可以就先去搵私家治療啦!! 可以先搵下 "協康會" 呢 d 機構

我仔被評估為 "自閉特徵 - 言語發展延緩, 社交弱及狡窄興趣", 但我主要見我仔係言語發展延緩係最大問題, 而言語唔得自然就同人溝通唔到 (社交唔得), 所以, 自費去搵私家言語治療中心訓練

bbricky

其實我地有咁多特殊需要的家長可不可以反映俾政府聽不夠服務無論ST見醫生都排得耐令到很多家長都心痛小朋友黃金期短暫多數家長要自己買服務

bbricky

其實我地有咁多特殊需要的家長可不可以反映俾政府聽不夠服務無論ST見醫生都排得耐令到很多家長都心痛小朋友黃金期短暫多數家長要自己買服務

szeszes

自4月初開始 (因為4月初有一天叫 "世界自閉症日"), 就多左關於自閉症既話題, 就連電視及報章都有提及政府對特殊小朋友既資源不足; 講真政府又點會唔知呢?

而政府一直都有對 老人家 (政府資助老人院) 及 特殊小朋友既資源不足, 已經唔係呢幾年既事, 但到而家都未有實際改善

就好似老人院問題, 係講緊成10幾年啦!! 都仍然無改善, 一樣要 d 老人家等10年8年 (我老公麻麻93年中風, 半身不遂, 一直係私營老人院住, 一邊排政府位, 排到04年過埋身都未到佢有位)

owl_2046

我提議你搵私人S位比你個仔讀. 政府服務有排等.

原帖由 ac_ca0806 於 11-4-20 22:57 發表
今天到政府做評估,  因為醫生話我2歲囝囝只係大哭大鬧又不懂任何表情及說話, 這樣好難做評估, 只可以問家長平時的情況, 最終評估為懷疑自閉症, 會大概一年後再約見評估醫生, 到時再有安排見言語治療師, 職業治療師,  ...

ac_ca0806

囝囝大肌應該無問題, 小肌麻麻, 語言除了爸,媽,波,拜, 就全部外星話, 自理唔得, 想問私人訓練有咩做的, 可以介紹嗎?

原帖由 pipi331 於 11-4-20 23:21 發表


通常呢個時候會搵私人訓練, 但想知多D.
小朋友平日正常時, 大肌, 小肌, 語言, 自理做到幾多??

ac_ca0806

那兒有s位報讀, 可介紹嗎?
完本已經幫囝囝報讀5間平常的n1, 但有4間都不收, 有1間面試當天已話不收這樣的小朋友, 好心傷, 係咪囝囝這樣不可以讀正常的學校嗎

原帖由 owl_2046 於 11-4-21 10:27 發表
我提議你搵私人S位比你個仔讀. 政府服務有排等.

szeszes

其實, 個人認為先讀S位, 可以提供特殊訓練比你仔仔

我仔仔既 CASE, 我一直唔覺佢係有自閉 (係5歲11個月係政府中心先評估為自閉特徵), 我仔一直係讀正常及比較深程度 (而家 K3, 讀緊 P1 既書及功課) 既迦南幼稚園

我仔去考N1, 老師無同佢做任何言語對答, 叫仔仔入形狀盒 及 砌細小既積木都做到, 同時又係大仔, 就取錄左 ... 之但係仔仔係 N1 及 K1 時, 言語唔得關係, 又唔合群, 成日都離開坐位, 好彩一直學校都接受, 無要求佢退學

而我自己返左1個月 AM 班就幫仔仔去轉讀 PM 班, 原因係 PM 班比 AM 班返多半小時, 同埋老師比學生人數比較小, 我仔當年返果個月 AM 班, 個班主任完全不停投訴仔仔呢樣唔得, 果樣唔得 (唔肯用手拿餅乾食, 唔識用水杯飲水, 唔識自己畢野食, 唔肯跟大隊去排洗); 我立即用仔仔未能適應上午返學時間, 改讀 PM 班, 剛轉班時, 居然係1對5學生, 因為好多細 B 未夠2歲, 未入學 (一轉去 PM 班, 仔仔追得好快下, 好快就可以自己食野, 用杯飲水, 同埋終於唔再抗拒被人除褲去 VV; 年尾仲頒發 "言語進步大獎" <- 而呢張獎狀, 就令我忽視左仔仔言語發展問題)

直至而家 K3, 都仲係有言語發展問題 (學術上, 我仔仔由細至大, 唔太大問題, 認字卡係佢既強項), 所以, 返正常既主流幼稚園, 未必有人手可以提供特殊訓練, 主流幼稚園可以去到1對15人, 咁老師又點有額外既時間去照顧呢班需要特別照顧既小朋友呢?

我仔仔2歲幾時, 只主動講數字 1-100, A-Z, a-z 等等; 其實既野都唔係主動講, 要老師迫佢先講到

原帖由 ac_ca0806 於 11-4-21 11:10 發表
那兒有s位報讀, 可介紹嗎?
完本已經幫囝囝報讀5間平常的n1, 但有4間都不收, 有1間面試當天已話不收這樣的小朋友, 好心傷, 係咪囝囝這樣不可以讀正常的學校嗎

...

[ 本帖最後由 szeszes 於 11-4-21 14:12 編輯 ]

szeszes

由於我仔評估為可以入讀主流小學, 同埋未讀過 S位 關係, 我見到有另外一個 post, 有人問私家 S位 資料比你參考下:

http://forum.edu-kingdom.com/vie ... &extra=page%3D1

ac_ca0806

我囝去考N1, 老師無法同佢做任何事, 因有陌生人叫佢就會大哭大鬧, 而且要離開該地方, 就如昨日見評估醫生一樣, 無哂辦法,

平時在家或公園都會有好多自閉特徵, 番正常playgroup都有6個月, 囝囝沒有你仔識咁多野, 導師話佢樣樣都有問題 (唔識用手拿餅乾食, 唔識用水杯飲水, 唔可以比任何人摸, 唔識講野亦唔會點頭擰頭來表達, 唔肯跟大隊做任何事); 只是自己在做自閉特徵的事, 導師講佢好似自閉, 叫我唔使再報, 話有家長投訴囝囝影响佢地子女o

我囝囝現2歲, 只會講爸,媽,波,拜,這4個字都係到20個月大時才會, 其他教左好耐都唔識或會發出其他呀呀咿咿o

原帖由 szeszes 於 11-4-21 14:11 發表
其實, 個人認為先讀S位, 可以提供特殊訓練比你仔仔

我仔仔既 CASE, 我一直唔覺佢係有自閉 (係5歲11個月係政府中心先評估為自閉特徵), 我仔一直係讀正常及比較深程度 (而家 K3, 讀緊 P1 既書及功課) 既迦南幼稚園

...

Capricorn2521

你真聰明，懂得轉彎，轉到下午班。如果年多前我懂得這樣想，我相信對亞仔會更好。因為眼見30個2-3歲小朋友由3位老師看管，佢地真係好忙。老師沒有太大投訴，叫我比d時間亞仔，另一方面我也自費去私人訓練，其實他在n1那一年是有進步的，不過好慢。人地個個呯呯聲咁吸收，返屋企又唱歌又跳舞，自己個仔就好似蝸牛咁行。到n1學期尾時，老師offer9月k1下午班，我也答應了，不過同時有了s位，所以放棄了學位。

1對5，相信依家冇可能發生....真係夢寐以求。

原帖由 szeszes 於 11-4-21 14:11 發表
其實, 個人認為先讀S位, 可以提供特殊訓練比你仔仔

我仔仔既 CASE, 我一直唔覺佢係有自閉 (係5歲11個月係政府中心先評估為自閉特徵), 我仔一直係讀正常及比較深程度 (而家 K3, 讀緊 P1 既書及功課) 既迦南幼稚園

...

[ 本帖最後由 Capricorn2521 於 11-4-21 16:15 編輯 ]

ac_ca0806

近幾年出世人數好高, 我現在打去問就算係好普通的學校都話上下班 都滿, 重話waiting 都好多, 而家連waiting 都唔收, 迦南都有問全部收生超額, 私校都話無位,  近幾年出世bb, 一出世就要爭, 何況係我地, 好難先至會揀到我地的bb

原帖由 pipi331 於 11-4-21 16:45 發表


呢期稍為正常的學校,就算下午班都會收滿.
明顯收唔滿就要check點解 同埋糸咪有心有力教我地班仔.
不妨時不時糸窗口度裝上課情況, 隨時有驚喜.

bbricky

點呀,你找到服務俾小朋友未,可試協康的健樂會,有d興趣小組ga

szeszes

如果你小朋友連情緒, 認知都唔得, 仲有自閉行為出現, 真係唔好揀一些名校
[迦南既程度係好深, K3 已經要默書, 造句, 閱讀理解, 要小朋友講故事, 而家亞仔學緊 D 生字係醫生, 警察, 港鐵 呢類既字, 讀 P1 既英文書; 正常既小朋友都會覺得深]

講真一句, 有得比我返轉頭, 我都唔會揀迦南比亞仔, 因為 D 老師無咩愛心 (程度深, 我仔係做到, 寫到, 默到; 仲要我仔係好有禮貌, 無情緒問題, 仲要次次被老師話完, 佢會主動同老師講: SORRY!! 知道, 下次唔會啦!! 佢係上年仲取得 "品行獎"), 另外, 佢地既老師流量好大, 亞仔讀左4年, 已經5成以上係新老師

最近我好唔開心及心酸, 原因係我仔呢期係學校排緊畢業典禮綵排, 學校 D 老師好要面, 好緊張 (因為2月初就開始, 天天花30分鐘去綵排), 而我仔係畢業禮入面負責要用球來表演, 由於我仔唔太留心關係, 天天都總有一次接唔到同學拋比佢既波 或 拋高完接唔返個球, 而跌落地 (換來老師成日都同褓姆講: 唉!! 佢好唔留心呀~~ 人地個個都唔跌, 係佢一個成日跌乍, 等等, D 言氣好差, 好難聽下)

我仔係迦南讀咁耐, 我覺得亞仔一早被人標籤左係問題學生; 雖然佢地都有比機會訓練我仔既怕羞, 細膽, 緊張 及 講野, 不過始終係老師言語間聽到... 佢係咁啦!! 無辦法既, 佢本身係咁, 儘量啦!! 等等 (由其是係 K1 果個班主任, 天天都黑口黑面帶我仔放學)

原帖由 ac_ca0806 於 11-4-22 01:00 發表
近幾年出世人數好高, 我現在打去問就算係好普通的學校都話上下班 都滿, 重話waiting 都好多, 而家連waiting 都唔收, 迦南都有問全部收生超額, 私校都話無位,  近幾年出世bb, 一出世就要爭, 何況係我地, 好難先至會揀 ...

[ 本帖最後由 szeszes 於 11-4-22 15:05 編輯 ]

jjcow

你地係傾向嘅都咁... 唉，我開始有Ｄ驚。佢八月返普通幼稚園喇，雖然聽人講佢個間都係有愛心嘅，但始終未開學，都唔知點...