"發展遲緩"兒童家長加油站...(part 2)

Capricorn2521

我個仔語言表達方面，如果係日常生活上嘅對答都可以，但叫佢覆述返發生過的事情就未得。

仲有老師會在時不時教我在家如何鞏固佢已學會的東西(因為好多野都係常識)，而吾係在校鞏固.....

而且教佢數字時，同時在教佢掃視(即用手指指住讀,由左至右,由上而下)訓練佢不要跳來跳去睇字，幫助日後閱讀。

所以好多時一個task有多種訓練原素在內。

原帖由 ikebukuro 於 11-7-8 00:06 發表
不過，會唔會你個仔語言叻D呀？所以會教再深D!你個仔而家係咪可流利表達?!

[ 本帖最後由 Capricorn2521 於 11-7-8 18:37 編輯 ]

Capricorn2521

你同主任講果d野，就係老師成日同我講。有時d野真係講彩數，人夾人。上學期評估見面時(2月份)，社工問我有冇計劃讀幾耐，以便佢幫我轉位，但我回答一切要睇小朋友進度，未知。其實我梗係想早d走啦，不過，佢地好尊重家長意願，所以我反而希望由老師出聲同我講佢ready啦 (因為從言談間我feel到老師都認為佢好有potential)。不過，經過這半年後，看見佢的進步好快，所以我相信讀多一年都應該可以轉返出去。其實我個仔最令我不放心的就係佢的情緒起伏大，佢好容易不滿，不開心，但又好快好開心，尤其可以整古倒人地...唉.. 將自己的快樂建築係人地的痛苦上...佢成日都要人地關注佢，係一個high maintanence的關係。老師亦剛開始同佢做情緒嘅認識同訓練，來年我要主力做好我的管教工作，可能要改變一下了。不過，當我偷望佢在校的情況及陪上堂時，發覺佢在校係好乖好聽話同坐定定，所以我要多d向老師請教。同時，又擔心到主流幼稚園老師對學生的關注程度冇咁高....但無論如何，出年都5歲了，大個仔啦....要出主流都要試吓架啦。長時間在溫室，恐怕以後長不大啊！

一起努力!

[ 本帖最後由 Capricorn2521 於 11-7-9 11:20 編輯 ]

apple~y

請問你小朋友係邊間s位
因為我仔仔8月入讀
好擔心係咪同一間

Capricorn2521

其實每個階段都有吾同的訓練。除了老師要做的之外，我主要係用floortime的形式做，即係在佢有興趣的項目上教多d，包括內容/認知上及言語上。逢假日必定帶佢去大大小小不同形式的公園玩，嬉水泳池，目的係用玩同佢建立關係。

我地冇食d咩魚油或supplement之類嘅嘢，沒有針灸或另類treatment的東西。

我個仔應該係入s位後先開始講句子，如"我要飲水"。

如果我係你，都會一路讀住先，因為轉i位或e位的訓練也不會多過你依家。唯有自己額外去補習，令佢可以快d轉出去。不過，如果再過多一個學期都冇改善，而你自己又有私人而值得信任的導師，都會轉i位。當然，如果找到主流幼稚園，就轉e位。

原帖由 ikebukuro 於 11-7-10 01:38 發表
真戥你開心，咁你咁耐以來，俾過d咩訓練佢呀？家居多數做乜？有無食d咩魚油或supplement之類嘅嘢？同埋你小朋友幾大開始識講句子？
見你好有目標，好令人振奮！反而我自己越來越迷茫，俾阿仔試主流，又未跟到大班，跌埋心水讀s位，卻叫人失望 ...

valmom

capricorn
你小朋友間s位都唔錯, 大體都跟到出面k1.我小朋友個間未去到ikeburo個小朋友個間咁hea, 不過都係嘆慢板..其實我明佢地有佢地既難處, 分班個陣佢地已經盡量將差不多能力既放係一組. 個別學生既要求同教法都有微調. 班主任亦都係佢可以控制既範圍下加重左力度. 如果咁既教法銜接得到小學中學既, 我唔介意阿女繼續留係s位.
阿女依家係s 位岩岩起步學寫野... 主流個間已經開始左大半年.. 所以5月插班, 根本跟唔到. 認字個d, s位唔覺有.... 內容／概念就兩間差不多.
我要轉走s位, 主要係因為阿女最後都要駁主流小學, 依佢依家係s位進度, 一定跟唔到.其實最初我係想轉去i位, 只係社工話阿女要既training, 一係s位, 一係e位先會肯定有晒3t加幼師密集式train佢. 咁岩有間主流幼稚園收阿女, 所以就把心一橫轉出黎. 到依家我都驚自己會唔會行錯呢一步. 雖然真係有無數人,除左cac醫生以外, 同阿女做training既同我講阿女出主流會對佢好d.
暫時事實係, 阿女自從返左主流, 佢表達能力高左, 講既句子長左, 有系統左. 私家st都覺得佢呢方面好左.... 其他方面唔算好有明顯既退步.. 因為我一向都唔止靠s位既training.
ikekuro, 我完全明白你既心情~~~

Capricorn2521

valmom,

聽你咁講，我都放心D。同賣好高興你話你女女表達能力高左。其實我都同意響s位train到差吾多時，要轉出去試一試。在4月左右，老師話當佢地適應了學校流程一段時間後，開始要佢地學習適應轉變，如在同一課室上不同的課，由另一位老師上課，改變一些組員，以助減少固執及發脾氣。我覺得這個安排非常好，因為主流幼稚園吾會好似s位咁，樣樣都清清楚楚貼在課室內。

仲有，我個仔開始對小朋友有興趣，好鐘意搞人，不過佢依家果組比較被動，會避開我個仔，冇mug互動，所以我個仔好鐘意同老師玩。

同時，我覺得佢須要開始學習有固定的玩伴，響公園果d未必做到，親戚朋友又吾係成日見。所以，我會同老師反映，希望下學年分組時一拼考慮。再下一步就係轉出i位有更多模仿及互動的對象。

原帖由 valmom 於 11-7-11 22:31 發表
capricorn
你小朋友間s位都唔錯, 大體都跟到出面k1.我小朋友個間未去到ikeburo個小朋友個間咁hea, 不過都係嘆慢板..其實我明佢地有佢地既難處, 分班個陣佢地已經盡量將差不多能力既放係一組. 個別學生既要求同教法都 ...

[ 本帖最後由 Capricorn2521 於 11-7-12 16:00 編輯 ]

kingbbsam

大家好

想大家俾d意見, 我個仔依家19個月, 發展遲緩6個月, 大小肌肉正常

等緊一個月後返健康院見醫生

報pg應該應該報適齡好定報細月齡的班好?

valmom

capricorn
你個間s位真係幾好喎, 為佢地轉主流做咁多功夫.

kingbbsam
咁佢邊方便遲緩? 同埋睇你報咩類型既pg

kingbbsam

原帖由 valmom 於 11-7-13 01:04 發表
capricorn
你個間s位真係幾好喎, 為佢地轉主流做咁多功夫.

kingbbsam
咁佢邊方便遲緩? 同埋睇你報咩類型既pg

除左大小肌肉, 整體都遲, 即社交, 理解, 認知

我報最普通個種, 即一堂之中包含大小遊戲, 唱遊, 訓練自理能力, 紀律, 我個心偏向報細B班

valmom

原帖由 kingbbsam 於 11-7-13 13:04 發表


除左大小肌肉, 整體都遲, 即社交, 理解, 認知

我報最普通個種, 即一堂之中包含大小遊戲, 唱遊, 訓練自理能力, 紀律, 我個心偏向報細B班

你報既時候同主辦單位講下, 睇下佢地有咩建議. 有d知你情況會叫你試一堂先. 我同阿女報坊間既大小pg都一定講左小朋友既情況先, 因為佢地先知自己個課程岩咩能力既小朋友.

methy

原帖由 kingbbsam 於 11-7-13 13:04 發表


除左大小肌肉, 整體都遲, 即社交, 理解, 認知

我報最普通個種, 即一堂之中包含大小遊戲, 唱遊, 訓練自理能力, 紀律, 我個心偏向報細B班

你同阿仔上左個playgroup未？佢enjoy嗎？

我曾經去試一個以”運動”做主題既playgroup，當然係試左無報．因為阿仔未識行，要佢”行”已經未得，唔好講話一連串既高難度動作。

亦都打過去ｄ”出名”既playgroup問，感覺ｄ導師賺錢．叫我報細ｄ既班．等我阿仔唔會同人好大分別，又話好快full，叫我快ｄ比錢，一比就幾千蚊。當然我無報。

之後我同阿仔報過普通”咩主題都有ｄ”既playgroup，報既時間已經講我阿仔未識行，上堂時都係得我阿仔一個未識行，不過佢又enjoy,又同到其他小朋友互動到。真係咩都類型既都要試過先知適唔適合。

kingbbsam

原帖由 methy 於 11-7-24 19:35 發表


你同阿仔上左個playgroup未？佢enjoy嗎？

我曾經去試一個以”運動”做主題既playgroup，當然係試左無報．因為阿仔未識行，要佢”行”已經未得，唔好講話一連串既高難度動作。

亦都打過去ｄ”出名”既playgroup問，感覺ｄ導師賺錢．叫 ...

我個仔上左新PG喇, 之前都返過3間的,  今次呢間算係最Enjoy既一班, 同細3,4個月的bb一齊, 同埋導師細心d, 同埋年紀大d(我鐘意年紀大的, 覺得會見得多d特別case)
雖然都係未識聽指令, 有時導師同佢講野要佢做咩時或者捉佢隻手時都會大喊
黎緊會試報n型, 希望有學校收, 我見佢情況其實都唔係咁差, 唔係好呆個種, 但認知方面就好差, 我講既野, 例如叫佢"俾", 都未必明白
我仲會想去little gym試堂, 想佢信心大d, 大贍d, 唔知有無用呢?

weiwai

祝大家中秋節快樂

weiwai

今日交左報小1表格
1身鬆晒

weiwai

大家有冇建議,
我可以做d咩/報d咩課程
可以幫助呀女ge語言表達呀?

[ 本帖最後由 weiwai 於 11-11-3 23:51 編輯 ]

valmom

今日好多mami朋友既話題都係小一自行分配學位既結果.. 有人歡喜有人愁...

我想問下大家mami 會點為小朋友揀小學呢?????

有冇小朋友已經上左小學既mami可以分享一下小朋友係學校可以得到咩支援???

methy

原帖由 weiwai 於 11-10-26 14:18 發表
大家有冇建議,
我可以做d咩/報d咩課程
可以幫助呀女ge語言表達呀?

非牟利機構如基督教服務處/協康／東華三院等.好多言語治療訓練 or playgroup。

ｅ．ｇ．　心橋計劃
http://www.pbridge.hk/hkcs/chi/news.php

weiwai

新1年祝大家事事順意
仔女健康