港師遇着港爸媽（部分）

sfcssfcc

4月18日經濟日報雲海漫遊專欄

記得初為人師，家長都會說：「老師，如果阿仔唔乖，你鬧佢啦，打佢都得㗎。你鬧佢、打佢，都係想幫我教好個仔啫。」

近年的說法是「我個仔唔鍾意俾人鬧㗎，佢鍾意俾人讚，你讚佢多啲啦！」

如果學生做得好，值得嘉許，我一定會稱讚他們；但他們行為欠佳，我又怎能只讚不罵？

另一個故事，學生們總愛違規在非體育課當天穿運動服上學，屢勸不改，訓導主任在某天早上決定來一個突擊檢查，結果當天有五十多位學生違規。

正當訓導主任逐一在違規學生的家課冊上寫上記錄（並非缺點或小過），校門外有家長女士大力拍打鐵閘。校工開啟鐵閘後，該女士旋即奔向訓導主任，並搶去其手上的家課冊檢查，然後說：「好彩，趕得切，仲未寫。」原來該女士兒子是違規穿運動服的學生之一，因此她要求訓導主任「你唔好寫我個仔家課冊啦！算係幫個忙！係我叫佢着運動衫，都係校服嚟啫，點解唔准着？佢鍾意着運動衫都唔得咩？重要寫花佢本家課冊，離晒譜… …」

最後那位女士終於讓步，在校務處買多一本家課冊作為媽媽家課冊，以便訓導主任記錄其兒子違規穿運動服的記錄。