亞氏保加

Happy小米

我囝囝5.5岁, 上年年尾去協康評估正常, 但數天前去政府(排左9個月)評為asperger.

佢畀左信叫我去精神科做情緒行為治療, 另外去排早期訓練中心做社交訓練, 但因要排一年的話, 到時都過左6岁冇得做了.

另今天打去蕊展問, 原來都要排一年!!

請間大家仲有冇介紹?

囝囝情況係智力正常, 主要係好自我中心, 好多時重复比較單調既問題, 缺乏同理心, 好多時自己諗嘢, 上課外堂時老師會覺得佢好易分心.  社交呢同小朋友都有嘢講的.  不過常常做啲行為人地不喜歡也唔識停.

xixi1218

因為我未瞭解過政府的服務，請問政府的服務是否過了6歲就沒有了？
看政府的精神科是否會跟進？多久去一次？
（我仔仔不算阿斯伯格，不過情況還不算太糟糕。。。。。）

flamenco

我囝囝6歲半時(半年前)喺 cac 被評為亞氏保加.
之後被安排接受職業治療師同語言治療師評估. 兩個評估佢都 failed

有時我都會懷疑cac的評估結果, 會唔會係過份鬆手, 少少問題就評為亞氏保加(自閉症譜系問題)
為求"泵大"自閉症人士數目, 向政府爭取更多資源

不過, 老實講, 我自己都覺得囝囝某方面發展係比同齡小朋友差少少.
但整體來講, 佢係中間, 唔算好差.
佢喺級裡面學業成績算中上上, 好遵守規則, 上課好留心聽書, 只係社交弱 d.
如果我地唔同學校講評估結果, 老師根本就唔覺得佢有任何問題, 只係覺得佢比夠文靜.

我囝囝都係英文好過中文.
有時我會諗, 唔知係咪咁, 影響咗個評估結果(可能佢聽唔明, 或唔識答)
個心理學家話亞氏保加小朋友有d喺語言方面特別強, 呢個都係其中一個特徵.

最近幾個月, 我見佢中文進步咗好多, 其他野亦都有好大進步.
所以我諗 ... 其實會唔會最核心嘅問題其實係語言障礙, 令到佢社交有問題呢??

小朋友升上小學後, 就無政府早期訓練, 因為會由學校跟進.
不過我囝評估日期剛剛過咗呈交教育局申請資源嘅時間, 所以要等到下個學期先會有服務(社交小組)

我幫佢喺協康會報社交班, 上咗差不多一期(十堂).
我唔知佢最近期嘅進步同個社交班有無關係, 不過佢好鍾意上, 所以我都會繼續報.

olima

我囝囝因早產，不足兩歲已到cac做評估，當時結果是發展遲緩，4歲再做，話自傾(醫生口頭就話偏阿氏保加)，最近到精神科，評阿氏保加。

阿氏保加小孩的社交溝通差，當然語言慢，會有d影響，但核心問題係同理心較弱，理解力會差。我上過一個course，個姑娘指出小心佢地上小學時d閱讀理解會唔掂(愈來愈深，正常細路都難招架)。

仲有，協調能力差，執行、組織功能弱。當然，佢地的興趣都窄。

以我所知，ngo有幫阿氏的有︰協康會、小童群益會(灣仔總部)同蕊展。

cowbe

不知如何是好

cowbe

仔今年7歲被証亞氏保加, 如何面對?
一向覺得仔好細心好識關心家人, 當我地一有唔開心都會走黎關心下.  好似最近我同佢講好對唔住佢好內疚, 係中心做義工成日都好忙, 佢居然同我講係佢對我唔住, 係佢叫我係中心幫手做義工 .

yamagata

可以去聽下個講座, 可能幫到你.
http://www.joyfulclass.com/index.php?m=News&a=detail&id=16

Happy小米

昨天去左一間感統中心做評估, 話囝唔似asperger, 大部分問題係感統失調引起, 其余係家長管教方法.

我地覺得佢又講得有道理.

仲話佢听覺方面似係gifted.

做下感統訓練睇下点先.


我地不期然放下心頭大石.

fion2880

我囝囝5歲,老師早幾天同我講,話囝囝可能有"亞氏保加症" 我可以有什麽途徑去做評估呢? 有冇些收費平D既呢?

garynatalie

原帖由 lamtsuiyee 於 11-4-14 22:20 發表
剛剛PM你們, 我個人覺得課程都好針對, 導師都有愛心及專業, 不過始終是私人機構, 我覺得都好費....

Can you give me the course details as well?

Thank you

brima

So he does not like Asperger, which organization confirmed he is 亞氏保加.

原帖由 cowbe 於 11-6-22 03:37 發表
仔今年7歲被証亞氏保加, 如何面對?
一向覺得仔好細心好識關心家人, 當我地一有唔開心都會走黎關心下.  好似最近我同佢講好對唔住佢好內疚, 係中心做義工成日都好忙, 佢居然同我講係佢對我唔住, 係佢叫我係中心幫手做 ...

cowbe

係政府~~醫生評估.
佢話我囝囝對佢個助手講佢面有粒大暗瘡, 佢話呢d係唔色睇人眉頭眼?, 又話佢好專注自己話題佢好有興趣的動物, 要叫佢停.   我都好亂, 呢排都睇好多關於"亞氏保加"的資料, 唔係唔想接受這個事實, 我囝囝平時好識睇我地眉頭眼?, 我未鬧佢只要我一瞪眼佢就kiss我.
唔知係咪佢對慣我, 知我想點......
另一次去朋友家玩, 佢地d小朋友一齊玩, 有個大哥哥同佢地講你地真~~係叻, 另外一個小朋友講多謝, 我囝就話大哥哥唔係讚我地, 佢係話我地蠢, 我問囝點知, 佢話大哥哥拉長尾音.  唔知係咪有我係道囝囝會醒d.

lamtsuiyee

其實唔係所有亞氏保加小朋友都係肌肉協調差... 至少我個仔協調都好好, 尤其游水及跳舞都好好... 我有時都15,16小朋友係唔係..

但最近學期尾, 老師既評語, 話阿仔唔夠Creative, 一點都無imagination. 寫既句子都係factual. 一點都唔識describe. 但我覺得佢"亞氏保加"的特徵都好明顯. 又不鹿否認. 但有時又想, 其實6歲人仔, 寫得出senstence又無串錯字, 都好叻.. 係咪6歲的英文就係咁上下...

最近同其他小朋友玩多了, 我覺得佢唔係社交有問題, 佢有主動交朋友, 但語言遲緩及表達能力弱, 確實令小朋友唔明佢想點... 都好煩惱....!!

autunmbb

其實我有時覺得又唔駛太過在意亞氏保加的名稱。我看現在最近看「遙遠星球的孩子」導演沈可尚的訪問，他說最近有一個台大有個醫師告訴他去年​的最新統計，是每99位新生兒裡面便有一個自閉症的孩子，而北京​的自閉症論壇所提到的統計已經是2%的小孩有自閉症。

醫生們都是用評估表來評估小朋友是否有亞氏保加／自閉症，作為星兒的媽媽，我覺得這些醫學名稱讓我有系統咁明白孩子的弱點，好讓我去同他一起努力面對這些挑戰。如果社交弱就去做社交小組，做運動的協調差就一起做多一點運動，語言唔好就做多d訓練。

就好似Dr. Temple Grandin，雖然係有亞氏保加，但她用她這個特殊的覺觀察力，令佢明白如何和動物相處，又助她發明了多項動物協助耕作的工具。

各位媽媽，大家一齊加油吧~~~

kelvin_hmlau

最近youtube 大埔七歲小學雞(懷疑亞氏保加仔) 比我好大啟發. 如果一個人無左自我反省同尊重別人的能力, 就算智能優越, 都好難係社群生活.

可惜呢d埋在地底的核心問題, 係長期被特殊教育制度忽視. 只懂得訓練智能, 言語, 大小肌, 安坐, 專心等.

lamtsuiyee

JL0829 多謝你的意見. 我都好同意, 揾到問題, 就不如想如何幫他... !!

原帖由 JL0829 於 11-7-13 11:04 發表
Hi, 我個仔就快6歲, 同你的小朋友情況差不多, 我個仔游水及跳舞都OK, 最近教他玩滾軸滑冰, 他用一兩小時巳經可以走穩, 幾天後扶著他可以滑了.

我看過好多資料, "亞氏保加"特徵會因人而異, 所以我想你應不要太過執 ...

BeBe媽媽

無錯,唔好理佢係唔係?總之知道佢邊方面WEAK,就搞佢邊方面先!
記住最緊要有耐性&愛呀!小朋友一定會收到!

kwanjamie

原帖由 olima 於 11-4-14 06:52 發表
小童群益會灣仔總部有為亞氏而設的恒常課程(大人小孩都有)，打電話找馬姑娘。

可否給馬姑娘的tel no.  Pls pm.  
Thanks.