非常之唔開心同担心。。。

bebebettyw

我個仔二十九個月評估為自閉症，雖然眼見佢呢幾個月有好大進步例如多咗好多眼神接觸，對人嘅說話有多咗反應，行為冇咁固埶，鐘意同小朋友玩....等等。但我心真係好担心佢個將來。由於我最近去過D社區中心見倒有些A小朋友(嚴重些）大約十歲八歲，佢哋有D仲末識講嘢，有個十歲仲末戒倒尿片。我見倒佢哋嘅行為就好似見倒我而家個仔嘅行爲，只不過佢地係十歲，我個仔係兩歲。我真係覺得好灰，我唔係覺得"魚"或醜，只係担心佢個將來同埋第時我走咗，邊個照顧佢呢？
可唔可以俾D 正能量俾我??

Thank you so much!!!~~~~~~~~

sam/josh

http://forum.edu-kingdom.com/viewthread.php?tid=2280012&extra=page%3D1&page=3

carmenkwok50

不用太擔心, 才2歲半, 仲有4年去改變他..
我個仔4歲半時我才發現佢有自傾, 他現在5歲半, 一年已進步很大, 只是社交差D, 其它同正常小朋友没有分別, 所以不用過分擔心, 快D去排訓練同埋係屋企多D同佢TRAIN囉!

Olympian

將來的事有一萬個可能性， 點諗咁多？此時此刻才最重要。好似你話呀仔有進步，咁呢一刻應該要好開心，讚下呀仔又讚下自己。

anan3388

將來係點無人知, 你見到 d 比較辛苦既 case, 但, 亦無見到 d 令人好驚喜既 case 喎! 有些嚴重既都有好大進步, 又有些以為都唔會開聲又突然開聲學到講野, 未來真係有多野唔知, 我地既仔又個個唔同。依家你咁早知, 可以早俾訓練佢, 已經對佢好大幫助, 佢亦多左好多機會發展到更多能力出黎。小朋友好多潛力, 有些可能以為佢成世係咁, 點知短短幾個月就爆哂出黎喎! 加油呀, 繼續耐心等候, 必有好事會發生既!

ttlucky0303

真係個個可能性都有, 我個女36個月話佢發展遲緩, 不過我估佢自傾多, 我個陣都以為呀女咁就一世, 後來睇到呢度有好多同路人,先覺得自己冇咁孤單, 唔係一個人行, 雖然大家互不相識, 但會互相扶持.

由開頭36個月大都好少講野同8成講英文多, 而家43個月9成講返中文, 仲有問有答, 不過當然仲同同齡小朋友有0的分別...成個過程都下了不少功夫, 上網搵資料, 自己同小朋友分別都要上堂, 我幸運身邊有專業朋友俾我問意見, 兩公婆睇好多書, 所以唔好灰心, 努力呀~

[ 本帖最後由 ttlucky0303 於 11-4-9 00:35 編輯 ]

owl_2046

凡事唔好睇咁遠, 只要有適當訓練加上父母比到小朋友無比愛心, 耐性, 永不放棄.
其他小朋友教兩,三次會識, 我地要教二,三十次.
呢場係耐力賽, 只要有心理準備, 你小朋友一定可以進步.

kaifung0106

唔好太担心啦,每個小朋友的進步空間都好大,每個月都有唔同,我試過教個仔數數目,用咗一個月都唔得,以為佢唔會識,間一段時間佢又得....其實只有家長唔放棄, 一定會有進步..........加油!!!!!!!1

bbricky

我都試過足足有一年半才能好D，只要見到小朋友有進步就有原動力陪他走下去，做父母的從來都不計較付出與收鑊加油努力！

hcd123

add oil ar

hcd123

我都教過不少這類小朋友,他們一樣可愛. 最重要父母覺得他們可愛就是最大的鼓勵

bbricky

千萬不好作比較,每個小朋友都係獨一無二的小天使,正如無個人都有長短處,可能有人學術叻d,有d人係音樂或藝術有天份,至少你在小朋友細時適切介入對他幫助很大,勤做訓練一定有回報,你小朋友有愛他的父母。

simpsonwong

香港咁多專業人士~
同埋咁多方法呢家連你都唔比心機!
咁小朋友咪冇曬前途>?
媽媽為小朋友捱下去!

EKME

add oil