我真係好唔開心！

crystal媽咪

你工作 / 男家的事我不便評論.
反而係學校方面比少少意見, 你年三十至評, 即係多數今年9月都唔會有位.
睇下除左老師唔會有支援方面, 其他是否OKAY, 如果追到進度, 淨係社交 / 情緒同表達差, 咁你自己努力D同佢做訓練. 可以一直都唔學校講的, 轉唔轉校就睇下其他方面照顧得OKAY與否.

另外, 社工有否話可以同你申請[傷殘津貼]?

kamakama

唔好咁灰,總有人支持你.加油!!!!!

pocoyo123

我都係一個在職媽媽, 我家人不知小孩是自閉,(因唔想佢地擔心),  你的路我多少都行過,我今日叫雨過天x, 相信你都可以走得過, ADD OIL
小朋友如言語差, 可試先行做言語治療, 坊間有些機構收費比較平, 庭欣, 耀能 (不知有無錯, 因我不太清楚, 可問下其他媽咪)

nokia6300

唔好唔開心啦...雖然真系好辛苦...呢度d媽咪大家都系從眼淚中長大的,我仔既野我同老公家人都冇人知,往往比人笑....唉~

其他野真系唔好理住,我地真系要堅強,咁先幫到小朋友呀,我同阿仔上pt時經常經常見好多小朋友都系咁唔聽話,做唔到指令又唔講野,父母真系好氣餒,不過我地真系要唸,佢地都唔想...比多d耐性,你自己要開看一點,人地講d野,聽完扔鬼左去好啦,你自己心情都要好一點先夠eq去take care我地小朋友,系度呻下好多人會feedback你的,我d死黨好fd,由細識大都唔明我啦.....

加油呀!

wmlmama

davis_mav:
我的電郵[email protected]我想透過電郵與你傾談,你send電郵給我,謝謝

pinkdoll

政府有冇安排你見社工? 如果情緒真係好大困擾 你或者同醫務社工講你想社工跟一跟個人情緒 雖然綜合家庭服務中心啲社工好忙同流失率好高 不過佢哋都有啲板斧既 但初我情緒唔好 政府安排我見綜合家庭服務社工 佢都幫到我分析到啲嘢 當然我明白你最大需要係要有人幫手 政府應該有家居保姆可以轉介(免費) 你問一問先? 雖然幫助不多 可能一年得一至二次 但都好過冇  

原帖由 davis_mav 於 11-4-2 19:59 發表
我簡短d寫, 個story太長了.
我24歲, 有個到4月就3歲既女, 由於我同46都要返工, 個女平時0係幼兒學校返學,我放工就去接佢放學,由於冇家人support, 所以個女都係我湊. 年三十果日帶個女去做評估, 先知個女有自閉症. 呢 ...

nokia6300

我都辛苦過......
唔計同住既99一直認為系我一手一腳攪到個仔咁,就連自己家人都覺系我唔識湊,只因有個差唔多大既表哥仔做比較,而呢個表哥,正正系而家好叻仔個類小朋友

我既家居訓練系要呢埋做,以前個仔細d仲好,而家個仔大左,時時好地地系聽做緊野又的左入去做訓練,怪怪的,但大家都知我地做緊訓練時真系同一般小朋友學習有出入,一般人看,特別d老人家,真系唔知你攪咩鬼,漸漸,我便做了一個怪媽.....

我自己個社工,第一次見面已問我要唔要轉去精神科,因為情緒很差,我只想說,自己咁大個人,加埋個仔有野,都系頂住上吧,eq好唔好,都系逼返黎,我都有沖涼喊既時候,不過,用太多時間去沉迷自己既情緒,不如抖啖氣之後叫自己努力d去train個仔lor...我地好慘,開口埋口都用"train"呢d字,人地d仔train咩鬼呢????不過唸咁多呢d野,又點???個仔一日一日大,月大月怕追唔到,寧願做多

我唯有可幸系老公唔系好理,見到個仔進步,便覺之前做既野值得,日日都系唸,阿仔有進步真系咩都得啦,其他野...我已經care唔到咁多了

大家都辛酸...只希望小朋友冇事,小朋友好比心機時,我地都要頂住上...

大家加油吧~

overcomer

有冇人可影印自己小朋友的言語治療功課俾你影印呀, 例如一開始學攤開手表示要等, 雖然話係為他人度身訂做和要有言語治療師做示範, 但初初的都係大同小異, 好過冇啦。

另外你又睇吓教育王國特殊板置頂的TOPIC啦, 和這個 http://hk.myblog.yahoo.com/carley_chan/,  內有一些建議活動。又可去圖書館借"自閉症訓練指南", "衝破障礙" 等書。自己做訓練啦。另外, 信主返教會對心靈好有幫助。

pinkdoll

其實我哋真係有苦自己知 其實我唔識安慰人 因為我自己有時情緒都唔係咁好...... 又唔係咁搞得點個仔

我細孖就咁望落去真係同普通小朋友冇分別 識行識走識食飯識飲水 人哋根本唔會明自閉症係乜?(講真 我自己小朋友有自閉症 家陣都未完全瞭解同掌握到啦) 你解釋俾佢哋聽 佢哋又唔想聽喎 但又會用好專業口吻咁話你方法唔啱 好搞笑

我有個朋友 佢一聽到我話細孖智力重未發展到 佢一聽就話你轉奶粉啦 有啲奶粉加咗啲乜乜乜乜成份 應該會有幫助架 你聽到佢咁講係咪想反白眼

其實我哋一定有情緒架 一定會唔開心架 所以我哋一定要接納咗自己個情緒先 知道人係有開心同唔開心 感覺到唔開心係正常 並唔係做錯事 但記住你並不孤單 有好多同路人 或許大家情況不會完全相同 面對既問題又不一樣 但一定有好多人支持鼓勵你 同埋有好多機構都有支援自閉症人士家庭 你願意的話可以去參與一下 識多啲同路人 講真一人計短二人計長 或者聽下聽下可以有啲唔錯既提議建議呢 你又可以去啲家長資源中心借啲有關書籍返屋企睇 可以瞭解多些 咁樣會有系統啲 幫到小朋友做下啲簡單訓練 再深入啲既 就真係要專業人士幫手先得

[ 本帖最後由 pinkdoll 於 11-4-4 01:17 編輯 ]

kelvin_hmlau

其實個種 "得而復失" (一個心肝出世, 但後來發現失去一些功能) 的感覺係好難受. 出世, 失去係無法避免, 但怎樣面對係有得選擇.

照顧自閉兒, 好處係有助於尋回自己 (我相信有d 人出家做和尚或神父都係呢個目的). 過程中我發現自己耐性不夠, 領導才能不佳,...

在你 case, 可能發現人際關係, 社交, 領導才能不佳 (不能和同事, 自己家庭, 好好相處同沒有能力令家人幫忙). 你的自閉兒可能係遺傳左你同你先生的缺點, 放大100倍.

醫治的其一方法可能係先醫好自己, 再將醫好的"密碼" (點樣醫), 用最有效辦法過比自閉兒.

你的優勢係其實有很多時間去做, 去試, 去教.

pinkdoll

普通人都有好多嘢煩 好似我舊同事咁煩住個仔入边間名校 個小朋友入唔到個間名校 個樣重灰過我 都唔緊要 我明白做人父母緊係想自己小朋友入到間好學校 擔心係好正常 之但係我呢位同事睇我啲事就覺得完全冇嘢咁 重好平淡咁同我講"俾個仔入s位啦 冇乜嘢架 好小事啫" 但係佢個仔考唔到心儀學校 個天就好似趺咗落嚟咁 猛咁同人呻 自己好慘 人哋問起我2個仔情況 佢都搶住講佢個小朋友情況好慘 考咗幾間學校都冇人收...... 俾佢吹到啤一聲 我都收聲唔再講...所以我家陣都好少同人提起我2個仔啲嘢 人哋真係唔會明 唔會係你角度想 只會認為你咁都睇唔開

原帖由 pipi331 於 11-4-4 14:51 發表


家家有本難諗經, 呢句話無錯.
只不過我地部 "仔女經" "家人經" & "錢銀經" 比普通人難諗好多.

您自己都話系辛苦過, 我系10萬9穿7都未開頭. 無心無力又無時間..... ...

jjcow

其實我由個仔評咗係 A 仔之後，只係傷心過一個禮拜，因為之後個仔每有一個小進步，即使係 er 一聲，可能係常人眼中不足掛齒，但就帶給我極大嘅喜樂～～

所以到依家，雖然間中心仍會有少少戚戚然，但都係開心嘅時間多～～甚至係比正常父母開心嘅時間係更多。

同埋我同我老公好識自我安慰，我地會諗：仲好啦，大條道理唔駛同人競爭喇～～

candycycy

其實你真係EQ好高... 只係傷心一個星期...
好多時, 仔女既進步, 雖然只係小小既進步, 但我地都要Value, 都係心中把"尺"既問題,
有邊個父母唔係望子成龍呢? 做A仔父母果種心情, 真係其他人唔會明白, 幸好你老公都support你, 又會同你一樣有d "另角度" 想法 去令自己過得好D~

原帖由 jjcow 於 11-4-4 16:40 發表
其實我由個仔評咗係 A 仔之後，只係傷心過一個禮拜，因為之後個仔每有一個小進步，即使係 er 一聲，可能係常人眼中不足掛齒，但就帶給我極大嘅喜樂～～

所以到依家，雖然間中心仍會有少少戚戚然，但都係開心嘅時間多～～甚至係比正常父母 ...

jjcow

其實 BB 未夠一歲，我已經覺得佢嘅發展有問題，但我又講唔出係咩問題，身邊人又話大大下無野，但我始終心裡有百般疑問，亦有最壞嘅打算，所以心理準備比較足，但當醫生斷症一刻，仍然禁不住兩行眼淚直流...

好彩早發現，早斷症，早訓練，依家都叫做小有進步，排咩隊時間都充裕Ｄ... 而且網上資料豐富，睇得多，個心定番少少。

所以之前係自由講場見到有人 Post 自閉症嘅資料，即刻有人回一句咩：

「三歲前斷症講咩？」，又話咩想要資源唔好講到咁誇張...

其實我好慶，唔好咁害人啦，個症其實早到歲半已可以確診～～佢對自閉症認識有幾多？我問佢，佢又唔回答... 如果人地有疑問，就你一句說話就掉以輕心，真係會錯過黃金期架

原帖由 candycycy 於 11-4-4 23:22 發表
其實你真係EQ好高... 只係傷心一個星期...
好多時, 仔女既進步, 雖然只係小小既進步, 但我地都要Value, 都係心中把"尺"既問題,
有邊個父母唔係望子成龍呢? 做A仔父母果種心情, 真係其他人唔會明白, 幸好你老公都sup ...