初級鋼琴價錢合理嗎?

saiwai

$200半小時學三角琴ok嗎?請給意見Thanks!

lovelyec

如果老師好有quali既就一d都唔貴, 不過, 通常d好有料既老師係唔會只教30 mins.

識得有d老師(大學音樂系), 佢地唔理你係1級定5級都係劃一收費, 5級之後就每級再調整.

fanwong29

如普通琴行就一定貴。

saiwai

老師就是這種收費模式的

原帖由 lovelyec 於 11-3-18 11:09 發表
如果老師好有quali既就一d都唔貴, 不過, 通常d好有料既老師係唔會只教30 mins.

識得有d老師(大學音樂系), 佢地唔理你係1級定5級都係劃一收費, 5級之後就每級再調整. ...

lillymarie

原帖由 saiwai 於 11-3-18 19:20 發表
老師就是這種收費模式的

試咗一堂先, 睇下老師點樣教小朋友.
最緊要係老師有經驗, 和小朋友夾

我囝囝的老師都收得好貴, 但佢知我囝囝年紀細, 專注時間短. 所以特登叫我地每星期分2-3次上課, 每次上短D時間, 但每星期仍然係收一堂價錢. 話要等大半年後才讓我囝囝一星期上一次. 佢第一次睇我囝囝拉琴, 就立即指出佢有咩問題, 跟住幾堂亦留意到佢各種問題. 我囝囝跟佢學了個多月, 已改善了好多問題.
從以上種種, 我就知道呢位老師係真正關心學生, 亦有好多板斧去處理學琴遇到的問題.
咁樣計, 就覺得D學費貴得來係有道理.

[ 本帖最後由 lillymarie 於 11-3-18 19:32 編輯 ]

miss321

鋼琴專業老師的話，其實計落都係$400/hr，理得你初級定8級，都係咁教，我認為合理。我識同行朋友初級至ATCL都係$500/hr，有些分初至五, 六至八。我自己唔鐘意琴行式逐級收費，一來分級太煩, 升級又話快d加學費，最重要係愈低級愈細個愈難教!!!

lovelyec

當然, 有好多老師係絕對唔介意你學30 min. 但係我真係知道好多有料既老師係唔會教半個鐘. 因為30min 真係學唔到d咩.

我囡初學琴時, 第一個老師只係每星期學30 min, 亞囡跟左成二年, 都冇mud 進步. 到轉第二個老師, 新老師要求佢學1個鐘, 我都警時間太長, 亞囡會坐唔定, 再加上新老師既收費真係貴好多. 但新老師真係好有經驗, 亞囡唔單止成績進步左, 學琴既態度都好左好多, 我更加唔需要再威迫佢練琴, 所以就算貴, 亦都值得.

呢d純個人經驗分享. 祝樓主早日搵到一個合心意既老師.

原帖由 ming2 於 11-3-18 11:36 發表


個人認為上堂上幾多時間係要視乎學生0既專注力有幾多,可以維持幾耐...如果小朋友只係可以專注到半小時,你同佢上一個鐘,後個半小時都只係浪費時間同金錢架咋...得罪講句,只係計較金錢0既老師就有理冇理要你學一小時 ...

[ 本帖最後由 lovelyec 於 11-3-19 10:05 編輯 ]

ppww

剛為囡囡報左音樂班跟開個老師,1-3級都係$200半個鐘.