反叛期就是這樣嗎, 點算好?

Joe媽媽

Form 1仔, 升中後開始經常講大話...
以前小學名次有10~15名之間, 入到他自己揀之第一志願, band 1 EMI, 派位當日他很開心, 開學初期亦好正常.

以前小學已很多甩漏, 但因可以在網上check家課冊, 我就可以幫他補漏. 現在升中後, 我甚麼都不知道, 完全失控了. 經常欠交功課/ 做漏功課. 老師問他, 又話無帶, 又話交了, 又話唔見左....總之一派胡言! 我問他, 他又說: 後來補交了, 放了在locker明天會交... 又是一派胡言, 不知真假.
已見過了學校之社工, 跟本幫不到, 說他無問題.

他第一次考試回來之後成績跌了很多, 只得中/ 英兩科合格, 而且亦不是高分, 其他全不合格;  他很不開心, 當然我亦不滿意. 我認為他未夠努力, 讀書方法亦可能有問題, 要他改善, 他沒有補習的.  所以, 3月開始上私人補習班(一班5個人左右), 希望幫到他. 結果當然還未知.

但老師前2天又打電話來投訴, 說他上堂又攪攪震, 好大聲說話, 高談闊論, 所以要扣操行分..... 等; 都唔緊要, 但問題在那? 點樣幫到他, 跟他討論過了, 他只是逃避, 沒有正面跟我說真話. 我約了兒童心理醫生, 下星期見面, 昨晚跟他說, 他說不去, 當然不可以啦, 他說去到也不會說話, 我真是沒辦法了, 要交給專業醫生跟他傾了.

妳們有類似經驗可分享嗎? 好擔心, 唔知點算, 他以前好乖. 屋企長時間無人, 每晚8點後才有大人在家, 是否問題關鍵?

黃巴士

你識唔識囝囝的BEST FRIEND?  技巧些打聽吓, 最主要唔好令你囝囝"監介".

Mat_Dad

總之一派胡言!
當然我亦不滿意.
要他改善,
當然不可以啦,
他以前好乖.

唔好意思,我唔係答你問題,我小朋友還小,我未有教反叛期小朋友經驗. 但看到你對你仔仔d comment,想起我阿媽以前對我個樣,真係同佢講多句都怕怕:(

路過而已,不要見怪

師奶

Hi Joe媽媽
同你有相似情況, 小兒入到他自己揀之第一志願,小學成績唔錯,但上到中學就下跌,寫字仍然係咁肉酸,成日話做完功課。
第一次測驗中、英、中史班前三名,開始心散直至考完試派成績跌到我心痛,中、英、中史班尾五,班主任話佢做功課好馬虎,做左=冇做,筆記寫完佢自己都讀唔返d字出黎,下學期開始功課做得唔好要留堂,班主任話佢係其中一個佢會多留意嘅學生,叫我每天check功課在學校佢會留意,話佢有進步空間又鼓勵佢,成績考成咁都冇鬧佢仲讚佢。
我就心情沉到谷底,夜晚開家庭會議,老公一句都冇閙佢,只係話補習喇!
依家又補多一科,再唔得諗住再補多一科...
唔知反叛期d男仔係咪咁心散...
大家加油~~

Joe媽媽

原帖由 師奶 於 11-3-10 21:07 發表
Hi Joe媽媽
同你有相似情況, 小兒入到他自己揀之第一志願,小學成績唔錯,但上到中學就下跌,寫字仍然係咁肉酸,成日話做完功課。
第一次測驗中、英、中史班前三名,開始心散直至考完試派成績跌到我心痛,中、英、中史班尾 ...

果然係過來人, 一講就有共鳴. 補習就算係幫到都只係補到成績, 並不是學習態度及心散問題. 而且, 最大問題係"唔知邊到出問題", 唔知點樣幫到佢. 當然, 我唔會放棄佢, 亦會努力加油. 希望心理醫生有方法幫到我兩母子.

打完份論文, 呻完一輪, 見到短時間內有過百人看過, 都知道反叛期之威力, 大家加油唔好放棄呀.

One-Mama

升上中學,對同學和家長都係好大轉變,有時係一些小失敗導致無信心.無心機.唔好氣餒.做大人要做身教.比心機跟仔女共同面對,多D同仔仔傾學校或日常日活事,了解多D問題關鍵,多點支持同鼓勵(好似我地!)! BEST WISHES!

yanyan-mummy

其實升上中學好多野要重新適應,尤其是科目要由中文變成英語教學,比多D耐心同關懷,每晚8點後才有大人在家也是關鍵,如果情況惡化而經濟許可,會否考慮轉做全職媽媽?

daydayup

難道小朋友不想成績好嗎???

小朋友沒有心理問題,唯缺乏了家長的
諒解和鼓勵罷了!

真誠地對他說一句:沒有關係的,我們一起解決吧!

Joe媽媽

原帖由 yanyan-mummy 於 11-3-11 11:17 發表
其實升上中學好多野要重新適應,尤其是科目要由中文變成英語教學,比多D耐心同關懷,每晚8點後才有大人在家也是關鍵,如果情況惡化而經濟許可,會否考慮轉做全職媽媽? ...

全職媽媽有用嗎? 我亦在考慮中, 此點下星期我亦會提出來問專家. 我是怕找不出心結, 放棄份工後幫助亦不大.

Joe媽媽

原帖由 daydayup 於 11-3-11 11:45 發表
難道小朋友不想成績好嗎???

小朋友沒有心理問題,唯缺乏了家長的
諒解和鼓勵罷了!

真誠地對他說一句:沒有關係的,我們一起解決吧!

"真誠地對他說一句: 沒有關係的, 我們一起解決吧!" 此一句我每天早/ 午/ 晚已十二萬分真誠地說過又說...

yanyan-mummy

原帖由 Joe媽媽 於 11-3-11 12:34 發表


全職媽媽有用嗎? 我亦在考慮中, 此點下星期我亦會提出來問專家. 我是怕找不出心結, 放棄份工後幫助亦不大.

有mama在身邊陪伴點都好過每日自己一個人到8點,可以問功課,親子活動,每日返學有什麼趣事,和那個同學最好朋友等......你已錯過了很少和他一起的童年,初中亦是反叛期要睇緊D ga

Joe媽媽

原帖由 yanyan-mummy 於 11-3-11 12:40 發表


有mama在身邊陪伴點都好過每日自己一個人到8點,可以問功課,親子活動,每日返學有什麼趣事,和那個同學最好朋友等......你已錯過了很少和他一起的童年,初中亦是反叛期要睇緊D ga ...

我都知道及明白, 但他說不好, 話我煩, 唔想成日見到我...

Ivy07

我都有擔心的，因為這個年齡，他認為自己以為已經大個仔，可以處理自己的事，唔想我管佢，但睇到他有些行為出現偏差(例如成日打機)，就緊會話佢兩句，他就覺得我好煩，但暫時他仍然會講學校發生的事我聽，咁仲可以同佢溝通一下，現在唯有留心睇實佢的變化。

karen2621

我個仔也一樣.佢今年己經F.2,成績自升中後越來越差.情緒起伏大,比起F.1時情況更差.不過這都是反叛期的正常情形.老師都說F.3就會好了.我期待着.(雖然有時都會感到氣餒)

現時要做的就是同佢哋保持溝通,關係要良好.

各位媽媽加油!努力吧!

原帖由 Joe媽媽 於 11-3-10 12:30 發表
Form 1仔, 升中後開始經常講大話...
以前小學名次有10~15名之間, 入到他自己揀之第一志願, band 1 EMI, 派位當日他很開心, 開學初期亦好正常.

以前小學已很多甩漏, 但因可以在網上check家課冊, 我就可以幫他補漏.  ...

samuel89

會唔會你太緊張......

以前小學名次有10~15名之間, 入到他自己揀之第一志願, band 1 EMI,  <----而家佢d同學仔幾乎全部都系以前小學名次有10~15名之間, 好多仲勁......俾時間佢習慣啦, 我阿仔都系甘, 唔使睇心理醫生甘嚴重

師奶

原帖由 Joe媽媽 於 11-3-10 22:03 發表


果然係過來人, 一講就有共鳴. 補習就算係幫到都只係補到成績, 並不是學習態度及心散問題. 而且, 最大問題係"唔知邊到出問題", 唔知點樣幫到佢. 當然, 我唔會放棄佢, 亦會努力加油. 希望心理醫生有方法幫到我兩母子 ...

我明白你感受,真係唔知點幫佢,我學歷低功課幫唔到佢,EQ又唔好,成日忍唔住哦佢>>做完功課未？拾好書包未？温左書未？帶齊野未？佢都厭我煩
今日堂上帶手機還響起,結果比老師罰留堂,老師話比我知下次唔係留堂咁簡單,返黎比我話咗幾句,佢就喊晒話今日已經好黑仔比完老師罰又比同學整估仲跌左銀包冇埋學生八達通,依家仲要比你話,話我唔體諒佢。
唉~~講到係我錯咁...
咁係唔啱亞麻!話幾句就咁大反應。

goodfuture

100%理解你，我個女亦正遭遇同一問題，佢小學時好乖好懂事，仲實牙實齒話反叛期會唔激我，叫我放心。點知而家就方激我唔死，講大話，欠功課，成績由頭八名跌到二十，成日渴望同同學去街，又話我管得嚴，唉！總之好似變左第個人咁，小朋友真係未到青春期都唔好太老定。
還好佢而家同家人關係都仲好好，情緒態度亦尚算溫和，每天都吱吱喳喳咩都講，我而家唯有一有機會就同佢講道理，但今日真係唔知聼日事，唯有見招拆招，各位媽咪，我地要齊齊努力，積極面對，可以的話多些在此留言，互相分享此階段小朋友的發展，互相打氣！

[ 本帖最後由 goodfuture 於 11-3-12 11:10 編輯 ]

One-Mama

我地家長要同仔女一樣,在不同成長階段跌跌踫踫地學習,只要加把能耐和運用不用的溝通技巧,情況一定會有改善的! 我覺得多些渠道如參加座談會.參看有關書或找專家提供意見都無妨呀! 比心機!

Leung2010

總之，冇結交壞朋友偷呃拐騙、冇吸毒、冇溝女、冇搞機，都可以靜觀其變默默支持。

goodfuture

係呀！而家我每天都參考青少年的發展資料，軟硬兼施，見招拆招，反叛期是通往成長的必經之路，大家要咬緊牙關，捱過了便另一番氣象了，佢地同時亦好需要父母的支持，此刻最重要是保持良好溝通，萬事有相量，大家加油！