基督教服務處摩理臣山兒童發展中心

Yvonne_ng

請問這間S位同E位好吾好?

教師質素如何?

多不多學生上主流小學?

3T 訓練多嗎?

Capricorn2521

我仔仔讀了s位半年已進步了很多。老師很有耐心及經驗，其他員工都很nice。9月剛開學時，schedule 會如普通上課一樣。之後會好忙，如每月一次親子外遊/參觀，每月3T輪流2次示範課，今個月開始每1-2星期一次感統小組。很多家長講座及家長工作坊，及參觀活動。3T每月都會入組或個別訓練，家長可參考治療c在訓練手冊上的資料，在家繼續訓練。

讀完s位不會直上主流小學，很多都會轉i位(未夠6歲)或在主流幼稚園讀一年k3(滿6歲)先上小學。

建議你可以在上課前約8:45-9:00到校外觀察一下老師及學生入園的情況，以略知一二。

原帖由 Yvonne_ng 於 11-3-7 01:40 發表
請問這間S位同E位好吾好?

教師質素如何?

多不多學生上主流小學?

3T 訓練多嗎?

Anpanmama

我仔仔讀了兩年多, 去年8月轉了I位為主流小學作準備！
我地舊年走嘅小朋友, 部份都像我先轉K3適應主流，亦有直上主流小學。
以我過去嘅情况, 教師及治療師們都很有心, 在我仔讀大仔班時, 已經用幼稚園書本上課及學寫字。
其中ST及OT的治療師是非常有經驗的。
其實在特殊學校裡，大部份嘅小朋友都係屬於智力正常但有其地問題、障礙而需接受密集式訓練, 例如有慣性或情緒行為、專注力問題、小肌問題、言語及社交問題等。入讀主流小學的能力, 大部分小朋友都無問題, 但升上小學後的跟進也是非常重要。
曾經有家長因為覺得自己小朋友讀咗一年, 都是學自理而投訴其後更退了學，認為浪費時間。 其實普遍我們的小朋友, 自理能力都是比較差, 但如想接軋主流, 不先把自理學好, 可以想像小一還有老師帶着排隊隊去廁所嗎？
可參考Caprincorn2521                意見, 先參觀或觀察學校。

[ 本帖最後由 Anpanmama 於 11-3-8 01:58 編輯 ]

Capricorn2521

我小朋友係熱愛文字那類型(其實很多自閉傾向小朋友都一樣)，我自己同佢讀書寫字認字玩圖咭，完全冇問題，可以說是應付有餘。但在教導自理方面，我又要返工，真係好頭痛。例如：吃飯要人餵，挑食，發脾氣，吾聽話，玩玩具只用一種方法玩，自我中心。但入了這中心後，完全改變了。現在還懂得自己穿鞋襪。今個下學期首要train刷牙、穿脫衣服及用筷子。這些都令我返工返得放心，而且老師會教我在家如何繼續跟進。社交方面，以前在公園會推人或吾理人，依家會叫小朋友"排隊呀!" 又會睇著小朋友滑完滑梯先開始自己滑，我不須要時時刻刻釘著他。

體能上，也訓練了他不少，如跳前跳後，單腳企，踩單車，踢足球，射龍門，上下攀抓.....請不要見笑，我仔像是個書虫，不太動的..

以經濟角度來看，自理補習(pst $450/hr)係貴過中英數補習。如果家長擔心學術程度，可以在家多些親子閱讀。我知道朋友孩子讀的活動教學幼稚園，程度其實係差不多。

[ 本帖最後由 Capricorn2521 於 11-3-9 11:19 編輯 ]