新升中派位倡07年實行

hotdogpapa

十一月廿二日
【 明 報 專 訊 】 升 中 派 位 機 制 及 教 學 語 言 改 革 諮 詢 文 件 已 經 接 近 完 成 階 段 ， 將 於 明 年 1 月 底 正 式 出 爐 。 據 悉 ， 文 件 內 容 建 議 新 升 中 派 位 機 制 可 於 2007 年 實 行 ， 即 本 年 度 小 四 生 將 受 首 屆 新 升 中 派 位 機 制 影 響 ﹔ 而 母 語 教 學 政 策 則 有 另 一 推 行 時 間 表 ， 料 不 會 與 新 升 中 派 位 機 制 同 時 落 實 。


升 中 分 班 試 調 節 成 績 組 別


據 悉 ， 諮 詢 文 件 內 容 建 議 升 中 派 位 機 制 及 母 語 教 學 政 策 推 行 的 時 間 表 。 若 方 案 獲 社 會 接 受 ， 新 升 中 派 位 機 制 將 於 2007 年 推 行 ， 即 根 據 升 中 分 班 試 ， 調 節 每 所 學 校 成 績 組 別 （ banding ） 的 比 例 。 至 於 2007 年 新 派 位 機 制 推 行 前 ， 現 時 小 學 調 節 成 績 組 別 的 方 式 將 維 持 不 變 ， 即 仍 然 沿 用 2000 年 前 以 3 年 學 校 學 能 測 驗 成 績 平 均 值 作 調 整 。 至 於 母 語 教 學 政 策 的 落 實 ， 涉 及 教 師 準 備 、 學 校 轉 制 等 較 複 雜 的 技 術 問 題 ， 料 未 能 與 新 升 中 派 位 機 制 同 時 推 出 。


明 年 1 月 底 諮 詢


教 育 統 籌 委 員 會 檢 討 中 一 派 位 機 制 及 中 學 教 學 語 言 工 作 小 組 昨 日 召 開 會 議 ， 討 論 諮 詢 文 件 內 容 細 節 。 主 席 田 北 辰 接 受 查 詢 時 表 示 ， 在 新 升 中 派 位 機 制 推 行 前 ， 現 有 機 制 維 持 不 變 。


田 北 辰 表 示 ， 諮 詢 文 件 已 完 成 得 七 七 八 八 ， 但 由 於 三 三 四 學 制 正 在 諮 詢 ， 為 免 社 會 一 時 間 難 以 消 化 或 分 薄 討 論 ， 計 劃 於 1 月 底 完 成 三 三 四 學 制 諮 詢 後 ， 再 公 布 升 中 派 位 及 母 語 教 學 諮 詢 文 件 。 他 說 ﹕ 「 期 望 社 會 耐 心 等 待 1 月 文 件 正 式 推 出 ， 才 會 有 較 明 朗 的 全 面 討 論 。 」

virgokaren

又話唔好標籤 d 學生？
改個名叫升中分班試，咁分明係搞分化0者！

一間小學 D 學生可能分左去 20 間不同的中學，咁考完份卷咪有排分？咪又係用學兄學姊的成績來派位？

呢個遊戲到底點玩架？ (唔明解！)

hotdogpapa

virgokaren：
你係唔係猴年出世先， “解”左你會唔會隨山走架？
分班試！唉~你話唔係巧立名目，係咩先？
不過“熱狗”尚未完全了解…容後收集多d資料再討論…

“熱狗”題：邊個歌星讀書時成績最叻？

Mimi_Ma

hotdogpapa  virgokaren：

你地講緊的新升中派位, 曾有人登過 :

http://www.baby-kingdom.com/modules/newbb/viewtopic.php?topic_id=224172&forum=7#2854023

hotdogpapa

Mimi_Ma ：
thanks!

virgokaren

熱狗爸：

"解”左我一定唔會隨山走架，你估我唔怕好似金山郊野公園果三隻咁收場咩！

熱狗”題：邊個歌星讀書時成績最叻？
答：許冠傑？(HKU 畢業)、or 林子祥(DBS畢業，唔知會考考成點？)、定係......亞叻？(佢算唔算歌星？   )

Mimi_Ma：

唔該哂！
睇完都係覺得好複雜咁！

Mimi_Ma

virgokaren,  hotdogpapa :

唔使唔該,  我應該做的,  比多D資料兩位, 我有得益的.     

nicnic小主

mimi_ma
多謝你的information, 但我仲有d唔明, 現在沿用學兄學姐的學能測驗成績分banding, 點解又要將p.5的兩期校內成績呈上教統局? 其實係點分個學生既banding架?
thanks!

hotdogpapa

nicnic小主 ：
學兄學姐的學能測驗成績=調整機制(a)
p5最後一次成績+p6首兩次成績=學生成績(b)
除區內小六生人數除以(a乘b)=x
頭1/3x=band 1
次1/3x=band 2
尾1/3x=band 3

nicnic小主

hotdogpapa,
唔該晒你! 其實如果替小朋友選一間街坊band 1小學就讀, 相比起在九龍d名小學就讀更易取得好成績, 亦即是校內成績直接影響派位banding, 那豈不是選取程度較淺的小學會比起較深的小學來得容易取得band 1的排名, 唔知我的推論是否正確?請賜教!

thanks thanks!!

hotdogpapa

nicnic小主 ：
唔....未能完全正確！
街坊小學一般學兄學姊之學能測試成績不會太理想，所以分數被拉得很低；通常得20-30%左右算是band 1生！由於冇法改變調整機制~學校都唔會加深課程，小朋友之學習就輕鬆得多！
而傳統名校由於前人種樹，一般都有60-70%band 1生，學校都不能刻意改變課程，所以學習就會辛苦好多！

世界邊會有十全十美呢？

nicnic小主

hotdogpapa,
你講得好有道理, 世上無免費午餐, 真係一分錢一分貨.
咁應如何選擇以下小學就讀?請指教及給予意見.
1. 沙田呂明才小學(我是沙田人)
2. 九龍塘宣道小學(九龍城校網, 名中學多d)
3. 聖方濟各英文小學 (好似容易入九華)
thanks!

hotdogpapa

nicnic小主 ：

“熱狗”宗旨係要小朋友開開心心上學去、父母多參與小朋友之學習、唔好讀死書！∼當然係揀呂明才啦：多元智能學校、百幾部電腦、設備新穎、落成玻璃窗~成間模範學校咁！
宣道舊年８成２學生都派到band１中學！壓力從小一開始．．．慘
聖方濟各英文小學唔熟

nicnic小主

熱狗,
咁你當初係咪無諗過會安排囡囡入讀名中學(瑪利諾), 咁你囡囡讀邊間小學?你係大抽獎中獎, 咁你是住在41網or囡囡小學係41網?
我亦認同"開開心心上學", 但都想好似你囡囡咁讀到一間好的中學!

hotdogpapa

nicnic小主 ：

一）中學唔同小學∼小學單埋眼得中英數常！最緊要係佢有興趣學習，喜歡返學！中學冇計，一下子多左好多科目、仲有大個左好易學壞∼搵間讀書風氣好ｄ學校似乎穩陣ｄ！
二）大抽獎一矢中的！
三）小學同住址同區！
四）可以的∼冇咩壓力、有父母關心參與、上學好玩過屋企！
有時送囡囡返學都見到喇小瑪小有ｄ小朋友扭計∼相信又係逃避壓力！

hotdogpapa

nicnic小主 ：
“熱狗”囡囡讀名不經傳~街坊小學！
你有機會去參觀一下沙田呂明才小學~返o黎同大家分享分享吧！

nicnic小主

熱狗
你太謙了, 我相信你囡囡的小學亦非名不經傳, 否則也難派到好中學.  
anyway, 多謝你的意見, 有機會我都想參觀沙田呂明才小學.

hotdogpapa

nicnic小主：

的而且確“熱狗”囡囡是讀一所街坊小學，周邊o既學校沒有一間差過它的；甚麼紅馬、千禧、奉基、宣道、普愛….
不過差o既學校不等如不能派到好學校；只要是第一組學生、加上一點兒幸運，就是這麼簡單…
參觀完呂明才~記得向其他家長推介(熱狗有份乎？)...

nicnic小主

熱狗,
咁你囡囡就真係有"食力"+運氣, 你既例子可以比好多家長知道只要係一間唔太差既小學, 都有機會入讀一流的中學, 最好就係免費, 如果唔係一般私小/直資約$1500-4000不等, 小學之後仲有中學, 大學....
本來都想比囝囝讀私小/直資, 但係既然呂明才都o.k.不如留d錢比佢將來有需要時出國讀書.
熱狗, 你都有興趣知道呂明才的資料?(當然有份啦!)

hotdogpapa

nicnic小主：

多謝讚賞我囡囡！

其實係“熱狗”刻意要囡囡讀街坊學校o既！(好少人會認同…認同都冇人敢試…)
一)        六年前全日制學校唔多，入d冇名氣、新開、街坊學校~必勝！(兩公婆要專心搵銀也…)！
二)        唔使錢，可以留番第日用！
三)        小朋友讀書完全冇壓力！日日“開開心心上學去、平平安安回家來！”
四)        唔使日日默書測試…小朋友大把時間剩！得閒又可以用“熱狗”式遊戲中學習加強囡囡其他方面知識…唔一定要死讀課本就係叻o既…
五)        小學只係基礎教育，好鬼死淺！唔使谷咁行！只要根基好，如有需要(升中呈分試…)~九十零分___囡囡話easy job喎！

入街坊學校要擔心o既當然有，一早有心理準備同輔導，何懼之有？

哈哈..當然對呂明才有興趣(幾年前壹週刊介紹過~第一間多元智能小學：小朋友可以o係圖書館訓o係度睇書書；家長可以o係大玻璃窗下觀看小朋友上堂…好正…)，話唔定“熱狗”他日飛黃騰達起o黎，包個二奶…老來子…哈哈哈…