用什麼方法鼓勵讀書

yanyan-mummy

升上中學,很多東西都需要自學,如果吾主動讀書,成績一定吾好,上學期我用左扣零用錢制度,諗住咁佢會比心機讀書,一個學期下來,我或者錯了,佢成績仍原地踏步,但零用錢俾我扣哂,樣樣慳住,錢包很多時也只得很少錢,買零食也不捨得.....
我都吾忍心咁樣~吾知各位mummy有否其他work D ge方法呢?thx~

gigivinda

原帖由 yanyan-mummy 於 11-3-3 00:14 發表
升上中學,很多東西都需要自學,如果吾主動讀書,成績一定吾好,上學期我用左扣零用錢制度,諗住咁佢會比心機讀書,一個學期下來,我或者錯了,佢成績仍原地踏步,但零用錢俾我扣哂,樣樣慳住,錢包很多時也只得很少錢,買零食也 ...

It should be the opposite.  Give some rewards to him, just verbal appreciation will do.  Punishment will make him think that studying is something not enjoyable.  Let him realize the importance of his school work.  Try to find out the reasons why he does not take the initiative to work, because there are too many distractions like electronic games or TV or internet, or the school work is too difficult for him etc. And try to help him from the root cause.  If there are too many distractions, try to eliminate all the distractions.  In the process of taking away the distractions, he'll argue with you, don't argue with him. It will hurt the relationship, just tell him the rules before you implement them and just implement them.  
A friend of mine shut her son in his room for 2 hours everyday and asked him to do school works there only.  There was no computer or other things in the room except school books.  After two months her son had great improvement in the school tests.  You may try this.  I think it is a good start.

BestHKMother

多啲贊賞佢, 唔好同小學既分數做比較, 中學同小學係無得比, 亦唔好同其他同學比分數, 應該多贊賞, 即使係多 一份都要贊, 但加一句"仲有進步既空間", 或者set個目標, 如果佢做得到的話, 就答應送禮物囉! 我自己通常就唔會同亞囝講考到幾多名就送什麼, 而是收到成績表後, 就跟他說....有意外驚喜tim, 再問佢想怎樣慶祝, 佢就會好開心, 跟住就一次比一次好!

兔仔得媽

我囝九月份先上中一，但我e+已經時時同佢講做人好、做事好，我地唔係講求結果，係去追求過程，只要我地對事件所作出ge過程係問心無愧、儘力去做，無論得出結果係好抑或唔好都無問題，因為結果唔到我地控制，而有冇盡心盡力去做，旁人係睇到同做事者本身亦知到。
通常派成績後我都會講一d鼓勵ge說話[例如：你有盡力媽咪係知道、下次要怎樣會改善等]，同帶佢去食佢喜歡的食物等佢輕鬆吓！

aztectt

原帖由 BestHKMother 於 11-3-6 22:17 發表
多啲贊賞佢, 唔好同小學既分數做比較, 中學同小學係無得比, 亦唔好同其他同學比分數, 應該多贊賞, 即使係多 一份都要贊, 但加一句"仲有進步既空間", 或者set個目標, 如果佢做得到的話, 就答應送禮物囉! 我自己通常就 ...

同意，由其是唔講明獎勵係乜，喺心理學角度係鼓勵一種行為最好方法，而且以後亦比較唔會因為無咗獎勵而退步。

yanyan-mummy

多謝各位mama ge意見~
其實自小學起,讚,獎勵,駡我試過哂,已經吾知仲可以用咩方法
依加我已經取消扣錢制度,因為真係吾忍心,試行梗獎勵制,不過昨天派了科test吾合格,我又忍吾住駡了
想了幾天,雖然經濟上可能負擔更重,但為了佢ge將來,會再試下加補吾合格ge科目~~

aztectt

會唔會學校教得唔好？校風問題？如果補英文同數學，我有一間可以介紹俾你。

yanyan-mummy

原帖由 aztectt 於 11-3-9 23:54 發表
會唔會學校教得唔好？校風問題？如果補英文同數學，我有一間可以介紹俾你。

已經補梗中英數,依加考慮好吾好加埋IH,IS~
因為我吾知佢係吾係吾識讀,如果補果D科就好D,吾補就......

ANChan59

From you decsription, most of his subjects need tutorial, his standard may not fit the school standard.

Find another school........??

yanyan-mummy

原帖由 ANChan59 於 11-3-11 17:31 發表
From you decsription, most of his subjects need tutorial, his standard may not fit the school standard.

Find another school........??

佢讀ge係一間直資學校,在校成績中等,只是一間普通中學中等成績,我怕佢升不了大學,所以才打算要佢再比D心機再上D,以後條路才好走......

BestHKMother

成績係緊要, 但父母與仔囡之間既關係更重要, 唔好因為學校成績而影響到你倆之間既關係, 如果唔係, 最怕會越變越反叛, 所以, 父母只可以做既係不厭其煩地提醒孩子, 為何父母這麼緊張他們的成績, 我們只可以解釋, 他們接收到幾多, 就只有看他們自己了!
你說不合格的科目, 是否因為該科目整體上整級都編低呢 ? 係咪真係好深呀? 不過始終你個係仔仔, 可能仲未開竅, 比少許時間吧! 始終中一至中三, 父母與子女間的感情也很重要!

Radar

樓主,

你個小朋友都有中等成績,你真係唔好鬧佢咁多,佢只係剛升上中學,佢都要適應中學既生活.

至於佢有測驗唔合格,你要了解下全班有幾多人唔合格呢?如果大部份人都唔合格,咁就問題不大啦,有好多時d老師耐唔中都會出d深d既題目考下d學生的.

當然,小朋友懶就一定要鬧,但如果佢都有攞d書出來讀而都考得唔好,咁就要比多d鼓勵,唔好打擊佢既自信,我個人覺得用獎勵既方法會比較好.

fairly

講得好!有次當阿女攞成績表前一天,佢叫我唔好用眼超住佢如果考得唔理想!我都係一樣咁同阿女講:你問心無愧、儘力去做，無論得出咩結果都唔緊要!因我睇到你有盡心盡力去溫,我係唔會責備的。只要下次努力!

kenny325i

我個仔是家中獨子，今年F.2。我們好幸運，因為除了小一及升中派位時有擔心派位結果外，從來無令我們擔心或煩惱過。我的教仔方法好簡單，可能不是所有人都適用，但仍希望與大家分享。

自小一開始(鼓勵讀書應自小打好基礎)，便告訴他「除了讀書外，任何事情都有商量」。結果家中任何牌子的遊戲機都有，但他始終將讀書放在第一位，因為他知道讀書係無得商量。升上中學後，多了課外活動，已經好長時間無打遊戲機。他亦習慣了有事與我商量，想我給他意見。

自小同他一齊多看時事節目，從旁灌輸「知識改變命運」的道理。例如昨晚一齊睇「xxx大作戰」，見到老人家在執紙皮，他說D老人家的仔女好唔孝順，我說老人家D仔女都唔想父母咁，可能他們讀書成績唔好，收入唔多，有心無力先至咁，有邊個唔想孝順父母？

迫小朋友讀書無錯，但如果能在心理上，讓他們自己思考，效果可能更好！

eist212

Hi Kenny,

請問你個仔多唔多功課做?我個仔成日都好得閒, 話在學校已做晒, 成日都可以睇TV和上網. 我以為這學校會多功課的, 真不知佢會否在學校抄功課. 還有在facebook見到佢D同學講很多拍拖和情情愛愛事, 知否學校係咪好多同學拍拖? 如佢地拍拖, 要怎樣處理? 可否分享!另你個仔有很多課外活動, 是自己報名參加的嗎?Thanks.

kenny325i

都唔係好多功課，但係做完功課，都係習慣溫一陣書。

而家每星期放學後要打兩日排球，一日網球(星期日上午又自已打網球)返到屋企都快七點。不嬲都打開網球，所以入左校隊，不過校際暫時未有比賽。排球都係校隊，已經小組出線。選擇這兩個項目，是因為對抗性低，唔會容易受傷。聽講你個仔乒乓波打得好好喎！

同學拍拖就無返來講過，不過就有講邊個邊個今日向邊個表白，都係女仔較早熟及主動，得啖笑，唔駛太擔心！

gigivinda

我同阿仔同班同學媽咪講開，她都話她兒子不太多功課，我就覺得奇怪，因阿仔超多功課。回家問阿仔，阿仔話有ｄ人做功課真的好快；有的如做group project，會選擇做少ｄ的部分；有人上堂做其他科功課，小息吃飯時間都做；有人馬虎做或者抄功課；有的索性不做不要分－－形形式式都有。