家有自閉傾向的小朋友......

kmwun

承承媽媽

俊希都係有自閉傾向，而家在普通幼稚園讀K3．我近來睇緊"與光同行"，稔緊送一套俾學校，等多d人了解多d自閉嘅小朋友．

有心得可以分享一下！

kmwun

stellacl

Harris讀緊N4九月都升小學，進度點呀？俊希首輪自行分配唔得，報左間私校又備取，唯有等第二輪幸運大抽獎，不過我覺得較適合俊希間小學係誇區嘅，都係打定輸數．不過幼稚園校長應承幫俊希寫信，抽唔到就去求吓情．

kmwun

承承媽媽

我住荃灣，津校就報左天時石鍾山紀念小學，o係海濱花園，間學校之前都有參加融合教育．私校就報左神召第一小學，位置o係旺角．比較新同細，但我鍾意佢小班，一班只有約12人．

另外俊希而家在協康砵蘭街中心上緊小一適應班，上十個月有十八堂．返左之後覺得仔仔返學有進步，希望真係幫到佢啦！

kmwun

承承媽媽

剛上網只找到"香港中文大學校友會聯會張煊昌學校"，但係係津校．如果都係誇區，預左派唔到要求情，o甘第一輪同第二輪o既第一志願都要揀同一間學校．既然第一輪已經揀左石鍾山，各安天命啦，我亦唔想小朋友返學要搭太耐車．

kmwun

mrsphcheung

我係年初o係協康順利中心上OT時姑娘介紹有這個班的．每年九月開班，到明年七月左右，今年開左兩班星期五下午，同星期六早上，隔週上堂，每堂兩個小時．一百元一堂，約有12-15個小朋友一班．除左姑娘會有幾位義工姨姨幫手．上堂係模擬小學將會發生的情況，等明年升讀小學o既小朋友適應小學生活，例如有小息，小朋友要帶水同小食o係小息食．另外間中亦有d家長班俾家長上下．有興趣可是直接打電話去砵蘭街中心問下高級幼兒導師陳姑娘．今年個班叫"壹仔學堂"．

kmwun

承承媽媽

謝謝你！我考慮打電話去同學校傾下，了解下．

我係好建議家長同心儀的小學傾下小朋友o既情況．我o係聽神召講座時同校長講俊希的情況，校長亦建議如果我地覺得學校適合不妨報名，起碼佢地唔抗拒有特殊需要的小朋友．至於石鍾山，佢地之前係主動參與融合教育，我打電話去，佢地有個主任覆我同我傾左好耐，同樣佢地都唔抗拒有特殊需要的小朋友．但我試過問同區小學校長，聽到俊希的情況佢只係話學校無特別資源照顧有特殊需要的小朋友，如果我地真係揀佢間學校，派到佢地都會收．老實講由o甘o既質素校長領導o既學校，我都唔想俊希讀．

kmwun

承承媽媽

我自己就好好彩，中小學o既校長同老師都好有熱誠同愛心，對我都有好大影響．希望我地o既小朋友都碰到佢地o既"青木老師"．

大家都加油啦！  

    

kmwun

Dear mrsphcheung

砵蘭街中心 2391 9291

kmwun

HeiMarie

Thanks a lot for the information !  I'll try to tel them.

kmwun

承承媽媽

我都搭下訕！可以試下俾d酸糖小朋友食，仔仔之前在協康上OT姑娘試過俾酸可樂糖同S字頭O既酸糖仔仔食，佢話對佢地有d刺激，好O既．另外食nuts同乾果都對小朋友有益，唔好太甜就OK．o趙香口膠對小朋友O既口腔運動都有幫助，但小心太甜，但無糖的要小心添加成份影響腎臟．

kmwun

chanchanboy

上教統局網站會找到一個附件有學校名單，融合教育係由學校自行決定參與，所以可以見到有好大誠意．但可惜計劃已經取消（好似去年已經取消??)．原來的融合教育o係學校收一定數目o既有特殊需要學生就有一位資源教師，雖然計劃已經取消已分配的資源教師會繼續留任至計劃學生畢業．而家教統局只會按學校收取特殊需要學生人數撥款，較嚴重的可能多d錢．但使用撥款由學校全權決定，美其名係有較大彈性．

kmwun

stellacl

唔好客氣！我o係62區，但一定唔會俾仔仔讀名校，奈何而家的學校往往為了"名"而催谷o的小朋友，所以就算唔係名校一樣功課多多．覺得油天區比較多選擇，希望大家的小朋友都找到適合他們的學校．

kmwun

stellacl

sorry, 誤會左係油塘區，果區多d私立小學，比較傳統小學可能更適合我地o既小朋友．

kmwun

近日朝早返工同仔仔講"囝囝乖啦！"，點知仔仔回敬一句"囡囡乖啦！"

佢地都會好攞命架！   

kmwun

Hi cottontail

好開心知道自閉傾向的小朋友有好大進步，而且被人接受．我仔仔九月都升小一，不過未有著落，可能係有間好學校等緊佢．我都覺得仔仔近半年進步左好多，講野口語化左好多．可能真係人仔大左d，加埋有訓練．

各位爹d，媽咪大家都加油啦！

kmwun

stellacl

"你們的小朋友有沒有試過指著街上的人(身上有青龍白虎的那種)說: 吸煙唔啱架, 無益架... "

我仔仔試過o係地鐵，"舍甫"頭，巴士等等指住人話唔應該飲食．坐的士佢坐中間位無安全帶，就話自己犯法，重要入獄同罰款．諸如此類，不勝枚舉！

kmwun

而家成日要提住仔仔，第一o係公眾場所唔使o甘大聲講o野；第二係唔好手指指；第三人地守唔守並唔重要，唔使大大聲講出o黎，最重要係自己守規矩．

有時真係俾佢攞命，舊年生日時，仔仔同我講完生日快樂即時加句：媽咪已經由3x歲"提升"到3x歲:cry: ．讀咗幾年書果然好識講o野，數口亦好好．不過就俾我嚴重警告只可以o係屋企講，出咗門口就唔可以提．

[quote]
Dr.T 寫道:
雖然距今已有十數年,但當年我的自閉症學生的表現回想依然令我忍唆不禁...

話說當日有一班有錢太太來參觀學校, 而社工姑娘將"貴賓"帶到我的課室時, 向各學生提示"你們一齊叫姐姐早晨好嗎?" 當班中眾人正大聲講"姐姐早晨"之際, 學生甲舉手問:"點解d姐姐o甘老o既?"...身為班主任的我同社工姑娘忍笑忍得幾辛苦
  

kmwun

好同意stellacl嘅意見．我仔仔開始發脾氣時，我會盡量即刻提醒佢發脾氣無用，要講俾媽咪知．當然重要堅持佢發脾氣唔會攞到要嘅o野，甚至要罰，例如媽咪唔會講故事俾發脾氣嘅小朋友聽；但如果小朋友肯嘗試表達就會適當獎勵o下．

stellacl 寫道:
janet7903

隨住小朋友的年齡長大, 自己懂得表達既時候, 訓地發脾氣既次數也會減少.  最主要是看他是因為什麼而訓地, 了解他訓地原因才對正才藥最重要, 當佢知道原來你明白他訓地的原因, 幫佢表達出來, 下次他也會懂得把原因說出來的.

kmwun

上星期六同仔仔搭巴士，到站前其他乘客先打鐘，仔仔o既固執行為又發作，因為打唔到鐘又叫又喊，已經唔算係驚天動地啦，只可以一邊勸一邊落車，佢都o係落車前伸手打多次鐘．到我落左車企o係行人路，聽到車上一個女人話”mut個細路o甘曳架！”巴士關門開走．我好唔開心！我唔開心唔係覺得難堪，唔係覺得仔仔令我尷尬．我理解位女士只係無知，我稔佢重覺得自己好大義澟然，我好想同佢解釋小朋友o既問題，我只係嬲架車開走無得解釋，直情係無仇報！

我會同朋友分享呢件事，一來呻下，二來希望聽到的人可以思考一下，一件事可能並非表面見到o甘簡單，我地可以試下慎言，多d包容！

kmwun

Dear all

原來o甘多小朋友對開門關門有興趣，我仔仔不單只睇重會用兩隻手扮門開關，重會配埋音．而家開始試吓限制仔仔只可以o係屋企做鍾意o既事．

JOANNA722

我都覺得要稔d辦法等小朋友坐定d．但我仔仔坐地鐵都係跪好少坐，成日要提佢唔好整到隔籬．

janet7903

先豐富小朋友o既database，講多o的等佢地就算未識用都明白，至少唔陌生．