想請教怎樣有效地教小朋友加減數?

ANNAFRIEND

小朋友K3, 我沒有為他報任何數學的課程, 因為沒多餘時間了. 只有自己每天出一些加數題目(暫時都是個位加個位)給小朋友做. 我先生教小朋友用畫圈圈去數數. 但我發覺小朋友慣了畫圈圈才答對, 沒有畫圈用心算就會答錯. 我怕他慣了以後也會倚賴畫圈才懂答題目. 所以想請教怎樣有效教小朋友加數及減數. 請各位幫幫忙指教. 謝謝各位!!

lillymarie

原帖由 ANNAFRIEND 於 11-1-26 11:44 發表
小朋友K3, 我沒有為他報任何數學的課程, 因為沒多餘時間了. 只有自己每天出一些加數題目(暫時都是個位加個位)給小朋友做. 我先生教小朋友用畫圈圈去數數. 但我發覺小朋友慣了畫圈圈才答對, 沒有畫圈用心算就會答錯.  ...

數數係第一步, 數得多, 夠熟練, 就沒畫圈也可以心算.
其實平時可以把握每一個機會去教佢
例如吃晚飯前, 問問他枱上有幾多隻碗, 幾多隻碟, 幾多隻spoon, 加埋有幾多?
食餅餅時, 可以開始時問有幾多塊? 食咗2塊之後剩幾多塊?
又或者可以拿糖出來數. 玩具亦可以.

小朋友最緊張甚麼就用甚麼去數. 印象特別深刻.

我以前分餅給兩個仔食時, 會先叫他們數下有幾多塊, 然後問佢地平均分的話, 每人可以有幾多塊? 等巴士時, 問佢地巴士一邊有幾個車輪, 另一邊有幾多個車輪, 咁巴士總共有幾多個車輪? 就這樣在生活上教佢地乘除的概念.

另外, 無聊等車或坐車時候亦是最佳考數學題的時候, 盡量當遊戲咁玩, 玩得越輕鬆, 小朋友記得越好.

ohmygosh

我小朋友上enopi﹐學addition 係count on to find the sum﹐subtraction 就count back to find the difference。未返enopi前(i.e.三歲半前)係數手指﹐返左enopi後﹐老師教他指著題目上的數字向前/後數﹐但我就再進一步﹐平日要他心算﹐按部就班﹐多練習﹐他都做到了﹐也十分準確。

您可以試試

原帖由 ANNAFRIEND 於 11-1-26 11:44 發表
小朋友K3, 我沒有為他報任何數學的課程, 因為沒多餘時間了. 只有自己每天出一些加數題目(暫時都是個位加個位)給小朋友做. 我先生教小朋友用畫圈圈去數數. 但我發覺小朋友慣了畫圈圈才答對, 沒有畫圈用心算就會答錯.  ...

Radiomama

點解唔用遊戲方式呢?
我在仔仔k2時, 跟他玩math bingo, 啤牌遊戲(如釣魚, 21點), 他進步神速.  仔仔沒有讀任何數學的extra course, 但在班上(小學)是數學較佳的一組.

ANNAFRIEND

多謝大家的意見. 我會試試大家的方法. 以前有位媽咪都跟我說過數數是最好的學數學基礎. 但我也不太懂去教. 玩CARD GAMES我相信是不錯的心算練習, 我會試試看. 但見現在太多小朋友到外邊學數, 我偏沒多餘時間去給他學, 心裡常感到不安, 怕他升小追不上 .

birdbird

但見現在太多小朋友到外邊學數, 我偏沒多餘時間去給他學, 心裡常感到不安, 怕他升小追不上

坊間的數學 course 對平時在學校的試卷未必有用, 但點都可以訓練一下頭腦思維. 小朋友不參加類似的數學班, 平時在家跟你地玩遊戲, 將數學溶於生活, 小朋友的數感及羅輯都會訓練出來.

上到小學, 在校內應考係另一門學問, 考試測驗不再只是著眼識計唔識計, 而係要小朋友識睇題目, 運算要快而準, (因為都幾多題目要答). 在初小階段, 小朋友的分數高下, 好多時係建基於小唔小心, 而唔係識唔識計! 有讀書, 有操 paper 的, 分數多是9x, 幾分之差可個名次可以差好遠.

[ 本帖最後由 birdbird 於 11-2-6 22:37 編輯 ]

qoo_pooh

請問有沒有減數的遊戲介紹呀?

原帖由 Radiomama 於 11-1-26 21:55 發表
點解唔用遊戲方式呢?
我在仔仔k2時, 跟他玩math bingo, 啤牌遊戲(如釣魚, 21點), 他進步神速.  仔仔沒有讀任何數學的extra course, 但在班上(小學)是數學較佳的一組. ...

Radiomama

玩supermarket遊戲，買賣之間就要計減數囉。

原帖由 qoo_pooh 於 11-2-7 09:14 發表
請問有沒有減數的遊戲介紹呀?

aria

想請問大家.

有無圖書或更多遊戲介紹.

因為小朋友不喜歡執筆操練學習.一定要以遊戲形式..

kevinlove

加數就同小朋友順數

減數就同佢倒數