幫幫忙...分析4間幼稚園及幼兒園

petunia

幫幫忙...分析4間幼稚園及幼兒園

請問...有無人可以分析一下邊間比適合我的小朋友...

沙田啓x、合x堂、浸x會恒安、保x局馮梁結。

bb﹕女仔，0812，倔強，獨立，好勝心強，大小肌肉發展極強，極喜歡表現自己，口齒伶俐，學習時鐘意先自己尋求，最討厭人地預先講答案俾佢知，同時性急，無耐性，所以成日唔聽人講，除左玩之外就坐唔定，粗魯.....

語言環境﹕極流利的母語，做乜都會形容步驟、亦會形容自己的情感，當然...同時懂得駁咀...(唉...) 英文，集中唱歌訓練、咬字清楚，但平日唔會同佢睇英文教材碟。普通話，父母都曾考到國家認可，但唔教bb住...

搵學校，當然有d心想可以升到好的小學，但係，都要搵間學校可以適合到bb的性格，見到bb佢唔聽人講和性急的缺點，又想貪心咁想搵到一間可以了解小朋友，但同時對小朋友能夠有要求的學校。

依家，以上4間學校都取錄了(保x局k班，其他都係n班)，並交了留位費，但...始終都要作一個決定，想請問...有無家長可以分享一下，呢4間的教學重點呀、生活呀、升學呀咁？

snow228

保x局k班, 純粹因為佢係k班, 如果讀得唔好, 出年可以有多一次機會考第二d 更好幼稚園重讀K1

InitialD

Send to more demanding Kinder N class  in Kowloon Tong.

petunia

當時.....無想過九龍塘幼兒園，去左一個faXXy的 workshop之後，以為九龍塘得york一間有幼兒園，....跟住..... york出左事，就無報。

都怪自己當時無做好功課.....v_v....依家好多都停晒招生了..

w_y

除左係細女之外, 你個女咁好條件, 如果唔介意下年至讀K1, 我估大把名校願意收. 如果係我, 讀住K1, 讀得好繼續, 下年試考名校插班K2/再考K1.

CatEgg

你的小朋友好聰明,你也很明白她的特質,你們應該用了很多時間培養她
九龍塘的學校充斥著和你女兒一樣聰明的小朋友
找一間能幫她發展並讓她能改善缺點的學校才能令她更突出
我唔識你講的四所幼稚園,不過,我認為幼稚園老師必須有愛心及耐性去接納倔強及無耐性的小朋友,並引導她們改過,否則聰明可愛的小朋友都會變成小魔怪

原帖由 petunia 於 11-1-26 09:49 發表
幫幫忙...分析4間幼稚園及幼兒園

請問...有無人可以分析一下邊間比適合我的小朋友...

沙田啓x、合x堂、浸x會恒安、保x局馮梁結。

bb﹕女仔，0812，倔強，獨立，好勝心強，大小肌肉發展極強，極喜歡表現自己，口齒伶俐，學習時鐘意先 ...