幼童日讀兩校，猶如「虐待」!!

milk323

唉... 點解香港學生冇創意呢, 咪因為佢地冇時間HEA LAW. 點解佢地的時間表一定要密質質? 點解O向屋企自己玩好似係犯罪咁? 點解同工人兩個O向屋企一定係你眼望我眼冇野做? 點解小朋友唔可以冇野做? 返埋D咩"創意XXX班"係咪會有創意? 係唔會的, 因為D"老師"會GUIDE要你就住做, 創意? 哈...

希望家長可以比小朋友多D空間佢地自己

milk323

其實家長心態問題多D LAW我覺得.... 我以前O向間"全港最貴國際學校"開辦的教育中心做收生, 日日聽D家長電話, 問佢地D細路有乜COURSE啱讀. 聽左幾年, 覺得好多家長(尤其是有錢OR中產)的心態都係:
1) 覺得小朋友放假在家是浪費時間, 所以小朋友一放假佢地會安排到個小朋友朝9晚5都有COURSE上, 返足5DAY半, 同我地返工有得揮. 我呢間冇咁多COURSE就走幾場去第二間, 反正有工人帶. 就算平時返學, 星期六都要返FULL GA!
2) 覺得小朋友要有好多CERT先有學校收, 份PROFILE要做到厚一厚. 所以學過乜都好, 就算係3日貨仔標榜係玩的COURSE, 還是個細路成日唔上堂, ABSENT多過返學, 都要攞張"CERT". 老實講, 學校明知呢D CERT都係比錢買, 唔會睇. 唯一係話到比學校知家長好捨得比錢小朋友學野LAW
3) 有好多家長話自己個細路係資優, 成日"R"我地俾佢D細路讀高2級的班, 3歲人仔成日話要入5歲班. 唔比佢跳班就好似係我地害左佢個仔咁
4) 覺得俾左錢個仔/女就一定學得好, 唔諗下個細路返到O黎遊魂咁, 根本冇心上堂

我最記得有一年暑假有個仔(好似係2/3年級)返到O黎唔肯入課室, O向度喊話唔要返學. 我地D班其實已經真係玩, 講故仔做手工, 理論上都唔會有乜壓力. 我問佢點解唔入去呀, 入去同小朋友一齊玩O者, 個細路喊住同我講, 佢好辛苦, 數佢日日上晝返完我呢間3個鐘的英文CAMP,下晝又要去學游水, 聽日下晝要踢波, 後日下晝又要畫畫.... 我聽完都嚇一跳... 打去同佢爸爸講話佢個仔今日好攰唔想返, 佢爸爸話"唔駛理佢, 要返", 唔比俾返屋企, 最後個細路都係唔肯入課室, 寧願同我地班職員坐到放學.

我O個一刻決定, 我第日一定唔會迫我D仔女上COURSE. 你大人覺得係叫佢去玩, 冇理由辛苦, 但小朋友要有自己的空間和選擇, 同埋休息.

milk323

O個陣真係見到好多有錢/肯比錢家長出盡辦法谷小朋友, 有時見到D家長冇錯係花好多金錢去俾佢地報COURSE, 學好多野, 但同小朋友關係好疏離. 記得有個小朋友, 應該都係K1K2咁上下啦, 放學未有人接入O黎寫字樓等, 我同事同佢傾下計啦, 問佢"你最錫邊個呀?", 佢答完婆婆, 麻麻, 兩個工人都未數到亞爸亞媽.... 有個仔就出名唔上堂的, 每學期佢亞爸就寄張空頭支票俾我地幫佢報班, 連讀乜都係我地幫佢諗 - 但出席率1/4都冇, 佢返學O個日就一定有件新玩具等佢放學.....永遠都唔會見到佢亞爸亞媽.....

搵多多錢俾個細路學好多野, 買好多野係咪真係最好呢? 還是多D時間同小朋友相處, 比多D愛同時間佢好呢? 有D小朋友成份FORM 填 CONTACT, 得工人, 老人家同秘書, 唔會有亞爸亞媽, 睇佢住址肯定佢好有錢, 但佢有冇時間理佢D仔女? 可能大人覺得我俾好錢個細路就好愛佢, 但係我覺得你愛佢就要比時間佢, 你俾多多錢佢但每日傾得半個鍾仲要係講學業講成績, 個細路會唔會覺得你愛佢?

milk323

最近睇左本書, 本書有個標題, 大意是 - 香港的學生細細個就一大堆證書, 學兩文三語體藝十項全能--- 但就沒有一張是學做人的

試過去做招聘會, 真係有好多牛高馬大的後生仔女要亞媽陪搵工. 最離譜的, 試過有政府CONTRACT工寫明要中五五科合格, OR讀完毅進, 有個亞媽走埋O黎問佢個仔(企O向後面!)冇香港會考五科合格但外國大學畢業得唔得(即係會考死左送去外國讀O個D啦), 我地話唔得, 佢即刻發難! 話有乜理由唔得?? 話我地STUBBON又無理, 我地解釋話我地都係幫政府請人, 個REQUIREMENT係政府訂的, 佢居然話我地應該向政府反映下喎! 成個過程佢個仔企O向後面冇出過聲, 都唔知佢想問唔敢問先要亞媽幫, 定係佢冇諗住問但個亞媽爭住幫佢問. 喂個世界唔係圍住你轉GA亞姐, 你個仔唔O岩REQUIREMENT做乜係要個僱主遷就佢? 點解大學畢業都仲要亞媽陪住搵工?

我可以好肯定咁話俾大家聽, 所有僱主都唔鐘意請裙腳仔的, 俾人見到你見工都要人陪(朋友已經令僱主反感, 何況係亞媽!), 你幾高學歷都冇人覺得你可以獨立處事. 同埋而家好多僱主都好驚請到高分低能的人, 所以就算學歷冇咁高但工作經驗多的反而有優勢. 講真, 市場上有幾多工作真係需要到大學畢業?

milk323

原帖由 ccling69 於 11-2-1 13:56 發表
家長要是堅定, 因材施教,知道自己在做什麼,
無理由將責任推到其他方面.

同意! 其實我地做家長真係要堅定, 唔好講埋D "我都唔想迫佢GA, 但人做你唔做你好蝕底/ 好似好刻薄佢咁", 你明知迫佢學10樣野係唔好, 就唔好做! 你明知係好的, 唔好人地講兩句就唔做, 家陣個仔/女係你的, 身邊D塘邊鶴講乜你駛乜理?
唔好講到個社會迫你, 成個受害者咁. 你如果只係因為人言而去學人谷小朋友, 你最多荷包受損, 但對小朋友的影響卻係一生的.

milk323

唉, 連呢D都要俾錢去上堂, 又真係會有人覺得上左呢D班=俾張CERT你=識做人. 上堂俾你做下ROLE PLAY講下THEORY, 但出到現實環境點應變? 都係要自己體驗.

老老實實比小朋友自己體驗下仲實際, 不過講真, 你發唔發覺去到公園大部份細路都有個大人O向佢1呎範圍內保護, 想自己搵朋友仔玩咩, 比人地個小朋友碰到即刻拉佢走, 同邊個玩點玩大人都要插手....... 所以有D家長咪俾小朋友返COURSE"識朋友"LAW.......  

原帖由 easybring 於 11-2-7 17:17 發表
因此, 又有人開d 咩eq班/建立人際關係的課程....其實, 呢d東西真係要"人生閱歷"先可以儲到番黎, 上堂唔知吸到幾多....幾歲人仔識得係公園搵朋友仔一齊玩都好ok啦.

...

milk323

係GA, D細路仔唔駛諗自己想要乜&點逹到目的, 因為父母已經為你安排好. 好多野你未開口係父母己幫你諗定, 所以而家好多細路仔都唔知自己想點GA, 因為從來都冇機會諗. 到讀完書大學畢業, 連搵工都要亞媽幫, 你話死唔死? 俾你讀到MASTER, 你走去同D中五爭幾千蚊一個月的工(真係見過GA), 為乜?

我唔望我的仔女一定要大學畢業, 因為大家都知道好多工作都唔駛讀好多書, 但唔代表冇前途. 我只希望佢地知道自己想做乜THEN努力去做/學相關的知識, 同埋學做人.

原帖由 tsobaba 於 11-2-8 00:56 發表
做咗幾十年人，回想自己讀咗十幾二十年書，覺得讀書好似參加比賽，點樣獲勝，因為父母學識唔高，全靠自己，例如，揀 Final Year Project, 有同學會依從興趣或深淺度揀，我就揀個 project 個 project leader 係 department head，唔係唔 ...