老師評囡囡話佢未有盡力.

瑩瑩老豆

囡囡讀小三, 最近見老師取上學期成績表, 老師評囡囡話未有盡力, 下學期要再努力, 但囡囡自己話已盡了力, 我自己看其實老師是對的, 但有乜計?

qkhui

brianshe, 你講得岩.
我仔班主任都係噉講, 同我講, 仔仔要盡力o的. 我同老師講, 其實他可以取這成績, 我巳滿意.

km1357

如果樓主呀囡咁講, 我覺得應該信任佢, 不過可以諗下d方法改善下, 又或者提出比d獎勵佢如果佢下學期有進步.

fanwong29

老師評你囡囡未有盡力,真正意思應是仲有進步空間,有大把在手可考得好d,繼續努力加油!

35C9

邊個小朋友會盡力, 以佢地良好的記憶力同天賦, 盡力真係曉飛囉..

grace_xian

瑩瑩老豆:

你囡囡已經好叻, 仲要再盡力?

囡囡咁話, 係我我就信任佢, 讚多啲之後最多加一句, 再小心啲就會更好,
想當年我仔成績好的時候, 親戚朋友係咁講唔好太叻, 唔係就比人話没有進步的空間啦

我覺得都反映了人的心態, 作為父母, 當然想仔囡更好, 但是退一步想, 如果她是成績較差的同學, 如果考試只比以前多五分, 父母都會欣喜萬分
SO 不要介意老師的話, 正面鼓勵囡囡是最好的方法

恩林

老師咁講都好吖~
如果佢個評語係 " 冇得救" , 你就喊喇~~!
wakakakaka
講笑~講笑~

瑩瑩老豆

唔係話唔信囡囡, 但佢平日做功課真係是是但但, 仲不時做漏, 又唔多温習.

原帖由 km1357 於 11-1-21 15:15 發表
如果樓主呀囡咁講, 我覺得應該信任佢, 不過可以諗下d方法改善下, 又或者提出比d獎勵佢如果佢下學期有進步.

瑩瑩老豆

咁都有讚佢/鼓勵佢, 但同時也要她知道可以做好D 改下D學習態度, 特別係平日做功課, 好多佢唔係唔識, 但係會"是但"做.

原帖由 grace_xian 於 11-1-21 16:44 發表
瑩瑩老豆:

你囡囡已經好叻, 仲要再盡力?

囡囡咁話, 係我我就信任佢, 讚多啲之後最多加一句, 再小心啲就會更好,
想當年我仔成績好的時候, 親戚朋友係咁講唔好太叻, 唔係就比人話没有進步的空間啦

我覺得都反映了人 ...

[ 本帖最後由 瑩瑩老豆 於 11-1-21 18:14 編輯 ]

lauerica

咁咪證明老師唔係隨口嗡，你囡囡的確係有改善空間，
還記得你個女成績應該係好好，但升高一年級，課程相對比較深，所以都不能鬆懈，有時間多的陪下個女溫習，相信成績會有改善，努力啦。

瑩瑩老豆

其實反而想讓個女自學, 不用下下陪著她才會溫習, 功課已經唔會改佢對錯, 最多只會看看有冇做漏.

原帖由 lauerica 於 11-1-21 23:27 發表
咁咪證明老師唔係隨口嗡，你囡囡的確係有改善空間，
還記得你個女成績應該係好好，但升高一年級，課程相對比較深，所以都不能鬆懈，有時間多的陪下個女溫習，相信成績會有改善，努力啦。 ...

lillymarie

原帖由 瑩瑩老豆 於 11-1-22 12:23 發表
其實反而想讓個女自學, 不用下下陪著她才會溫習, 功課已經唔會改佢對錯, 最多只會看看有冇做漏.

"盡力"這詞其實很主觀和抽象.
最好把它量化.
例如每天每科溫習多久?
做功課的目標是沒有改正?
數學功課沒改正, 測考95分以上?

放手前要先確保孩子懂得怎樣溫習. 我大囝以前自己溫默書, 我給他MP3, 自己錄音, 然後自己邊聽邊默.

其它科目亦有個別溫習的方法, 若不先教孩子, 他只會讀一遍, 就以為自己溫習了, 盡了力.

我自己覺得其實亦不能完全放手, 因為他們還未掌握溫習的重點. 所以還是得花幾年的時間, 教他們怎樣去溫習. 那麼到中學時, 他們就懂得怎樣去讀書. 其實到那年紀, 他們亦不再要父母在身邊陪讀了.

另外, 若放手讓孩子自己溫習, 成績起初會比有家長陪差些少的. 是一個過程.

lauerica

其實每人教女都有自已一套，例如你唔想教，希望佢可以自學，亦有一些家長鐘意督促住佢學，各師各法冇話對錯，但方法用耐左而達唔到目標，係時候轉變下亦冇壞。

瑩瑩老豆

小一二就係促住佢學, 睇佢功課, 同佢測考温習, 基本上都OK. 所以到小三想開始放手比佢自己學, 咁當然唔會完全唔理.

原帖由 lauerica 於 11-1-22 17:36 發表
其實每人教女都有自已一套，例如你唔想教，希望佢可以自學，亦有一些家長鐘意督促住佢學，各師各法冇話對錯，但方法用耐左而達唔到目標，係時候轉變下亦冇壞。 ...

lauerica

咁可能唔應該太早放手，可能小三未識得咁自律。

wwyee

原帖由 瑩瑩老豆 於 11-1-21 13:54 發表
囡囡讀小三, 最近見老師取上學期成績表, 老師評囡囡話未有盡力, 下學期要再努力, 但囡囡自己話已盡了力, 我自己看其實老師是對的, 但有乜計?

Hi!我果班老師都有咁講，又話佢唔應該係呢班，理應係果班，不過成績表上評語都好，有讚下。
小三先係轉折點， 一下字比小一二深，我女女都係小三開始差架。

瑩瑩老豆

呢班/果班即係點?

原帖由 wwyee 於 11-1-24 10:33 發表


Hi!我果班老師都有咁講，又話佢唔應該係呢班，理應係果班，不過成績表上評語都好，有讚下。
小三先係轉折點， 一下字比小一二深，我女女都係小三開始差架。 ...

bbJP

原帖由 brianshe 於 11-1-21 14:11 發表
個個老師都會話: 你小朋友應該可以做好D, 努力D成績會更好!
直情係老師口頭禪, 唔通一見到家長話: 你小朋友已經盡哂喇! OR 你小朋友已經盡哂力, 不過成績反應資質.

唔係咁講, 家長又點會更督促自己小朋友呢?! 又會 ...

100% agree!!!
"There is still room for improvement"---always true,放諸四海皆準bor!!
係我就答:哎!我見佢日讀夜讀,好努力,但係都未係最好....老師你有什麼意見比我?睇下佢點答.
不過對阿囡,就要站返老師果邊:既然你已盡力,可能係方法.....etc的問題,咁不如.......

wwyee

呢班(B班)/果班(A班)