有無人可以幫幫我=_=

靚女

我大仔就黎夠8歲,
1) 思想好理性(無乜憐憫心果隻), 成熟(想野唔似一個8歲小朋友, 諗野轉數都算快, 有時大人係唔夠佢講.
2) 性格自我(亦很自私樣樣野自己行先只會顧自己, 有兩粒糖會自己食晒, 都唔會比粒細佬....).

近來這兩個月發覺佢成日遊雲, 無心向學, 讀書唔專注同佢講野好似發緊夢, 我們成日同佢傾有時仲會鬧佢.

最後我地知道佢應該係有以下兩個原因
1)因為發覺佢太沉迷睇電視&打機(之前佢每日放學後返完補習班我們會比佢睇一小時, 但因為佢唔識自律, 往往睇到收唔到, 而我地又要返工控制唔到佢, 所以近排我們已經lot機唔比再睇), 噚晚再同佢傾, 佢話就算我補完習返到屋企都唔會有得睇所以係補習班無乜推動力快快做完功課返屋企.

2) 暗戀一個女同學, 成日掛住佢有時連上堂/睡覺都會, 我係因為睇佢功課時見佢寫左個女仔名問佢佢話我知, 當時我無鬧佢因為我覺得小朋友有時鐘意呢個鐘意果個都係好正常 (不過佢就好似早左少少), 所以我亦明白無得阻止佢, 只係解釋比佢知咁細個係唔可以拍拖同無結果.

而家我覺得呢兩樣野好影響佢既學習同成績, 我諗睇電視呢樣野好似比較容易解決, 但暗戀女同學我真係唔知點幫佢或阻止佢.