阿仔係咪自閉...點幫佢好?

oursondaughter

阿仔由幼稚園到依家升小一都有老師話佢唔肯埋堆同小朋友玩, 又少出聲, 老師療佢先好細聲回應, 冇乜點同人交流, 佢話比我聽都鍾意返學, 我問佢有冇同同學仔玩, 佢話咗幾個好朋友名字我聽, 我聽左好開心, 但家長日見老師話阿仔好enjoy自己玩或者在學校放小息時一個人在喺操場跑來跑去, 完全冇埋去同同學仔玩, 之後我再問阿仔同D同學仔玩咩多, 佢就話有問D女同學可唔可以侵埋佢玩時, D女同學就話唔侵男仔玩喎, 我聽後好難受, 不過我都扮到不意為意同佢講: 咁你可以揾D男同學或者有男有女一齊玩囉!  佢又話好多同學仔都會帶零食一齊食, 佢試過請同學仔食水果但遭拒絕(我不會比佢帶零食回校), 我諗係咪呢D原因呢?  但平時佢去公園又或者喺補習班都係唔採人, 只係同阿妹同鄰居小朋友玩, 我真係好擔心佢將來唔識同人交際, 有冇計?  唔該比D意見我應該點幫佢??

35C9

自閉, 唔係指小朋友自己玩,唔彩人, 自閉係腦細胞發育不健全, 在讀書能力上不如正常小朋友.
我覺得你仔仔如果係有問題, 最多都係 " 社交焦慮症" , 同自閉無關.

GQ

我聽我朋友講他囝囝用了另類療法的順勢療法醫治, 起初要經歷幾次發燒而不用西藥處理, 幾個月後, 真的有進展了....

有需要時, 請pm 我再問我朋友 details 吧 ^^

wbmom

如果佢有同阿妹和鄰居小朋友玩, 又相處ok，我覺得佢問題唔大，同學方面，女仔唔受男仔玩都係好正常。

如果你想improve佢和同學的關係，帶零食番去share都有幫助，如果你怕唔健康，可帶紫菜，果仁等，水果又真係應該冇人吼的。你亦可以幫佢參加多些學校的課外活動，例如足球，乒乓，etc，令外，你要識多些家長，幫佢攪play dates，例如約埋一起睇戲，踢足球，約去同學或自己屋企玩，或者幫阿仔攪生日會。

kikiboy

原帖由 35C9 於 11-1-2 17:32 發表
自閉, 唔係指小朋友自己玩,唔彩人, 自閉係腦細胞發育不健全, 在讀書能力上不如正常小朋友.
我覺得你仔仔如果係有問題, 最多都係 " 社交焦慮症" , 同自閉無關. ...

讀書能力唔一定有問題, 有d人讀書仲好叻添.
係溝通能力, 社交能力比一般小朋友差.

Charlotte_mom

如果覺得佢社交能力較弱(姑且唔講咩障礙咩症先啦, 太早了), 可以幫佢報一D社交EQ課程, 例如呢D非牟利都係幾十蚊堂, 可以試下:
http://hke.bgca.org.hk/0785/fullpage.aspx?l=C&id=731 (今期差唔多完要等下期)
http://www.poleungkuk.org.hk/images/stories/userfile/108/test1/Family_/fcs_programme_20111-3.pdf (岩岩收緊生)
多數報讀呢D課程既小朋友, 都係社交或者情緒控制較弱, 導師會因應小朋友本質, 上課時提醒佢地注意事項, 亦會落堂後同家長傾下, 等家長了解返小朋友情況, 睇睇有無特別需要加強某方面訓練, 或者可能真係有D障礙要搵專家跟進
去上一個COURSE, 好過自己估估下, 亦唔駛一下子JUMP到幾千蚊做評估
可能最終結果只係小朋友慢熱姐, 唔好太擔心喇

KiddyPrince

thanks..any kowloon side group course you can advise?

flamenco

原帖由 oursondaughter 於 11-1-2 02:20 發表
阿仔由幼稚園到依家升小一都有老師話佢唔肯埋堆同小朋友玩, 又少出聲, 老師療佢先好細聲回應, 冇乜點同人交流, 佢話比我聽都鍾意返學, 我問佢有冇同同學仔玩, 佢話咗幾個好朋友名字我聽, 我聽左好開心, 但家長日見老 ...

如果真係擔心, 應該帶小朋友去做評估, check 清楚係咩原因.
如果真係有需要, 可以及早作出合適的訓練.

我的小朋友讀幼稚園時都有類似情況.
後來叫校長寫信去健康院, 再轉介去 cac (兒童體能智力測驗中心) 做評估.
去 cac 做, 好處係便宜(兩次合共$160), 但唔好處係要等大半年.
亦可以去一些私人機構(如協康會)做評估 (好似要幾千元)

Charlotte_mom

我都即時唸到健康院轉介CAC, 但小學生就無得用呢招了
私家又下下千千聲 所以叫樓主睇定d先


樓主
唔好意思, 我又無特別留意九龍區, 或者你可以打去以上機構(仲有協康)問下有無d九龍區社交小組適合你小朋友?

flamenco

原帖由 Charlotte_mom 於 11-1-3 13:21 發表
我都即時唸到健康院轉介CAC, 但小學生就無得用呢招了
私家又下下千千聲 所以叫樓主睇定d先


樓主
唔好意思, 我又無特別留意九龍區, 或者你可以打去以上機構(仲有協康)問下有無d九龍區社交小組適 ...

小學生可唔可以用呢招我唔清楚.
我的小朋友當時(K3下學期)已經滿六歲, 健康院都仲受理.

樓主可以打電話去屋企附近的健康院問下.

oursondaughter

好多謝你地既意見, 對我來講係一種鼓舞, 因為阿仔呢種行為已令我心煩左幾年, 我真係唔想再咁落去, 真係好想佢活得開心健康。佢由細開始, 我都一路比佢去參加課外活動, 想佢接觸多D小朋友, 但係佢都係鍾意自己一個人玩又或者拉住我/妹妹同佢玩, 佢喺屋企就好多嘢講, 就係唔肯接觸外人什至公公婆婆等親人, 唔肯同人打招呼, 我又唔想因為咁而鬧佢怕有反效果, 只係同佢講吓, 喺佢面前做好榜樣。我都有諗過同佢D同學仔家長熟絡D, 攪吓gathering, 但我又要返工又要跟佢D功課, 實在冇乜時間結識D家長, 所以真係好羨慕D全職媽咪, 請問用咩途徑去結識D家長呢?

至於評估方面, 我會明天打電話去問問......many thanks!!

bbfish1992

小童群益會有EQ班、社交班，有個別情況有社工跟進

shadowrainbow

我個仔剛入小一時都試過，佢話佢recess time 冇人同佢玩，孤今令一個.
我一聽到呢句，個心好酸.

咪叫佢自己行埋的小朋友度玩囉，點知個仔話 " 我行埋去，佢地趕我走! "

聽埋呢一句，我仲憂心。
在 第一次見家長時, 我問老師個仔的表現，係咪仔仔唔乖, 老師話唔係喎！

於是，我就在日常不經意咁同個仔講，" 你 要 同 人 和善 的 ， 整 潔一的 ， 比的 勇 氣 一 齊玩下....."


過左一個星期，我再問有冇人同佢玩, 佢話有幾個啦。

昨夜我又隨口問，有冇人同佢玩，佢好開心咁話 "  有呀 ， 有 成半班同學同我玩呀!"

我個心定左好多啦!

樓主，我理解妳心情，但有時社交同朋友，係隨緣而已。 但如果妳好擔心，可以帶小朋友見下的專業人士。可能佢地會比到多的意見妳架。

oursondaughter

好多謝您地意見, 或者我喺呢方面真係做得唔夠好, 一尾擔心又唔諗過點處理問題, 其實喺阿仔4歲時有帶過佢去過健康院見過醫生, 醫生話佢冇問題只係比較慢熱唔需要點跟進, 所以我就比佢參加多D活動以為佢有改善, 但到依家6歲升小一老師話佢有咁情況又開始憂心......

我會再帶佢做多次評估問問意見, thank you

Charlotte_mom

睇一次醫生, 未必睇得出D 咩(你估普通去睇個兒科2,3百蚊就知咩事??!!)
要做個關於小朋友發展既assessment(我仔過度活躍, 如果睇私家, 問過間間都要先見醫生--唔係普通兒科係精神科, 預$4000-7000wor)要對住小朋友幾個鐘, 所費不菲, 當然有必要都要做, 但當然我會先建議你一d平d既方法, 例如上面講既訓練課程, 等佢可以有機會接觸下專業人事, 先拎初步意見
學校老師日日對住小朋友, 如果佢有邊方面不足, 理應最清楚(尢其是社交方面, 要o係多小朋友既環境至睇到), 所以你可以約見老師+學校社工(時間係要你去就架喇), 同老師傾下睇下小朋友o係學校學校情況點樣, 家庭方面有咩可以配合, 家長亦可以試下同老師/社工work out一d方法幫助小朋友踏出第一步
作為working mom, 如果你想識多d家長, 一係親自送返學, 一係請假去參加多d學校活動(呢d時間預左要犧牲), 小朋友而家至小一, 唔駛心急覺得自己唔識家長, 慢慢黎
集思廣益, 希望你覺得有用~! 聽多d建議會幫你唸辦法解決問題, 好過自己鑽牛角尖, 加油!

原帖由 oursondaughter 於 11-1-7 12:26 AM 發表
好多謝您地意見, 或者我喺呢方面真係做得唔夠好, 一尾擔心又唔諗過點處理問題, 其實喺阿仔4歲時有帶過佢去過健康院見過醫生, 醫生話佢冇問題只係比較慢熱唔需要點跟進, 所以我就比佢參加多D活動以為佢有改善, 但到依 ...

[ 本帖最後由 Charlotte_mom 於 11-1-7 18:02 編輯 ]

oursondaughter

真係唔該哂您!

原帖由 Charlotte_mom 於 11-1-7 17:58 發表
睇一次醫生, 未必睇得出D 咩(你估普通去睇個兒科2,3百蚊就知咩事??!!)
要做個關於小朋友發展既assessment(我仔過度活躍, 如果睇私家, 問過間間都要先見醫生--唔係普通兒科係精神科, 預$4000-7000wor)要對住小朋友幾 ...