好煩惱, 囡囡上了中一, 更加沒有記性思維好亂..點好?

apoaaa

各位家長, 囡囡小學時都系很心散, 現在上了中一, 佢更沒有記性, 就算好專心去做一樣野, 但系思維都系好亂, 我幫得都幫左佢, 如我時時叫佢, 老師比你做的野, 就算老師沒有寫在家課柵時, 你自已都可以寫下來提醒自已, 但.. 佢不寫下, 說佢要用腦記, 但 一回到家, 便忘了, 交不到比老師, 比老師罰抄... , 仲有, 我已用了一張好大的A3紙畫了個大月曆出來, 叫佢一回家, 便先"上榜" , 把要默, 要交, 要帶的野寫在大月曆上, 佢時時忘記寫, 到我提佢, 佢寫左又沒有去看... 結果又系比人罰.
我以為佢開學到現在, 衰過甘多次, 會在錯誤中得取教訓, 會改, 會醒目, 但吾系.. 佢都系一樣重錯, 攪到我.......控制吾到自已, 駡佢, 甚至打佢, 我事後心好痛, 但當佢又出錯時, 我又好嬲...    攪到我地的關系不好....
我去看過d咩記憶法, 吾知可吾可以幫到佢 ?
家長們, 請問你們知吾知點才可以幫到我囡 ? 我老公叫我吾好理佢, 說比佢自已管理反佢的學業, 如我出手, 一定晚晚都要吵架.

RSG媽媽

大個女啦
打同鬧唔WORK啦
阿女有無熟既同學仔
你不如提議佢同D同學仔交換電話
可以問功課 同互相提醒有D咩功課要交

ppun

原帖由 apoaaa 於 10-12-29 12:28 發表
各位家長, 囡囡小學時都系很心散, 現在上了中一, 佢更沒有記性, 就算好專心去做一樣野, 但系思維都系好亂, 我幫得都幫左佢, 如我時時叫佢, 老師比你做的野, 就算老師沒有寫在家課柵時, 你自已都可以寫下來提醒自已,  ...

每個人的思維方式與學習傾向是不同的, 一個方式在甲可行,但應用到乙身上,可能得出反效果.

你還是讓她管理自己吧.

apoaaa

佢有十多個同學電話... , 佢都有問人, 但有時問左, 才發現佢又"奶" 野, 又做溜左野... 甘我便問佢 " 點解人地知, 你吾知既  ? 佢有返學, 你都有丫, 佢同你一起坐, 為何佢咩都知 而你吾知 ?????"

有時, 我都好討厭我自已, 時時發火駡佢, 但我又真系好嬲, 因為事實太多次啦..., 一次又一次....


我老公都說, 你吾好理佢啦, 你由佢管理佢自已的功課啦. 得吾得都好, 佢自已也要付責...

但我真系看不過眼, 吾通明知佢錯, 都吾提佢咩? 但自已一出聲, 便發火,....

我真系好想找一些 course 比佢去讀, 但又吾知咩岩佢, 有冇口啤

ppun

原帖由 apoaaa 於 10-12-29 15:10 發表
佢有十多個同學電話... , 佢都有問人, 但有時問左, 才發現佢又"奶" 野, 又做溜左野... 甘我便問佢 " 點解人地知, 你吾知既  ? 佢有返學, 你都有丫, 佢同你一起坐, 為何佢咩都知 而你吾知 ?????"

有時, 我都好討厭我 ...

不如你回想一下你諗中一的時候, 你希望你的父母怎樣對你? 你討厭他們怎樣對你?
嘗試一下指導方式, 可能有意外收獲.

註: 改變後的效果很可能會滯後反映.

oscarmama

你點解口口聲聲話憎自己，又話知道自己吾好再出聲，但係又係都要揾個course俾個女去讀，而吾係揾俾自己讀呢？放吾低嗰個好似係你播，佢俾人罰佢自己受，你提供咗意見俾佢，但佢又吾接受，你激氣，佢無你咁好氣。佢响F.1俾人罰到怕，罰到知衰，到時佢咪知錯，佢而家反叛期，你越理佢，佢咪越吾聽你支笛，雖則佢吓吓俾人罰你吾好受，但襯佢細俾佢自己踫釘囉，如果你而家夾硬黎，到佢大d更加同你反目成仇咪仲衰..........而家用d溫和d嘅方式同佢打好關係仲好啦..........小朋友有時要等佢開"hill"嫁。

原帖由 apoaaa 於 10-12-29 15:10 發表
佢有十多個同學電話... , 佢都有問人, 但有時問左, 才發現佢又"奶" 野, 又做溜左野... 甘我便問佢 " 點解人地知, 你吾知既  ? 佢有返學, 你都有丫, 佢同你一起坐, 為何佢咩都知 而你吾知 ?????"

有時, 我都好討厭我 ...

小孩子的天空

我亞仔都係咁(家下都係F.1)，可是我個人認為這不是有沒有記性的問題，而是天生"沒有條理"。

有些人比較有條理，便會是做秘書的好才料;有些人心思細密，便會是做醫生的好才料;有些人有三寸不爛之舌，便是做律師的好才料......首先我們要明白到這是他/她們的一個特質，怪他/她是沒有用的。(我也花了十一年的時間才明白)

在社會上不少孩子被証實有:ADD、ADHD、自閉....等名，而他們這個問題未有專家冠上"美名"，並不代表這不是問題，只是未被社會關注。

在小六下學期，我明白到這問題後，我便用了一些方法跟他溝通:

1. 首先，跟他說他的優點是什麼，然後說出他的缺點，而每個人都有不同的優點和缺點，只要看清問題所在，一點點的改善，問題便可解決，並請他容許我幫他。

2. 用友善的語氣提點他:記得寫手冊....檢查清楚有沒有功課留在學校....當然，你一定知道他好不了一兩天，又會故態復萌，仍會"甩甩漏漏"。可是只有十項東西，有二三項他是做到的，你便到誇他做得好...有進步等(唉!好多時我都覺得自己好假)多用正面的言詞!

3. 因他們現在是中學，功課不像小學，功課一定是明天交的。所以他一放學回家便請他看看今天的上課TIME TABLE，請他回憶一下今天的課堂有沒有家課、黙書，那項是明天交，那項是有指定日子交。然後用"MEMO"紙寫好，一張張貼在書柜上，功課完成後便請他把MENO紙掉去，這樣一目了然比只看家課冊管用得多。(大月曆我有試過，同你一樣係唔WORK)

4.很多時還是要厚著臉皮去問同學仔，切記千萬不要動氣!(我明白好難，所以叫老公看見我一有唔妥，就過來提我。哈!有時連佢都比我罵!)他們正真青春期，打罵只會賠上親子關係。(我不是跟你說教，我相信我做的比你更狠更可怕)

5. [千萬不要唔理佢]，他們是不會開竅!!!!而你亦不要以妄想他會變得和我們一樣有條理。他們由如先天殘障，你要這樣的孩子去跑一百米?我相信花一生的精力也枉然。可是，如我只想教他能用另扙走路，這便是一項可能完成的任務了。

RSG媽媽

我覺得係時候放手
由佢自己摸索應該點做
你就唔好聽唔好睇唔好理
唔好見到有咩唔妥就出聲
行開冷靜下先 深呼吸
平靜左先提供你既"意見"

apoaaa

小孩子的天空 ,

你好, 聽你一席話, 好像也打開了多年的心結, 也感自已很慚愧和內疚... 為何一個大人, 甘樣都想不明白, 我也曾為小孩, 我也不是一天便已長成大人, 為何我不明白小朋友的心思和特性, 好多謝你.. 真的, 我會試你的方法, 也不要強求她一下子便會改好, 因為... 自已也沒有把握一下子便會改好我對她的態度和做得完美 , 自已都要比時間去用一個新的手法來同她相處, 相對地... 也要比時間她去改變. 你知嗎 ? 我往往都是當我改了語氣同她說話幾天, 但我見她沒有改變, 我便很嬲, 發哂皮氣,,, 現在想起.. 是我自已對她要求太高.

我昨晚已開始沒有插手她的功課, 只是同她說 : 如你不明, 你便問我們吧! " 她很輕鬆地說 " 好呀"

apoaaa

原帖由 RSG媽媽 於 10-12-30 03:01 發表
我覺得係時候放手
由佢自己摸索應該點做
你就唔好聽唔好睇唔好理
唔好見到有咩唔妥就出聲
行開冷靜下先 深呼吸
平靜左先提供你既"意見"

你說得對, 咩事好都, 最緊要泠靜...
當我的皮氣好了, 自然她也會沒有甘炆憎..
多謝你.

KWT

原帖由 apoaaa 於 10-12-29 12:28 發表
各位家長, 囡囡小學時都系很心散, 現在上了中一, 佢更沒有記性, 就算好專心去做一樣野, 但系思維都系好亂, 我幫得都幫左佢, 如我時時叫佢, 老師比你做的野, 就算老師沒有寫在家課柵時, 你自已都可以寫下來提醒自已,  ...

我仔仔都是這樣,你並不孤獨.

gabriela0407

我2個都係咁, 大的中一, 小的P.5, 我會想, 都中一了, 比佢自己攪, 自己想, 我都唔跟到, 最多提開小的做功課/溫習就順便提提佢. 我知自己精神唔多好, 係有問題出現, 再不放鬆怕似TV入面的主角.

Joe媽媽

原帖由 apoaaa 於 10-12-30 11:27 發表
小孩子的天空 ,

你好, 聽你一席話, 好像也打開了多年的心結, 也感自已很慚愧和內疚... 為何一個大人, 甘樣都想不明白, 我也曾為小孩, 我也不是一天便已長成大人, 為何我不明白小朋友的心思和特性, 好多謝你.. 真的, ...

看到此  topic, 我以為是我開的, 內容跟我的問題exactly 一模一樣, 只是我個係仔, 約了社工跟他傾下, 仍未有答案. 他自己愛理不理, 軟皮蛇. 漏做功課留堂, 無問題, 扣分無問題, 老師印象唔好扣操行分亦唔緊要...
跟老師/ 主任/ 社工全傾過了, 大家認為我之教法已很合適. 真的要屋企要有小朋友係有此問題, 才會明白的, 否則, 講唔明的. 我都認為問題已是病態, 要安排看一下兒童心理醫生提供一下專業意見. 等緊社工介紹醫生...