剛１歲證實發展遲緩（6歲放棄主流，入讀體障）

methy

原帖由 木子兔媽媽 於 11-6-1 00:18 發表
上來打個招呼. 阿仔進展不錯呀, 加油! 希望佢水痘快點康復! 小朋友的天賦每人不同, 若然說因為他們有發揮空間, 所以他們只靠訓練便能做任何事, 那只會害了自己和小朋友. 正如李+X的家底同我家底不同, 佢可以日日食鮑 ...

阿仔出水痘已經有一星期喇,等結焦中，無得同佢去街(更加無得上治療)，佢已經悶到吽哂。不過阿仔好精神,keep住自己係床"練"抓床欄起身，真係工多藝熟，識得用多左腳部既肌肉。

上左社會保障部辦理埋傷殘津貼既手續，醫生寫阿仔100%傷殘。其實阿仔未至於咁嚴重，醫生都幾手鬆(shh..細聲講)，批左最低金額.有效期兩年。個金額可以去1.5次既私人物理治療。

木子兔媽媽

原帖由 methy 於 11-6-2 16:36 發表


阿仔出水痘已經有一星期喇,等結焦中，無得同佢去街(更加無得上治療)，佢已經悶到吽哂。不過阿仔好精神,keep住自己係床"練"抓床欄起身，真係工多藝熟，識得用多左腳部既肌肉。

上左社會保障部辦理埋傷殘津貼既手續，醫生寫阿 ...

阿仔繼續努力呀!
其實傷殘金只是正常額和高額2種. 要合資格攞傷殘金, 醫生認為他/她的謀生能力因為他/她的殘疾而完全不能(即是100%缺乏謀生能力). 因為殘疾有機會康復, 所以要定期覆檢. 高額是給嚴重個案如全護理個案, 所以, 阿仔的醫生評估不是手鬆, 是合理的.

methy

原帖由 木子兔媽媽 於 11-6-5 09:57 發表


阿仔繼續努力呀!
其實傷殘金只是正常額和高額2種. 要合資格攞傷殘金, 醫生認為他/她的謀生能力因為他/她的殘疾而完全不能(即是100%缺乏謀生能力). 因為殘疾有機會康復, 所以要定期覆檢. 高額是給嚴重個案如全護理 ...

咁我都拎得安樂d，有兒科醫生話佢唔會批比我阿仔，佢話呢個年紀就係需要父母照顧,唔需要"搵食"，而且年紀細，康復能力相比大人,強好多。佢話個醫生好手鬆& 佢覺得我唔應該拎呢d津貼 。

kokoalex

你地好,我第一次入e個板,多多指教!
我仔仔e+1歲,岩岩伻估左佢有發展遲緩(佢係因為性染色體出左問題而引起)。
前日返CAC見醫生,職業治療c,物理治療c...心情真係跌落谷底,我冇諗過要排特殊幼兒中心(=s位?我唔識),請問一下各位,點先可以排幼兒中心混合位呢?thxthx!

methy

出完水痘,等d焦自己甩,阿仔既胃口回復正常，又開始返醫院&協康既物理治療、上游水堂。

近日見阿仔個頭又好似細d既時候咁,明顯側埋一邊，治療師話: delay仔好多時都有呢個問題,檢查過可以轉左轉右,可能係習慣使然;另一個可能性可能係左右眼既視力問題,不過要到大d做檢查先知。

阿仔最開心既活動係,扶sofa行&跟隨音樂扭動身體。仍然最僧我將佢整成4點跪,都係肚貼地爬。爬爬下變瞓,教極都係唔識由瞓坐起身

小羅羅

我仔仔都係發展遲緩，佢又係好憎4點跪，我襯佢最鍾意睇嘅廣告時間做4點跪是可行架。另外我想問水療班是怎樣同小朋友做架？

ivychan1999

hihi kokoalex:
我個女9個月大,都係發展遲緩,我哋係社工帮手排e位嘅.
另外想請問你係點知仔仔係性染色體出咗問題呢?因為我個女驗咗血.尿..照埋mri都唔知咩事,排咗政府遺傳科,但要出年先有...我都好想知原因,但医生話有50%係塭唔到原因嘅....

kokoalex

hihi ivychan1999:
其實我仔仔一出世個樣同其他bb有少少唔同(但又唔係唐氏)+有其實問題,兒科醫生一路keep住3個月睇佢一次(係qmh),但都冇諗過同佢check d咩野,+上之前細個時未算好遲緩,只係好"責"界,所以一路只係keep住返去睇進度。直至我前個幾2個月check到有第2胎(今次轉左係qeh生),我同返qeh個醫生講我大仔既情況,qeh個醫生叫我要求qmh個醫生幫我驗血check。qeh個婦產科仲好好,俾左個快期我仔見qeh既遺傳科,其實當時遺傳科個醫生都話好大可能有9成係搵唔到咩原來令仔仔吟。都唔知叫好彩定唔好彩(總算知咩病知咩原因)....最後check到出黎就係知道左係其中有條染色體出左錯...

methy

原帖由 小羅羅 於 11-6-14 23:39 發表
我仔仔都係發展遲緩，佢又係好憎4點跪，我襯佢最鍾意睇嘅廣告時間做4點跪是可行架。另外我想問水療班是怎樣同小朋友做架？

我用哂所有方法都整唔到阿仔四點跪，政府醫院PT話佢做到就自然會做到。
我阿仔唔係上水療班呀，係我自己同佢3月時走去報私人攪既 bb親子游泳班(之前post已講過邊間)。
游水班玩既野:
1)抱住阿仔上下上下浸佢落水(唔過頭)由一邊去另邊池
2)一人一塊大浮版,將阿仔趴係上面,捉住阿仔雙腳,一路行去另一邊池,一路幫佢上下踢水
3)阿仔繼續趴係浮版上，扶住阿仔條腰,叫佢自己踢水,"游"去另一邊池
3)一手扶阿仔左臂,另一手捉右手抓水,換手重複
4)老師係池中間放又大又厚浮版.個個b坐上水,之後教佢地
  "jump"落水,其實係家長抱佢地落水
5)叫1.2.3 &阿仔個名,向佢面部吹一口氣，之後按佢個頭落水,學閉氣
6)導師拎個大呼拉圈,家長輪洗扶住.導師&家長面對著.導師將阿仔由佢嗰邊,將阿仔頭按落水.pass過黎比我
7)一人一條好似"noodle"咁既膠條，比阿仔好似騎馬咁坐係上面，由一邊池騎去另一邊池
8)阿仔面部向上.瞓係我shoulder,比塊鏡佢自己拎住，學整個人浮水。我一邊唱歌, 一邊拉佢去另一邊池
9)扶佢上身.叫佢自己抓水&踢腳，"游"去另一邊池

上左1x堂,,阿仔好鐘意,亦令佢全身肌肉運動。

[ 本帖最後由 methy 於 11-6-17 14:18 編輯 ]

小羅羅

多謝你詳細解釋，大家一齊努力呀！可以add你嗎？

kokoalex

我想問下認知發展遲緩有冇得搞?如大肌肉差可以去做物理治療..

methy

原帖由 kokoalex 於 11-6-30 11:43 發表
我想問下認知發展遲緩有冇得搞?如大肌肉差可以去做物理治療..

我阿仔係整體發展慢,即係樣樣都慢，但同一時間好難樣樣都處理,以我仔最迫切要攪既係大肌肉，所以我focus 呢樣既先,佢識企&行,再跑,自然周圍探索,刺激認知。

暫時我train 阿仔既認知都係大路既野:
1)日日同佢睇書,認識自己身體,形狀,顏色等
2)不同種類既認知玩具
2)周圍去,周圍指野比佢睇
3)玩認知遊戲(網上好易search到)

我想同阿仔參加playgroup,不過試過幾個都唔太arm,因為同齡既都識行,阿仔太多野玩唔到，佢見到人識行,自己連企都未得，唔開心。

唔知其他mama有無其他建議呢?

小羅羅

我都試過吾同地方既playgroup,但真係跟吾到。而家我剛剛改為參加個別輔導，由幼兒導師教，我覺得佢會開心d。

methy

歲半同阿仔參加左個言語活動。
有30分鐘既言語治療師評估,阿仔暫時有意識講: daddy,ma,波波,奶,打打(面包)、其他既野一概以”大叫”+”手指指”黎要求。結果預我所料,同大肌肉一樣- 慢半年。

不過學左點教阿仔講野。例如教講一個單字既同時,例如杯,要將隻杯放近我塊面.一邊指.一邊用誇張既口型.等佢易d 模仿 &理解聲音與物件既關係。唔講句子,講單字,,例如..一路做動作,一路講:比…擺….食….

治療師有方法令阿仔講好多野,,而唔係大叫&手指指。之後上playgroup, 佢一ｄ都唔怕生保．令個導師成日走佢身邊,又同隔離小朋友交換玩具..好攪笑。個playgroup 係音樂+運動。

音樂既一節大家坐定定,,同導師&其他小朋友交換樂器．唔使郁。之後運動既一節,阿仔唔識行&走,要佢爬類似”水喉通”既tunnel, 佢真係用9牛2虎之力先爬到入去,之後好驚咁要我地幫先出到黎,之後玩放波波落d box到,再玩腳踏唔同質感既墊,最後餵紙板公仔食生果。

雖然全程要扶阿仔玩. 同樣好似物理治療運動咁.用好多肌肉力量，好辛苦，但佢好開心,無喊過。

我地諗緊如果阿仔開始咁抗拒上物理治療運動，反而playgroup既環境仲刺激到佢郁，可能上呢ｄ咁好！？

kokoalex

thx!你的資料很有用!!

原帖由 methy 於 11-6-30 13:26 發表


我阿仔係整體發展慢,即係樣樣都慢，但同一時間好難樣樣都處理,以我仔最迫切要攪既係大肌肉，所以我focus 呢樣既先,佢識企&行,再跑,自然周圍探索,刺激認知。

暫時我train 阿仔既認知都係大路既野:
1)日日同佢睇書,認識 ...

kokoalex

請問你係邊度參加言語活動?THX!

原帖由 methy 於 11-7-5 17:25 發表
歲半同阿仔參加左個言語活動。
有30分鐘既言語治療師評估,阿仔暫時有意識講: daddy,ma,波波,奶,打打(面包)、其他既野一概以”大叫”+”手指指”黎要求。結果預我所料,同大肌肉一樣- 慢半年。

不過學左點教阿仔講野 ...

波蘿包1

playgroup 係咪上一個月以上?
幾多錢一堂 我都想比阿仔試下

methy

原帖由 波蘿包1 於 11-7-9 22:05 發表
playgroup 係咪上一個月以上?
幾多錢一堂 我都想比阿仔試下

我只係參加左個"半日"既活動，搵緊arm阿仔能力上既playgroup。我會等阿仔協康個物理治療師放完假.問下佢.佢之前都有問我做咩唔比阿仔參加佢地個playgroup.我話想阿仔要intensive 既訓練先。

阿仔呢兩個星期好肯行,坐係到扶住野起身既動作靈活左，扶住行都快左，之前教極都唔識跪，一整佢就喊。而家由企轉跪,再轉體位坐好，好自然。唔通好似某d物理治療師講,佢發展到,就自然識做，迫都無用。

阿仔條腰都係未夠力,如果夠,我就唔使擔心佢突然"發後"跌倒，後腦著地，呢個問題仍然會不時出現，佢一行我就要跟到佢實。