RDI社交班

conconma

今日上0左第一堂密集社交班, 感覺同ABA訓練0既好唔同...似乎難度高dd(因為好靠小朋友自覺去留意及與人在線, 盡量唔可以提, 家長要忍住口及比耐性) , 不過都應該要學, 因為現實生活, 根本就唔會有人成日提住小朋友, 好靠小朋友自覺性...

雖然仔仔打完排毒針太活躍, 唔多合作, 不過我唔會灰心...我會繼續嘗試!! 加油!

所以在此都鼓勵家長們去上RDI社交班 (聖誕假后有恆常班, 一星期一堂- 平日, 因星期六滿額了), 還有RDI家長學堂, 學到0既方法運用出來, 你將會得益不淺!

其實都好感謝激遊戲輔導室的導師, 因為咁貴去美國考個牌, 番來香港就用廉價0既價錢去教家長們, 我0地真係應該感恩...所以家長們應襯早去學, 應用在小朋友身上(千祈唔好介意要拍片做功課, 因為導師們都是想幫我0地...即使小朋友做唔到預期效果, 都冇問題) 因為我小朋友都只是low functioning, 不過用0左RDI 某些方法, 似乎都留意人和物多0左...

祝各位聖誕快樂!!

[ 本帖最後由 conconma 於 10-12-24 19:00 編輯 ]

anan3388

聽日你要忍住唔好出手呀

同埋我覺得若你仔仔真係好唔舒服, 你不如考慮下等佢休息三兩日先, 好過夾硬黎啦~ 再唔係你自己上下學識左先, 之後先返去同佢做啦~

[ 本帖最後由 anan3388 於 10-12-24 20:05 編輯 ]

conconma

哈哈...係呀...要忍口真係好鬼難, 不過盡量去試, 唉...都係我衰, 唔記得報0左社交班, 之前比佢打排毒針, 搞到咁活躍

不過算啦...都應該比佢熟下阿sir, 如果之後上恆常班, 佢都要慣下...

食完聖誕大餐咯, 宜家出街行行, 聽日見!!

merry christmas!

anan3388

所以d治療師成日話"d仔唔易搞, d阿媽先難搞" lor~

kelvin_hmlau

RDI 基本上係我暫時認識對A仔唯一有效的方法 (以感統輔助). 其他方法似在燒銀紙和浪費時間.

要阿媽忍口真係好難, 祝各位密集班家長同小孩好運.

BeBe媽媽

咩價錢?RDI係點架?有無LINK可以睇睇?THANKS.

conconma

咁又唔可以講係唯一...其實我覺得反而係按階段及能力...

ABA著重教小朋友認知,譬如: 如果連最基礎顏色, 味道, 形容詞都未認識, (要知道唔係個個A仔認知能力都高0架) 又如何去到RDI講同人分享感受的環節呢? 所以, 假如認知能力不夠高, RDI未必一定應用得好...

所以如果能集大成者並取其優點就最好

kelvin_hmlau

唔好意思, 應該改為:

RDI 基本上係我暫時認識對小兒的動力智能 (Dynamic Intelligence) 唯一有效的方法 (以感統輔助). 其他方法似在燒銀紙和浪費時間.

ABA 我實在不太認識.

anan3388

有興趣的話，可看let me hear your voice 一書

不過在香港，行出黎那套aba都多數得其形，不少仲結合埋中國人教仔那套黎用

conconma

唔緊要...

anan3388

針對溝通動機和關係建立的話，floortime 同 r d I 較強，也適合家長自己做。不過aba對建立個基礎係快看到效果既。不過最重要都係找一個又夾又好既導師呀

conconma

我唔偽幫住導師, 唔...不過要小朋友同導師夾+建立良好關係都要點時間去大家認識了解0既...尤其a仔比較慢熱

通常都好難做到一見如故,(我估正常人都唔得啦, 係咪?) 尤其係導師通常都會叫小朋友做一些佢0地唔太鍾意做0既0野...

我個仔以前試過上一個高級幼師0既個別, 起初1-2個月都只係喊又唔合作, 不過第三個月熟0左就好好多, 比時間大家去磨合係重要0架, 番工都有試用期啦...

[ 本帖最後由 conconma 於 10-12-25 12:33 編輯 ]

anan3388

岩既~

我咁寫既意思只係因為近來聽左個 mami 講佢在香港某機構做 ABA 相比在美國做 ABA 既經歷而有感而發者~

而諗返轉頭, 有時我地太在意係乜 theory 物 theory, 其實 d theory 只係d秘芨, 套武功運用出黎用成點, 真係好睇導師既功力, 以前無 d 乜 theory, 一樣有好好既導師可以幫到小朋友, 依家同自己講, 切忌聽到邊套邊套就就咁去做, 要融會貫通同實踐中學習啦~

而導師同小朋友要夾, 唔止係夾兩個人, 仲有時間同地點同 timing. 我覺得我地暫時係未夠"緣"者, 或者將來有緣也說不定~

而導師既真係蘿蔔青菜各有所愛, 係咪o個杯茶唔係一方既事, 係兩方面既事~

conconma

係0架...我去美國時探一個同事...佢0地可以話同香港有d唔同...0係美國ABA要讀一個20幾萬master 0架...所以收費都幾貴下...香港呢...公司只係買package, 由一個巳考牌0既人去train therapist, 所以收費相對地平...不過大家都係跟住套書去教, 應該唔會太大出入掛 (我估...不以致評)

應該話比香港0既更嚴格, 即使小朋友喊成點都好, 都要喊住做...因為我0係0個度同佢出巡過, 又去過中心...見到好多喊到口水鼻涕猛流, 治療師都繼續要佢做(不過西方可能唔同d, 出街見到鬼仔行街跌倒, 佢爸媽都只係講起身, 呵都唔太呵)...哈哈...相對來說, 香港0既反而有點惻隱之心

同埋佢0地會定期有評估員考察小朋友進度, 如果半年-1年后, 進度不大, 就唔再有ABA訓練比佢...(美國有津貼0架)...因為0係美國佢0地反而重視家長的參與, 唔可以只倚賴ABA治療師, 治療師0既責任只係教家長點教...

其實我唔係要澄清咩0野, 只不過有時其他人的cmmt又未必反映緊全部...除非親身嘗試了一段時間, 就將會明白是什麼一回事...所以我0係bk有關治療及訓練0既言論都只係自己試過先cmmt, (除非係一些大家都巳知清楚0既理論及內容), 冇試過0既我係唔會比意見...

因為ABA其實對訓練小朋友認知(如果不是高功能), 對答方面都有其好處...*純粹個人意見-因為認知基礎好, 對RDI training會比較得心應手...因為我仔仔係低功能, 又有adhd, 所以要佢先理解我0既說話而作出非設定0既答案及反應, 係有點難度

某程度來講, 高功能小朋友上RDI就比較容易掌握, 這點無可厚非

[ 本帖最後由 conconma 於 10-12-26 18:46 編輯 ]

conconma

其實真係好難...對我更難, 因為要將以前0個套洗腦...自己做巳經難, 仲要整家人, 連工人都配合, 就真係更難...

盡力而為啦...我呢排都唸唔到太多0野...因為阿仔巳經搞到我好頭痕同心力交瘁...

我要0係醫生對佢用藥前, 試下比佢食碧蘿芷控制佢0既過度活躍...希望成功啦...

kelvin_hmlau

其實只要你係一個有心的家長, 就很適合研究一下RDI. 因為它是要求家長變成 coach 自己兒子的專家.

我的中度自閉兒亦因此逐步正常化. 但RDI 要求家長對自閉兒的問題比 therapists 了解更多, 更細緻.

conconma

我都希望如此!!  但我都唔太肯定, 因最近發展很多事令我不能掌握...如阿仔突然變得過度活躍...醫生話假如情況繼續, 6歲后就可能要用葯...

ps 自閉程度與智力/認知能力並不掛鉤

因為唔理解對方問題, 跟唔理會對方可以是兩碼事...RDI也著重小朋友嘗試去理解, 意會及留意對方及環境的改變...

的確現實環境, 人和物根本就充滿變數, a仔就係要學懂去適應變化

希望rdi幫到更多小朋友做到

[ 本帖最後由 conconma 於 10-12-27 00:21 編輯 ]

xixi1218

很想知道你們說的RDI是哪裡訓練的？我其實也很有興趣，但孩子現在在進行ABA訓練，暫時來看效果不錯，有想過等他程度好一點同時去RDI，但我怕同時進行是不是會有衝突。

你們說的高功能、低功能，或者中度自閉、輕度自閉什麽的，是怎麼界定的？醫生界定的嗎？我們醫生從來沒有給我們界定過這些名詞。我都不知道孩子具體屬於哪一類。

過度活躍我孩子也有些，我們嘗試給他吃了兩三個月的藥，但他因此瘦了很多，我們害怕副作用之餘，又不想他一輩子依賴藥物。因此又暫停了。唉，希望通過行為訓練他能好些。。。。。

[ 本帖最後由 xixi1218 於 10-12-27 22:35 編輯 ]

kelvin_hmlau

已PM RDI 社交班,連同處理傻笑方法.
Good luck.