培正面試

TSUNTINGMA

因為當天面試日,我和老公都不在港,唔知奶奶一個人去得唔得呢?見完小朋友會唔會見家長呢?好驚因此唔收我個仔。請問有冇人可以解答我呢?

ss2003

你有無睇考生注意事項呀, 家長不得陪同子女面試架, 邊個帶去都無所謂啦

TSUNTINGMA

我意思是說小朋友單獨面試後,會否像某些學校要事後和家長傾幾句呢!!!
THX.
      

ss2003

我估唔會, 你幾時in呀?

cacama

Hi TSUNTINGMA,

小朋友面試完畢，會由老師帶離開班房，跟著已經可以離開了，是不需要和家長傾談的。

Alexismama

其實培正係唔會見家長GE,但有一名家長可陪伴到等候室等面試, 每個等候室一次二十個小朋友及家長, 然後每次五個小朋友去面試, 純粹個人意見, 等候室GE老師會見到是誰陪伴小朋友來面試, 當面試時, 老師亦可能會問是誰帶小朋友來面試, 如果答案係祖父, 祖母之類, 唔知會唔會有影響, 各位自己考慮啦　   

TSUNTINGMA

請問你聽乜嘢同事講?唔好嚇我!

題外話:果次lN德信,見到有個小朋友淨係同個菲傭一齊lN,仲要遲到添。

SUSANNA

我見培正時都係自已倍囡囡去, 老公無去, 但我認為你選那間學校但父母都吾親自去面試有久誠意, 所以應盡量抽空.

LongLong_ma

請問培正面試是會考什麼的?可否分享一下?

lamlam-ma

我囝囝係舊年考, 家長無需面見。但係在小朋友面試前會同一位家長 (只可一位)到班房等候面試, 共20個孩子和20個家長。 班房有好多玩具, 小朋友齊齊玩, 有個老師係到似改部咁, 其實我估佢係到留意D小朋友,and mark 分, 因為每個小朋友都有個number貼係心口。 不過我都係估估下。
囝囝考完出來話比我聽老師問佢叫?名, 幾多歲。 叫佢取麵包, (我估可能係大堆東西中 pick up), 叫佢搽牛油。 佢同我講佢話比老師聽好好味, 佢話仲請個老師食添。
其實前後入去都無10分鐘, 又成5個小朋友, 可以問幾多呀?