借個位唻呻下….

sze0203

我個女依家喺A學校讀N班, 其實佢讀得好開心，學野亦好快有好大進步; 但親友極力推薦B學校讀K1, 又話有推薦信一定入到～～雖然我不是太鐘意B學校但都幫個女報名啦~結果B學校無收到個女，而且制度方面令我認為推薦信完全影響左我個女入學機會（人事關係，因為喺bk 發現好多人唔係waiting 名單內，到註冊日打個電話去學校又話收讀下午班）；咁我都無所謂，橫掂我唔係特別鐘意B學校，只係同親友講聲唔該就算～

噚晚做冬，其中一個親戚問我個女咁依家會讀邊間學校，我話如無意外都係讀返A學校～佢就話：下！課程會唔會淺左Ｄ呀～～我真係毫不客氣答佢：咩你讀過間學校咩？間學校全日制，每日都有國內老師教國語及外籍老師教英文，N班本英文書已係全句英文咁教～咁你想Ｄ課程去到幾深呀？跟住佢就話～哦！咁都好呀！我個朋友個仔之前喺度讀，但依家已五年級了．．．．．

佢地覺得好的野未必我覺得好；而且真係好的學校入唔入到都唔輪到你話事啦～INTERVIEW又要講眼緣又要講小朋友當天的表現，就算表現好都要講緣份啦～現今做家長壓力已好大，佢地上哂岸又唔明學位爭得咁厲害～我唔係唔push 小朋友進步的媽咪，N班都幫個女報3間, 3間比哂留位費果隻！只係我唔認為我個女讀B學校一定好！亦因為唔想個女長途跋涉去九龍塘返學，所以只選擇區內適合個女的學校～


D親友實私下講好多閒言閒語~~唉....

呻完個心會舒服Ｄ^^

sheffield

個女係自己嘅，應自己最清楚乜野至最適合自己嘅女同自己家庭嘅安排…
人地有人地講囉，唔好理佢地啦！

Vinannbaby

我身邊都好多人話某某明校好...考唔到我地d媽媽壓力最大..好似唔入某某明校你個仔第時就冇運行...我就要證明唔讀明校唔一家冇運行...可能枇個天想你將d$比佢學其他野呢..有d野整定o左...隨緣吧

tantanmama

青菜, 魚, 肉, 各有所好. 唔洗理其他人點講. 上晒岸果d家長, 根本唔會明白呢兩年幼稚園爭得幾激烈. 唯有樂觀d諗, 多個人關心自己仔女啫.

dormom

sze0203,

我有時都上吓黎呢邊八, 竟然見到你喺度呻啊~

唔好理佢地啦, 我都 buy 你話 "因為唔想個女長途跋涉去九龍塘返學，所以只選擇區內適合個女的學校".

聽落你間學校都唔錯丫. 有時d人無讀過又講咁多野真係煩. 我個仔果間都唔係咩名校, 但又係日日又 NET, 普通話都好似好密, 仲有學劵, 老師又好. 所以人人爭住去考果D, 我都費事煩, 我唔想個仔咁辛苦週圍去INTERVIEW了.

依家做媽咪好大壓力呀, 人言可畏... 要堅持自己想法唔容易的, 努力呀!

lyhv

唔使理其他人, 有時班人up得就up, 支持樓主你!

w_y

無錯, 上左岸果班人就係咁. 而家D 人, 乜都有得講, 入村校又彈你間學校, 入名校又話你谷小朋友, 貪虛榮. 總之佢地活得俾你好.
最重要係學校適合你個女, 人地講咩都無用, 幾衰都係見佢地一陣, 你個女返學返一日架. 佢唔開心至弊.

bulubee

好同意! "人言可畏... 要堅持自己想法唔容易的"
由出世食咩奶粉用咩洗奶瓶清潔劑都要比人討論!
堅持, 有時真係好氣餒!

原帖由 dormom 於 10-12-23 10:49 發表
sze0203,

我有時都上吓黎呢邊八, 竟然見到你喺度呻啊~

唔好理佢地啦, 我都 buy 你話 "因為唔想個女長途跋涉去九龍塘返學，所以只選擇區內適合個女的學校".

聽落你間學校都唔錯丫. 有時d人無讀過又講咁多野真係煩.  ...

0o...雯雯...o0

我都感受到呢2年同4,5年差好遠.更加唔駛講佢地上哂岸個d.佢地真係唔明,呢2學位爭得厲害.:;pppp:


   唔駛理佢地講咩,只要媽媽自己決定就得,因為個小朋友係你的 只有你自己最清楚

sze0203

多多媽:

我成日有過唻呢邊架!我係真的計過度過點幫個女揀學校，我見多多返學都好開心～亦好開心喺呢度都有你的支持～～

各位媽媽: 多謝你地的十卜，認同sheffield話只有自己最清楚咩適合個女；認同Vinannbaby要證明比大家睇唔一定讀名校先有運行^^就真係正如tantanmama所講: 代多個人(係好多人)關心個女~＾＾

AS_Baby

最慘係講得最多嗰個是自己阿媽呢.........

saiwai

最重要自己和老公目標一致,其他人的閒言閒語可以不理!

fefemom

原帖由 AS_Baby 於 10-12-23 11:55 發表
最慘係講得最多嗰個是自己阿媽呢.........

唉!係呀!我呀媽呢間又話喳,嗰間又話英文唔掂,考到至得架?讀到至得架???都唔理得咁多.

[ 本帖最後由 fefemom 於 10-12-24 10:33 編輯 ]

mandy_ma

agreed!

原帖由 saiwai 於 10-12-23 12:07 發表
最重要自己和老公目標一致,其他人的閒言閒語可以不理!

saiwai

好似我奶奶,話呀邊個親戚請賓妹點解我地用印印,又話小朋友和賓賓相處英文會叨D,我覺得我和老公ok就得無需要理會他人。

GAT

It's your baby, not their baby. So I fully agree that people around you can only give advise, but not criticism. During this period I also received many feedbacks from people around me saying my interview strategy is completely wrong. But I just let it go cause I understand that fact that they wanted to help me. However, they are not in the real situation and they don't understand the competition we are facing nowadays, hence just take it that they are concerned about us. They really do this out of love. So take it and don't argue. Just stick to our plan cause we know what we want to give to our child. And only we have the right of doing this , not any others.
Fully support you!

allung

o的3姑6婆特別多野講, 全香港咁多小朋友, 唔通一定要讀B學校先可以成材咩.
仲有好多讀其他o既, 唔代表無前途嫁.
唔洗佢地做, 講就梗係天下無敵喇!

[ 本帖最後由 allung 於 10-12-23 15:22 編輯 ]

lady_kaka

原帖由 sze0203 於 10-12-23 10:12 發表
我個女依家喺A學校讀N班, 其實佢讀得好開心，學野亦好快有好大進步; 但親友極力推薦B學校讀K1, 又話有推薦信一定入到～～雖然我不是太鐘意B學校但都幫個女報名啦~結果B學校無收到個女，而且制度方面令我認為推薦信完全影響左 ...

聽落妳個女讀緊的學校已經很好，N班已有英文學，每日又有國內老師 教國語及外籍老師 教英文，唔知仲收唔收生呢？可否告訴我是那一間？

mingming1105

無錯呀, 無論你讀名校 or 屋村幼稚園, d 三姑六婆都會有說話, 唔洗理佢地

原帖由 w_y 於 10-12-23 11:20 發表
無錯, 上左岸果班人就係咁. 而家D 人, 乜都有得講, 入村校又彈你間學校, 入名校又話你谷小朋友, 貪虛榮. 總之佢地活得俾你好.
最重要係學校適合你個女, 人地講咩都無用, 幾衰都係見佢地一陣, 你個女返學返一日架. 佢 ...

sze0203

我住紅磡架, 間學校係海逸豪園, 喺蒙特梳利教學~你有興趣問詳情pm 我呀^^