唉...灰到爆

minijelly

今日last day考常識,我地好早就開始溫習,成本書熟到爛咁滯,點知...我個囡居然睇錯題解,6分白白掉左落海喇
我真係忍唔住鬧到佢喊,我自己又喊呀,好激氣呀

TINGMUM

我仲灰, 個女年年MATHS都考得好好, 今次呈分試唔知係咪壓力大, 有成3條冇做,1條肯定做錯....佢話自己當時個腦一片空白...死未!  見佢喊完一輪, 眼都腫埋, 為免影響其他科溫書, 我唯有安撫佢都唔敢點鬧.......

pineapple0983

原帖由 minijelly 於 10-12-14 22:43 發表
今日last day考常識,我地好早就開始溫習,成本書熟到爛咁滯,點知...我個囡居然睇錯題解,6分白白掉左落海喇
我真係忍唔住鬧到佢喊,我自己又喊呀,好激氣呀 ...

你咁做好唔應該，我覺得。
以後個女會好大壓力，成日覺得唔衰得，事倍功半；可能臨場發揮唔到應有水準。
同埋佢覺得你只係關心d分數，冇理佢都"唔想咁"厘個感受。
d細路成功與否，大人背後支持都好重要架！

Siuchoi

諗真d, 你個女仲灰過你啦~  佢已經失左手好慘, 仲要比你鬧, 你發洩完又點? 補救到咩? 咁佢又可以發洩係边個身上? 可能下次仲衰~  

我地做媽咪既, 係陪佢地作戰, 係佢地既軍師, 而唔係要增加佢地既負擔 & 壓力, 你自己控制下啦~

蔡奈子

喺一年級時，我個仔漏左一頁冇做，俾我閙到死，佢眼濕濕咁，又唔咁喊，未見過我咁惡，下左啖氣，跟住再教佢唔可以再大意。唔知係咪咁，直至而家中學都未試過漏做，唔識做除外。樓主唔好咁灰啦，向好嗰方面講，雖然而家呈分，都仲有得追。俾心機啦﹗

Martina

relax 啦 !   我女當年呈分試常識99分,  但數學竟然 (在6年內) 唯一一次7x分,  幾驚嚇 ! 我見佢都喊到死都冇話過佢一句.   因為冇派卷, 我打比老師check下個問題再同佢執下, remind下就算 !
而家 回頭想一下,  真係唔係甘大件事姐 !  孩子壓力大,  而且又比以前fragile,  重要是比佢地知道盡力/盡責任的價值觀.

ADALAM.

原帖由 minijelly 於 10-12-14 22:43 發表
今日last day考常識,我地好早就開始溫習,成本書熟到爛咁滯,點知...我個囡居然睇錯題解,6分白白掉左落海喇
我真係忍唔住鬧到佢喊,我自己又喊呀,好激氣呀 ...

如果要减低不小心的錯誤
係平日每次做工課都認真對代
不過意外總會有架啦

waiyinmab

我個仔今次英文考試做漏了一條,無了四分,常識考得一般,名次跌了幾名

minijelly

多謝大家俾個位我呻下,我都知亞囡自己都好唔開心,我都知我既反應係過激,我昨日已同佢道歉,難過緊係有架喇,而加唯有等名次出左,再睇下要唔要重新部署,多謝大家

Sherryko9

大家都甘慘,第2次呈分,阿囡科科攞90幾,點知又係大意,數學無左成6分,得80幾,總平均分自己計過,大約91分甘上下,都知死(媽咪)!唉!都唔想提!阿囡之前都無諗過,還很落觀(但之前聽過1個家長,講佢孫女第2次呈分,科科攞9字頭,心諗無死啦!點知竟然第30名,孫女即刻down,跟手果次期考,閉門讀書,去番10幾),到攞成績表時,即刻喊出,佢話都喊左幾個字喎!d friend安慰佢,我知都無野好講,講物都唔可以改變到事實,竟然出奇平靜,雖然唔開心,但又如何?無野可做,惟有再提醒佢下次期考請小心,小心!我知佢一定係band1,這次係影响第1次自行考學校(心頭好),人地見唔見你!大家放鬆點!"賽翁失馬,焉知非福!可能最後考到個間好野來呀!所以我好知大家媽咪心情,記著希望在人間,自己改變唔到環境,就由環境來改變自己心境,開心D!

原帖由 minijelly 於 10-12-14 22:43 發表
今日last day考常識,我地好早就開始溫習,成本書熟到爛咁滯,點知...我個囡居然睇錯題解,6分白白掉左落海喇
我真係忍唔住鬧到佢喊,我自己又喊呀,好激氣呀 ...

minijelly

原帖由 Sherryko9 於 10-12-15 12:12 發表
大家都甘慘,第2次呈分,阿囡科科攞90幾,點知又係大意,數學無左成6分,得80幾,總平均分自己計過,大約91分甘上下,都知死(媽咪)!唉!都唔想提!阿囡之前都無諗過,還很落觀(但之前聽過1個家長,講佢孫女第2次呈分,科科攞9字頭 ...

多謝你既分享及安慰,最幣你個女不嬲都係成績好,我個女就麻麻地,佢而加係band 1尾,再跌就直頭跌出band 1,到時真係唔知點揀

Sherryko9

頭/中/尾,1尾和2頭相差真係唔知幾多,如果你係2頭,都應該係第2次大抽奬去摶一摶,揀Dband1中學,當然揀D次熱門甘解!唔好以為自己實無機會,希望在人間!希望你唔好灰心,總之揀一間適合自己小朋友的中學為前題,努力!

原帖由 minijelly 於 10-12-15 12:20 發表

多謝你既分享及安慰,最幣你個女不嬲都係成績好,我個女就麻麻地,佢而加係band 1尾,再跌就直頭跌出band 1,到時真係唔知點揀

晴雨公仔

昨天, 亞囡話一個好消息, 一個壞消息. 我叫佢講壞消息先, 佢話中文只有88.5分. 唏! 仲以為佢唔合格添, 嚇鬼死我. 另一方面, 發現佢原來給自己的壓力都唔細, 沒有9字頭就是壞消息, 聽完我個心都有點唔舒服, 但我從來都沒有迫佢怎樣怎樣. 我知佢一向中文較弱, 現在也進步緊, 再努力d囉!

minijelly

原帖由 晴雨公仔 於 10-12-18 00:50 發表
昨天, 亞囡話一個好消息, 一個壞消息. 我叫佢講壞消息先, 佢話中文只有88.5分. 唏! 仲以為佢唔合格添, 嚇鬼死我. 另一方面, 發現佢原來給自己的壓力都唔細, 沒有9字頭就是壞消息, 聽完我個心都有點唔舒服, 但我從來 ...

而加個個小學生都係咁,我囡有同學考到91/2分話想喊,如果係我囡我實瞓著都笑醒呀

minijelly

啱啱派晒4科,成績都唔錯,多謝大家關心支持,而加心急等8/1派成績表就知banding

KITTY.WONG

現在才是小學，一世人流流長有排讀，就算大學畢業之後出來工作都要繼續進修，最緊要健康和不要誤入岐途，何況現在有很多兒童和青少年都有精神病呢!

hinhei

可能女仔比較早熟!!
我個仔根本唔會有咁大反應......佢成績由一年級到而加六年級都keep住.........閃電咁的圖表!!

呈分呢兩次正好跌到落最底.....
佢仍是滿不在乎.......
人哋個個係咁谷, 佢就仍然係咁hea.......
對住佢呢D完全唔覺得佢盡咗力, 而成績又大跌仲嘔血~~~

我睇到你哋女仔真係會好care自己D成績, 其實佢自己都咁care啦, 你再鬧佢......其實想點呢?!! 又無得改變, 佢都係唔小心, 又唔係無盡力!!

再鬧根本無正面得著, 只有負面........
不如同佢一齊諗方法, 等錯誤唔會重覆仲好啦!!

chanms

人生還有很多挑戰，經一事長一智。父母&子女都要學習&成長。

wing

睇完你地講仔女既分數, 個個都8X,9X分,但係都唔開心...
我大女D成績比你地小朋友更差, 但佢仍然一臉不在乎, 鬧又鬧過,勸又勸過,係唔聽就唔聽, 無佢乎
佢今年P.6要升中要呈分又如何?? 讀書真係迫唔到佢,我都有試過好惡咁鬧佢,但佢仍然固我,好似今次呢個試,佢無試過拎本書出黎睇,係睇呀,唔係溫添LA.