換牙問題?

long170908

請問你地點同A仔小朋友剝牙架?
上次帶亞仔去睇牙醫,一入去就驚,之後無剝到,返到屋企,又嚇佢,又鬧佢,佢終於話肯去牙醫度剝,終於剝左,唸住以後唔洗煩啦,毎次換牙咪去搵牙醫囉,點知而家又要剝牙,咪同亞仔去睇牙醫囉,點知佢又話驚,又唔肯入去,來來回回三次,都係無剝到,其實對上一次都係兩個月,點解會係咁,好煩呀!
擒日我真係想搵個洞捐入去!

sharon26788

換牙定係爛牙要剝啊?
如果只係換牙,我囝囝就第一次係99見鬆得緊要,就用線幫佢拉,後來都係唔知亞囝點整既,凈係見佢個口有血,拿住隻牙,咁就無左囉;最近就係幼稚園發生,老師都唔知點發生,凈係見我囝話掉左隻牙,最後用紙貼包住隻牙返屋企.爛牙既話,就係排左菲臘牙科,去瑪莉醫院全麻剝同補

long170908

只係換牙唧,亞仔唔會好順灘咁比我剝,因為佢超級怕痛,帶佢去牙醫,佢明知係唔痛,但佢又唔肯比人剝,再問番亞仔,佢話佢都唔知點解喎.
頭先我終於完成一個艱巨任務,我終於夾硬抱住佢,同佢剝左,亞仔話,下次一定會去牙醫度剝喎.
原來補牙要咁大陣象架,要全身麻醉.

樂園

去瑪莉醫院全麻剝同補???咁好呀,我個仔舊年係牙科保健又係唔比人補,剝就更加唔駛諗,我又驚夾硬嚟佢有陰影,會更加怕睇牙齒,但係啊仔啲牙真係爛得緊要醫生話有機會影響恆齒,咁佢話排期去政府醫院要兩年,我驚到時啲恆齒都壞埋,所以帶咗啊仔去法國醫院一次過剝咗五隻,使咗我成$2XXXX呀

sharon26788

我地都排左成年啊,因為有大牙,所以無得等換牙,唯有係剝左再套個牙套,一次過整左五六隻.