注意力集中問題? 情緒問題? 資優問題?

MMEC

囡囡今年七歲, 就讀小二(區內是band 1小學), 小一學業成績全級十X名，小二第一次大測全班兩科第一，兩科第二．
最近出現下列情況, 非常頭痛, 想盡辦法都解決唔到,
懇請各位給予意見或幫忙. 謝!

n
上星期一, 囡囡在房內做做吓家課, 由房間走出來, 拿住佢一叠字咭, 提出一個遊戲方法,要弟弟跟她的遊戲方法玩, 弟弟不從, 囡囡同弟弟大打出手。
n
上星期三晚 (中文默書前一晚), 囡囡做完其他家課已經差不十時多, 但還有預默家課, 當時她用咗約五至十分鐘時間背課文 (約五十個字), 另外要默八個詞語, 但她完全無溫; 問佢要唔要先溫習, 才預默, 佢話唔要; 之後預默時, 她錯了四個字, 仲有一個字寫得不好, 要每個字改正兩次. 囡囡堅持自己那個寫得不好的字沒有錯, 不肯改正, 這件事情擾攘了大半個小時, 其間, 囡囡搬出一大堆理論, (例如你們大人也寫”撩”草, 為何她不可以? 又例如她不改正, 明天用她的寫法, 看看老師會不會當錯?......) 嗰晚攪到十一點幾, 個女先上床瞓. 第日六時四十分起床, 但默書竟然一百分.無話可說！
n
囡囡一直喜歡畫畫, 上星期四, 上課外活動時, 竟然要攞本簿出來畫畫, 老師同佢對峙咗十多分鐘, 最後要老師打電話來, 才可解決到件事情. 放學後同她講，如果唔鍾意上個課外活動，不如取消, 以後不再參加．佢又唔想, 並懇求繼續比佢學（因這課外活動是她自己要求及鍾意的）. 問佢點解會咁.　答案又係唔知點解同佢自己都控制唔到自己.．
n
最近囡囡每天做家課要用上三至四小時 (估計其他同學可以於一至兩小時內完成), 她已經是在獨立睡房做家課的 (做家課時,房門是關上). 每當她在睡房做家課而有人於房外說話時, 她好多時會搭訕, 好明顯她是高度集中係家課以外的事物, 而唔係家課.
n
做家課期間, 她會出入房間無數次, (e.g. 上廁所,
喝水, 問字, “查”膏藥
──因某地方有少許損傷, …..)你稔唔到的借口都會出現.
n
每天洗澡也要花上半小時以上，洗澡前會出入廁所多次，（會走出廁所同細佬說笑或玩，會走出廁所做一些自己想做的事…..)　每天都可能要叫佢十幾次才開始洗澡．好多時，佢好似聽唔到你講嘢咁．是否理解力有間題呢?
n
間中走入房間觀察她時, 大多是坐在座位對住家課做緊的. 她大部份家課都明白及可以自行解決. 又不太似理解力有間題.
n
上星期因每晚做家課已經很晚, 沒時間溫習英文測驗. 測驗結果又不是太差, 只有一條不小心的錯了及做漏一條.
n
其實，好多時她做錯事，會堅持己見. 和她討論／教導她時, 有時會完全沒有反應或有一大堆理論駁你．每一次有問題，你講一句道理，她會用另一個道理／歪理／例子來駁你（或會完全沒有反應），轉數慢小小都講唔贏佢，最後會激到同父母吵一場．但她第二日會完全當無事發生，問佢想唔想做個好孩子，佢會話想．問佢點解會唔聽話，佢會話唔知或控制唔到佢自己．
n
有時，佢會好聽話及好孝順．見你咳會主動拿杯水比你．見你係沙發瞓咗，佢會幫你蓋“被”．
其實每次過後，她亦明白是自己的錯，只係佢控制唔到自己.
每幾天，屋企就好似打仗咁．對住個囡，鬧又試過，”氹”又試過，講道理又試過，Set一啲規則又試過，連打都有試過．兩公婆現在投晒降，無可否認，她是有小聰明(尤其駁咀時); 有時同身邊朋友講，佢哋會問“佢係唔係資優兒童？” 但就算係咁又可以點呢？
對於我哋根本唔知點可以解決問題．如果小二已經要做家課做到十點幾，咁小五都唔知點算？
只係想幫個囡對正下葯，解決問題．煩請各位比啲解決方法．　謝謝！

whywhywhywhy

其實你囡囡都錯唔晒，好似話佢寫個字唔好，咁實在佢係識寫，而最重要係老師覺得又冇錯，咁結果係100分即係無問題啦！小朋友有時會是這樣，希望大人給她們一點自主權，因為她們知道其實父母也未必一定是對的！我覺得只要佢自己肯承擔個後果便由她吧！為 了一些小問題而影響親子關係何必呢！
另外她做功課越做越慢的原因，是否做完學校功課後你會再給她其他習作呢！又或者她覺得反正做完功課都係無所事事，所以就放軟手腳！(我都係估下！)

MMEC

Hi talent2000,
You may right as my daughter make my wife and me serious and headache .
However,  we can’t let my daughter spend 3 -4 hours on her homework.
I believe that no parents would like her son/ daughter go to sleep after 11 o’clock.
Yesterday, my daughter have English dictation but we did not take any preparation or revision with my daughter the day before yesterday. We would like to let her sleep before 11 o’clock. Unfortunately, we can’t do that.
I really want have a method to fix this problem.
Anyway, thanks for for your kindly advise.

Hi WhyWhyWhyWhy,
1.        最後默書,囡囡係無用佢嘅方法寫. 其實每次問題發生後一日, 囡囡係會認自己錯. 問佢點解會咁, 答案係”佢控制唔到自己”.
2.        我哋已經有用”利誘”方法, 如做完家課(只是家課)可以睇電視,做手工, 甚至上facebook打機. 都係無用.

MMEC

星期一晚, 又同囡囡理論咗一個多小時, 到差不多十二點.
起因又係做家課.星期一夜晚當完成家務 走進房間坐在囡囡背後,  細心地檢查她的家課時,( 由小二起, 只係檢查囡囡有冇做家課同教返她錯嘅嘢, 因為 想比返多啲責任她).  發現英文作文要求最少30字.  但她上次同今次作文都寫咗超過八十字 ;  雖然作文大部份錯是tense 同gamma的小問題, 但 謄文重抄一次都要用好長時間.  終於有少少明白,點解佢會做得慢. 謄完文她話要休息吓, 因為寫到好倦.
唔想她做家課做到咁夜, 唔通要阻止她作長文而阻礙佢發展?
當囡囡做數學時, 佢寫9 x 6 = 36, 我話比佢知錯咗, 她就先在書上寫上 9, 18, 27, 36, 45, ….因之前佢試過用加法做乘數,  所以我強烈要求她背一次九嘅乘數表俾我聽.  跟住她又進入”忘我境界”三至四分鐘,  我問乜都無反應. 之後佢就將正確答案寫係家課上.
我再追問佢,  佢拿一張紙寫上 “我已在心中背元”，我話她連“完”字都寫錯，我點知你背得對不對？她又再進入”忘我境界”．最後她都係冇背到.
因為做家課已經做到十時有多，所以叫咗細佬到另一張床瞓先．囡囡做完功課，要求同爹Ｄ, 媽咪瞓，我話因為她做家課慢（當時已經差不多十一時）而拒絕她，(因為同爹Ｄ, 媽咪瞓係一個獎勵)，跟住她反叛地同我哋駁咗一小時到深夜十二時．以下是部分對話及過程．
問：點解細佬有得瞓，我唔可以？
答：因為你做家課慢，我無可能獎你同爹Ｄ, 媽咪瞓．
問：唔公平．
答：細佬可以按時完成工作，所以有獎勵．
問：我今天晚飯同洗澡，你都有讚我，所以我都應該有獎．
答：你看看我們設計的時間表，只係按時做到好小部份．．．．．（我們之前設計了時間表，希望用新方式幫助她）你有冇稔過，細佬係因為你做家課慢，所以去爹Ｄ, 媽咪張床瞓．細佬已經因為你，無得睇電視，連覺都無得瞓?
問：不過我聽到細佬”頭先”係廳度讀書，嘈住我做家課．
答：你唔好咁自私啦，細佬讀書都唔得．依家細佬會返回自己床瞓，你都去瞓啦．
問：我要同你哋瞓．．．．．．．（非常堅持及很多歪理）
答：我講過，你今日的表現，係唔可以．明天上學校，你問問校長，老師和同學，如果佢哋話你對，我俾你同爹Ｄ, 媽咪瞓十日．
問：我的好朋友ｘｘｘ一定話我對．
答：你叫你的好朋友ｘｘｘ在班主任前答你問題，看看答案是什麼．．．．．
問：（囡囡開始失控地大哭）你咁樣即係威脅我，你都知答案啦．．．．．
答：你都知答案啦！對與錯，你自己都知啦．
問：你之前都有錯過啦, 你無資格話我錯,
答：係呀!  我都會錯, 但我會認同改過. 咁你呢?
問：（囡囡大哭）我要同你哋瞓．．．．．．．
最後，說服了她第二天找輔導主任傾計（因上星期已見過一次，囡囡說輔導主好好笑，佢話感覺好好, 但講唔出有乜好）她才肯上床瞓．但已經同佢傾咗超過一小時, 差不多到十二時啦.
唔通依家Ｄ小朋友咁早有反叛期？
唔通想小朋友明白獎罰，對錯都咁難？
第二朝同囡囡上學時, 佢”變”回平時咁乖乖和 平靜.  問佢知唔知昨晚佢好唔乖. 佢答知道.
她最後冇搵輔導主任,佢話”害怕”. 跟住無解釋.  放學後,囡囡做家課有啲改善.  唔知係唔係 坐响佢後面的關係?

[ 本帖最後由 MMEC 於 10-12-2 20:30 編輯 ]

wawa

MMEC

我個仔而家三年級, 今年的數都係乘同除多, 但佢都係唔會唸乘數表的, 老師話同我講話佢太慢, 咁唔得, 但佢平時做功課係做到的, 唔唸都可以計到數, 不過佢抄寫都係慢. 佢都話點解要謄文, 再抄一次, 每日功課都係剩抄詞, penmanship 唔做. 如果本著求學不是求分數會易過. 逼佢地更加唔做. 最緊要佢地重有學習動機. 到上高年級不再有抄寫, 只是做題目佢地會好好多的.  最緊要唔好傷親子關係.

原帖由 MMEC 於 10-12-2 01:18 發表
星期一晚, 又同囡囡理論咗一個多小時, 到差不多十二點.
起因又係做家課.星期一夜晚當完成家務 走進房間坐在囡囡背後,  細心地檢查她的家課時,( 由小二起, 只係檢查囡囡有冇做家課同教返她錯嘅嘢, 因為 想比返多啲責 ...

[ 本帖最後由 wawa 於 10-12-2 10:21 編輯 ]

MMEC

Hi talent2000,
I feel more comfortable after talking with you in here and I will change my mind for my daughter.
I think you had similar headache few years ago. It seems you spent much times and efforts to find out the best way for your kids. You are so great (not only your kid). Thanks again.
FYI, my daughter got English dictation result yesterday and the mark is lower than 80. By my observation, she is so scared to seeing this since she did not get the mark under 80 in dictation, test and exam from kindergarten. Unbelievable, she completed her homework before 5:30 these two days.
Hi Wawa,
我囡囡就好啲, 無講過”點解要謄文”的問題,但我發覺佢對自己要求好高. 有一次囡囡做penmanship時, 佢極快做完(因要出街玩). 我問佢點解咁快做完, 囡囡叫我睇睇佢啲字幾”醜樣”. 但我自己一啲都唔覺.
昨天,  我用咗比賽方法同囡囡唸乘數表, 可能幫到你. 我叫咗細佬同佢比賽唸乘數表, 我出題目, 佢哋鬥快講答案. 因為囡囡鬥心強, 好有興趣. 不妨一試.

whywhywhywhy

其實我小朋友也有你女兒的一些問題，我以前都會像你一樣一定要小朋友做對答案，但我發覺我每次這樣做都是好心做壞事，我小朋友跟本無諗過要我幫佢 找錯處，係佢心目中只係我不斷找麻煩，到最後好多時都是不歡而散，最初想佢改的東西都改了，但是心不甘情不願，所以本來想佢知錯後會上心，但結困弄巧反轉。最近我已學習隻眼開隻眼閉，就算見到佢做錯都唔理佢，反正功課又唔計分，等老師改佢錯，佢自然要改，俾番做功課的責任佢，咁可能重好，而家我同小朋友關係好左好多。當然我要繼續學習怎樣與小兒相處，但我己學懂心平氣和事情會容易一點解決！！

MMEC

Hi WhyWhyWhyWhy,

我好鍾意你話"隻眼開隻眼閉", 但你會唔會"間歇性失聰"? 因為我囡囡好多時要人follow佢講既嘢, 好固執.

whywhywhywhy

其實我都係會"間歇性失聰"，因為我個小朋友係一起床就說話的人，而且佢係超著緊人地有沒有聽佢說話，所以我d間歇性失聰只會係佢講野中途出現，佢開始講同結尾我一定會聽到，唔係唔知點答佢！如果我有時真係遊魂左唔知去邊，就只有回覆佢一句，原來係咁，咁你覺得呢？通常答呢句都無死！但當然唔係次次得啦！

MMEC

我都試試先.
謝!

Smilesun

如果你懷疑佢係資優,可以去做測試...
佢都幾似係...估估下,個心又唔知點...
做了,可以去睇書,聽講座,了解一下資優的特質,對培育她有幫助...
唔測,你都可以當佢係架...睇下書,不過聽講座好多都要做了測試先...

我之前參加了小童群益會的工作坊,都好有幫助...

我囡囡有少少似你囡囡,又係成日迫弟弟玩佢諗的遊戲...練琴練長笛都係成日走來走去...不過佢自要做功課開始,就係我地回家前做完,有時都做唔完,但做完又練好琴,溫好默書,就有得睇VIDEO或我同佢油水彩,佢好鐘意,試過一次,佢就知有效率,就有好處,佢就會快...有時佢都會堅持用自己的方法,我地會氹佢跟我地做一次,佢試過就知我地係幫佢,佢就肯聽...
我地定9點上床...9點3前做到就有得一齊睇聖經...所以佢差唔多就會問我地幾點呀...不過好多時因刷牙用太耐時間,過了鐘佢就會覺得好可惜,下次做好D...過幾日佢又唔記得,又再來過...點夜都係十點前...如果佢遲過9點半,其實佢都知自己第二日做功課會好慢,好大機會會做錯或做少...

[ 本帖最後由 Smilesun 於 10-12-9 22:22 編輯 ]

小新媽媽

原帖由 MMEC 於 10-12-2 01:18 發表
星期一晚, 又同囡囡理論咗一個多小時, 到差不多十二點.
起因又係做家課.星期一夜晚當完成家務 走進房間坐在囡囡背後,  細心地檢查她的家課時,( 由小二起, 只係檢查囡囡有冇做家課同教返她錯嘅嘢, 因為 想比返多啲責 ...

"忘我境介"==>形容得非常貼切. 我個仔時時都係咁樣. 一句話要同佢講幾次先至收到.

我依家唔會同佢爭論, 只係講完我既理由, 叫佢自己考慮一下就行開.

1. 會認自己錯. 問佢點解會咁, 答案係”佢控制唔到自己”==>我個仔成日都係咁樣.

2. 我哋已經有用”利誘”方法, 如做完家課(只是家課)可以睇電視,做手工, 甚至上facebook打機. 都係無用.==>我果個完全一樣. 有時都覺得好無奈~旁人唔理解就會話你家長無管教.

"知憂"家長係需要比常人多好多倍既"忍耐"力.

[ 本帖最後由 小新媽媽 於 11-2-23 10:19 編輯 ]

Cutemom0808

坦白說我覺得你囡囡進展十分好。可能你會不喜歡聽，固執的其實是你強將自己的一套加到她身上，又浪費時間証明自己永遠是對。我覺得有時要信任她，不要過多参與過程，不要太急於執著細節。