小朋友唔洗讀幼兒/稚園！

dennispapa

今時今日竟然有人話小朋友唔洗讀幼兒/稚園！

我有個比較年輕既同事，可能佢秉承後生一輩要事事搞突破既精神，係我地一班爸爸媽媽午飯傾緊小朋友升學既問題時，發表咗佢一套驚人既理論：教育局既入學令唔包括小學以下既幼兒/稚園！（最近好 Hit 既問題！）

檯面上各同事都為到佢同埋佢仔仔擔心！
因為其實佢已經無幫佢仔仔報pre-nursery，唔知佢係覺得無面死撐先話無打算比個仔讀，定真係無打算比佢小朋友讀幼兒/稚園！

希望佢有一日會睇到呢個 post 知道有幾多家長覺得佢既諗法可能太突破（唔係咁適合呢個時間既香港）！

sheffield

唔一定要讀…只要佢唔介意小一讀邊間同到時小朋友難適應。又或者佢係屋企自己教呢，包括教埋同人相處，紀律，自理(這項比較容易，唔牽涉群体)等等…
佢死撐啫，PN可以唔讀，K唔會唔讀嘅，唔好累個小朋友呀！

原帖由 dennispapa 於 10-11-25 14:39 發表
今時今日竟然有人話小朋友唔洗讀幼兒/稚園！

我有個比較年輕既同事，可能佢秉承後生一輩要事事搞突破既精神，係我地一班爸爸媽媽午飯傾緊小朋友升學既問題時，發表咗佢一套驚人既理論：教育局既入學令唔包括小學以下既幼兒/稚 ...

dennispapa

認同："同人相處及紀律" 的論點
人無辦法離群索居，Playgroup / PN 可以比小朋友從小就適應在一個小社群去生活，去相處同協作！培養一個小朋友既社會情緒能力，自信自強的品質給合作精神係我地係一個象牙塔到學習唔到既！

希望我呢個同事有一日會睇到呢度既留言啦！

小曳人

咁~ 樓主個同事就要自己响屋企努力教仔喇!
小一已經假設小朋友已經識寫字, 識認字.. 123 ABC嗰d一定要識!
如果佢乜都唔理嘅, 個小朋友上小一就慘喇!

Capricorn2521

當上年我比個仔入讀n1時，d同事(有老有嫩)都話:咁早讀書！ 個嫩嘅(不是香港人)仲話：我都係6、7歲先讀書咋。我只回答：返學玩吓啫！ok嘅！


個人覺得早讀遲讀沒有大問題，個人本質、環境際遇才是重要。我們老闆是上市公司主席，一樣沒有多讀書，所以同事話我我沒有太大反應，有能力有時間咪充實吓囉。吾讀，在家可以一對一可能更好，煩事可以兩面睇的。

[ 本帖最後由 Capricorn2521 於 10-11-27 11:35 編輯 ]

dennispapa

我好認同屋企既教導係好重要！
但係香港今時今日既環境同我地細個及國內好唔同！
小朋友要返學返 playgroup 先可以多小小群體活動既機會！
所以我先會選擇比小朋友讀 n1 做準備！
加上我都好希望我小朋友既快樂同年可以有更多人同佢一齊過！希望佢既快樂可以累積更多，生活同待人接物既經驗可以累積更多，以及認識到既人可以累積更多！
其實今時今日在國內的大商家都好明白到，認識朋友及關係的重要，所以佢地既小朋友都會爭住入高幹子弟學校去讀書，呢點其實同香港都有共同之處！

原帖由 Capricorn2521 於 10-11-27 11:23 發表
當上年我比個仔入讀n1時，d同事(有老有嫩)都話:咁早讀書！ 個嫩嘅(不是香港人)仲話：我都係6、7歲先讀書咋。我只回答：返學玩吓啫！ok嘅！


個人覺得早讀遲讀沒有大問題，個人本質、環境際遇才是重要。我們老闆是上市公司主席，一樣 ...

sp030016

其實讀幼稚園真係百利而無一害呢

其實幼稚園好似社會既縮影咁

有唔同既人...有唔同既事發生...同埋會有紀律呢樣野

早入幼稚園就可以培養小朋友係解難、社交、語言等等多方面發展

而且讀學前教育都係為讀小學做一個準備

Gooblovebb

我自己就冇俾個仔讀n班, 但來年會讀k1. 個人來講, 我覺得如果係自己湊, 讀唔讀n班都冇問題, 因為我會親自教佢, 帶佢四圍玩, 同埋讀不同的pg(講真, 仲辛苦過俾佢番學).

但隨著小朋友成長, 到三歲左右大時, 你自己個人將會好難滿足佢的需要, 咁入幼稚園真係必要架!

Gooblovebb

我自己就冇俾個仔讀n班, 但來年會讀k1. 個人來講, 我覺得如果係自己湊, 讀唔讀n班都冇問題, 因為我會親自教佢, 帶佢四圍玩, 同埋讀不同的pg(講真, 仲辛苦過俾佢番學).

但隨著小朋友成長, 到三歲左右大時, 你自己個人將會好難滿足佢的需要, 咁入幼稚園真係必要架!

Valday

個人認為小朋友真的不一定要讀幼稚／兒園！但當然照顧者將要花上十萬倍心機時間安排小朋友作息活動。同意樓上所說：“在家一對一可以更好！”“親自教佢, 帶佢四圍玩, 同埋讀不同的pg, 仲辛苦過俾佢番學”
（所以請不要以為早早俾佢返學就好偉大）看看外國就有不少home school的成功例子。
但說到香港今時今時的環境則很無奈，人人要超前教育，讀K用來預備小學，然後讀N用來預備K，再讀Pre-nursery預備N。。。然後有人要對著肚裡胎兒進行胎教預早開發智能。


對！時代不同了，現在不能一打開門就和鄰居通街玩，讀幼稚園似乎是孩子學習與其他人相處的唯一途徑。但我不會視累積認識到既人同關係為早入學的原因囉～咁你小朋友既快樂童年恐怕好難建立到清純無機心既友誼囉～

CatEgg

如果讀幼稚園都已經打算同D仔女或者父母之間打好物質/將來利益上的關係,算吧喇,只係將細路仔提早過大人世界或者大學生活,分別係,大個仔可以揀自己的朋友但bb無
請大家回想,和你最親密的朋友會是和你有利益衝突的朋友嗎?
唔讀幼稚園我唔知會唔會害小朋友,只係知道將友誼建築係物質上...都係個句,算吧喇

我係女仔

仲咩要唔返幼稚園呀??
唔計學術, 其實返幼稚園小朋友好開心架,最好就係有D野係係屋企或者家長教唔到架, 而且又有老師既幫助,學校又多資源,有D仲有埋家長講座教埋家長湊仔, 同好多情緒既野, 呢D家長可以免費係學校可以學到, 又可以分享下, 家長同埋學校既協助,  點都比只起屋企進步得更快, 屋企人又可以輕鬆幾個鐘, 最重要係政府律貼埋比小朋友讀書, 有D幾十元都可以返學啦, 點解唔返啫

CatEgg

我贊成比小朋友讀幼稚園甚至幼兒園
我哋呢代的兄弟姊妺唔多、朋友有D又唔結婚唔生仔,唔返幼稚園邊有咁多細路一齊玩?
全職媽媽日日對住小魔怪,EQ低D會變虐兒,平靜的屋企隨時變戰場
返學有十幾個細路一齊玩、有歌仔唱、有故事聽、有手工藝做,仲有跳舞,唔係個個媽媽都識彈琴跳舞....個樣生得得意的,隨時多幾個老師、姨姨鍚,咁好,做乜唔返學
日日返唔同的pg或者興趣班,小朋友唔可以同一班固定的人建立固定的關係,令缺乏安全感的小朋友更不安,始終會依附帶佢週圍去的大人

原帖由 我係女仔 於 10-12-26 04:48 發表
仲咩要唔返幼稚園呀??
唔計學術, 其實返幼稚園小朋友好開心架,最好就係有D野係係屋企或者家長教唔到架, 而且又有老師既幫助,學校又多資源,有D仲有埋家長講座教埋家長湊仔, 同好多情緒既野, 呢D家長可以免費係學校可 ...

chan803

原帖由 dennispapa 於 10-11-25 14:39 發表
今時今日竟然有人話小朋友唔洗讀幼兒/稚園！

我有個比較年輕既同事，可能佢秉承後生一輩要事事搞突破既精神，係我地一班爸爸媽媽午飯傾緊小朋友升學既問題時，發表咗佢一套驚人既理論：教育局既入學令唔包括小學以下既幼兒/稚 ...

呢個一路都係事實, 無法例規定小朋友一定要讀幼兒園/幼稚園....亦大把人無比佢地 d 小朋友返 n1.有幾驚人...

佢發表 呢個 '驚人既理論' 時有話過唔打算比佢小朋友返幼稚園咩?

恩林

唉~我自問冇本事教小朋友, 耐性唔夠, 皮四又大, 所以我兩個小朋友都有讀n班, 我大仔仲要2歲正就入學, 前前後後讀左4年半幼稚園...

我有朋友冇俾小朋友番n班, 原因係怕小朋友番學會病, 但我覺得就算k1至番, 小朋友都會病.

番n班又好, k1又好, 都係俾小朋友學習同玩, 小朋友不知幾開心, 我小朋友一暑假就話想番學, 因為學校有同學同佢地玩, 係屋企來來去去都係佢兩兄弟, 就算出街都出唔到咁多日, 番學校玩, 幾咁好~!!

[ 本帖最後由 恩林 於 11-1-20 09:11 編輯 ]

cherrieshum

在香港，小孩不讀幼兒園或幼稚園簡直是家長瘋了！瘋了！ :;pppp:
小孩一定要跟小孩互相學習才會進步，只局限於家庭學習，根本是固步自封，小孩又不能學習與人溝通的技巧。

梅媽媽

樓主個同事係男還是女,我估係男性吧!唔了解香港"真正"教育制度的爸爸多得很.佢應該無同屋企人商討過仔仔既讀書問題既. 如果提出過一早俾人教育得體無完膚啦!佢係"太天真"姐. 天真地相信教統局既指引.

atari

睇完一堆留言, 我突然諗係咪"理性"的家長已經全部在BK了?

樓上各位力陳番幼稚園的好處, 讓小朋友可以學習"人際關係","待人處事","群體合作"等等...........

想問下大家, 當你收工番到屋企, 第一樣問小朋友既問題係乜野?

1. 做晒功課未呀?
2. 今日番學學左乜野呀?
3. 今日番學開唔開心呀?
4. 今日番學玩左乜野遊戲呀?

如果你有能力問100個家長以上,你就知大家講既"番幼稚園"好處係家長心目中根本就唔重要.

唉...我又發UP瘋!!

梅媽媽

咁咩先係重要?
恕我直言,我覺得你對自己既職業有d灰,如果可以,快快take a break.唔好令太多負面情緒影響你既工作,如果唔係你會一直沉淪.希望你唔好介意我既多事.