屋村學校+粵語父母=成世英文差?

karaqueenie

有幾個offer 響手, 分別有d係國際學校, 有d係屋村普通學校, 本身父母係主力講廣東話, 因為唔想個女輸在起跑線, 所以想比一筆錢出黎, 等個女可以在6歲前 (學外語黃金期), 比佢讀國際學校, 學好外語, 第時考私立/直資都比其他人有優勢, 但係亦因為真係太吃力 ($方面), 再加上好多朋友都話小朋友咁細個, 唔好洗咁多$, 所以佢地都開始懷疑自己應唔應該咁樣做, 但係父母又真係好想個女一口流利英文

其實可唔可以一至五返普通屋村學校, 星期六及日先去上返幾個鐘的英文playgroup, 小朋友一樣可以有好的英文基礎呢?

究竟可以點?

tammyhw

個人認為考kg 要量力而為, 如果讀無學卷的KG而令到家庭負擔大大增加. 真係唔建議. 其實都有好多有學卷的較出名KG (PC / MS / TT / 禮賢 / 宣道)..
又或者咁講.. 屋村學校唔等如差, 如果想小朋友英文好.. 不如係校外報一些學英文的課程.

tantanmama

我嘅諗法係有學卷, 學費比英文幼稚園平2,3千. 但如果家長要逢週末帶個小朋友去上番英文班, 平平地每小時$150計, 2小時X$150X4星期=$1200. 咁一計之下, 你會發覺上英文幼稚園其實唔係貴過屋邨幼稚園好多.  
當然,有D父母自己花好多心機同時間教小朋友, 從來唔上pg, 小朋友一樣好叻. 只係對我來講, 上英文幼稚園係比較方便嘅途徑啫.

Charlotte_mom

http://forum.edu-kingdom.com/viewthread.php?tid=2252568&extra=page%3D1
又唔怕煩講多次: 學好中文, 比學好英文難(我無咩民族情意結, 我講實用咋)
學語言係靠浸的, 如果你想佢超流利, 老實, 係要長時間將小朋友放O係一個英語環境, 淨係星期六返PLAYGROUP係唔夠的(如果你想佢流利到NATIVE咁勁)
如果你只係打算讀IS讀到6歲, 你有無唸過之後既路? 讀IS既小朋友, 考小學都唔係必勝的, 因為中文比其他小朋友弱(好公平姐, 學多左英文, 自然少左時間學中文架啦, 中文又難學), 我都識人小時俾小朋友讀英文幼稚園/IS, 上到中文小學, 好辛苦至令佢肯接觸中文既野
如果你只俾佢讀6年IS, 之後唔打算讀, 其實耐左, 佢D英文咪又係同學校其他小朋友一樣程度? (我夠識人個仔讀蘇浙幼稚園, 果時普通話幾流利呀, 而家大左, 好耐無講, 講都唔敢講呀), 如果唔係經濟非常充裕, 我覺得唔值

原帖由 karaqueenie 於 10-11-22 01:42 PM 發表
有幾個offer 響手, 分別有d係國際學校, 有d係屋村普通學校, 本身父母係主力講廣東話, 因為唔想個女輸在起跑線, 所以想比一筆錢出黎, 等個女可以在6歲前 (學外語黃金期), 比佢讀國際學校, 學好外語, 第時考私立/直資 ...

oooray

原帖由 karaqueenie 於 10-11-22 13:42 發表
有幾個offer 響手, 分別有d係國際學校, 有d係屋村普通學校, 本身父母係主力講廣東話, 因為唔想個女輸在起跑線, 所以想比一筆錢出黎, 等個女可以在6歲前 (學外語黃金期), 比佢讀國際學校, 學好外語, 第時考私立/直資 ...

6歲前讀IS然後去考私立/直資結果係好大機會中不成英不就；
英文只係溝通語言；講英文叻唔等於小朋友叻d；
仲有，唔少例子係由英文環境轉到中文環境後，英文退步左(少用)中文又未達標。
如樓主有d咁既思維要三思。
國際學校唔係教你英文；唔好諗住一日三個鐘就會脫胎換骨。
至於使$多少就唔使聽d塘邊鶴咁多；佢地有d係有$但唔捨得俾又唔想其他人捨得俾(佢自己唔俾咪
輸在起跑線???)

小曳人

我地呢一代, 咪又係屋村學校+粵語父母
但係, 我唔覺得自己英文差喎, 起碼我可以用英語同人溝通到, 寫嘢人地睇得明, 我仲要自少無出過去補習! (除咗因為A-leve時新校無TAS, 要出去考實驗科, 學校無乜太多機會做實驗, 唯有自己俾錢出去做practical)

我同意中文比英文難學, 最重要嘅係, 中文將會係全世界最多人用嘅語言, 如果你想合時宜嘅, 先學好中文! 如果你覺得有第二語言好重要嘅, 咁就多d鼓勵小朋友睇書! 我自己嘅英文唔係學校老師教嘅 (我100%肯定F.2-F4 3年裡面, 俾NET浪費咗好多光音!) 係我自己睇書學返嚟嘅!

karaqueenie

我本身target個女, 開頭讀IS 的主流班, 我唔需要佢的英文好到好似native咁, 但係因為好似tsl/cky呢d學校, 都係用英文interview,我唔想佢連本身interview溝通果part都搞唔掂(其他都係睇佢自己的臨場發揮), 如果一個好彩比佢入到tsl/cky, 到時我就算唔train佢, 佢響學校都大把人同佢講英文

greenshoot

我自己係英文老師, 可說native-like的英文, 但因為想自己揍女, 所以無做野啦. 而家面對同你類似的問題. 有間屋村學校收, 又有間全英的學校收. 由於我無做野, 現在給她讀國際nursery已感吃力, 所以都會考慮轉. 我無一個方案可提供給你, 但只想分享幾點.
1. 我本身父母唔識英文, 學校無好的英語環境, 所以讀英文是有吃力的時候. 但因為有興趣, 而且坊間很多輔助工具, 所以仍是可以克服困難的. 我身邊有在外國大的朋友, 他們的英文流利, 但對這語言的掌握其實很淺, 等於我們對廣東話的認識一樣. 雖然浸出來的英文較painless及natural, 但語文的sense會weak一些. 父母不是native speakers其實不是問題, 因為父母仍可以以好的榜樣教育孩子自己發奮學好英文. 即使"輸"在要付出更多努力, 其實也不真的是輸了.
2. 如果因為讀了六年國際, 而把學中文變成一個painful既過程, 那代價太大了. 因為中文可令子女更明白父母既文化, 價值觀等, 它不是只是一個工具. 相反英文是一個很有用的工具, 但不是我們的"根".
3. 錢的壓力如果會導致其他問題, 那要思想是什麼問題. 我老公常常說, 英文好不代表一切.在我以前教的一班學生中, 英文最好的那幾個態度最惡劣, 自以為是. 相反真正叻的學生, 在各方面, 包括學習態度方面都較出色, 成績也更理想.
4. 最後, 分享一下我的打算. 我會讓女兒讀國際nursery, 後轉傳統kindergarten, 平時多給她學習英文的機會, 最重要是引發她對英文的興趣. 以現在一般小朋友的聰明智慧, 及現在學英文充足的資源來看, 我有信心他們一定可以學得比我們好的. 相反, 我對中文既前境沒這麼樂觀, 可能子女大了中文會唔鹹唔淡, 所以我會很用心地培養他們的中文能力.

karaqueenie

就係而家呢個年代, 好多家長都話要小朋友學好兩文三語, 所以先搞到d私立幼稚園年年加價, 反觀d學卷幼稚園就平一平都吸引唔到人去讀, 其實母語就日日都講架啦, 反而英文/pth就係少機會用所以先至難學好, 同埋吃香d

gigiwin888

我同樓主唸法一樣, 想個小朋友英文叻, 我都只係揀一些幼兒園/幼稚園有net, 一日起碼有1.5 hours 英文的幼兒園學野, 因為我覺得在家一定無可能全英,  因我和c6英文唔叻, 我都驚講錯, 所以希望仔仔係英文的幼兒園/幼稚園環境下, 每日都可以講和聽, 雖然係貴, 但我覺得係值得, 我絕對不是有錢人, 只係覺得俾4千幾元, 學英文比有學卷的幼稚園多(當然有好多有學卷的幼稚園非常好, 但唔多net) , 我寧願自己慳都唔想慳阿仔
我父母好錫我, 不過父母個陣唔識安排我讀書上的事, 只覺得有書讀就可, 是但讀一間都可以出人頭地, 但我做野見過好多叻人後, 先發覺真係出名的學校出來的人係叻d, 所以名校咁多人爭讀係有原因

nataliepsc

我個女讀完k2點知考到入國際學校讀pre-grade one, 好開心, 打算讀一年再作打算, 不過o係報直資時就3間無一間可以2nd in, 雖然佢spoken english 都ok (只係讀左3個月international school) 亦可以自己睇容易既英文書, 佢仲講番interview內容我聽, 我覺得都答得好好, 但我估好多有名小學都好重視中文, 所以如有些bk parents所言, 我地而家絕對係兩頭唔到岸, 希望呢個唔成功既例子你可借鏡

Charlotte_mom

我都覺得PTH係非常非常重要的, 而家我地出地搵食, 打開份報紙, 90%既工都要識普通話, 廿年後........唔識PTH我怕好難搵食
有另一個TOPIC講PTH, 得閒去睇睇:
http://forum.edu-kingdom.com/viewthread.php?tid=2254781&extra=page%3D2
以前唔知訂, 唸住學校係咪普教中, 有咩大不了, 多D機會講姐........而家比較多左, 好興幸當初"符符碌碌"揀左間PTH水平高既學校, 以後擔心少一樣

原帖由 karaqueenie 於 10-11-22 03:34 PM 發表
就係而家呢個年代, 好多家長都話要小朋友學好兩文三語, 所以先搞到d私立幼稚園年年加價, 反觀d學卷幼稚園就平一平都吸引唔到人去讀, 其實母語就日日都講架啦, 反而英文/pth就係少機會用所以先至難學好, 同埋吃香d ...

oooray

原帖由 karaqueenie 於 10-11-22 15:20 發表
我本身target個女, 開頭讀IS 的主流班, 我唔需要佢的英文好到好似native咁, 但係因為好似tsl/cky呢d學校, 都係用英文interview,我唔想佢連本身interview溝通果part都搞唔掂(其他都係睇佢自己的臨場發揮), 如果一個好 ...

有d人weekend去IS(好似AIS)番英文班。持之以恆英文水平一定有長進；$$$又冇咁"拿利"。
PTH可以搵人番屋企一對一浸；一兩年必有效果。

小曳人

原帖由 greenshoot 於 10-11-22 15:21 發表
2. 如果因為讀了六年國際, 而把學中文變成一個painful既過程, 那代價太大了. 因為中文可令子女更明白父母既文化, 價值觀等, 它不是只是一個工具. 相反英文是一個很有用的工具, 但不是我們的"根".

絕對認同!
英文係緊要~ 但係中文更重要! 唔係要你唔去學英文, 只係如果家長都唔重視中文, 第時到中小學時就仲痛苦!
所以~ 兩文3語都好緊要, 可以的話, 揀一間各方面平均嘅學校!
英文唔夠好~ 無外國人會笑, 唔知大家無試過同一個白人傾計, 佢同你講純正普通話, 但係自己就唔敢講(怕出醜), 唯有同佢講英文呢?  慚愧c~

sheffield

搞清楚，不是所有私立的都著重英文…有部份有學卷的更是大家爭崩頭想入的學校…
母語雖則係日日都講，但中文書寫不是就讀/寫你口講出來的！而識講亦不等如識寫…再者，莫講話寫，我地連講中文都常有語法錯誤！我在香港讀書，普通中小學，中五去左加拿大讀6年書，雖則英文唔係非常好，但見外國客時客人會問我係邊到黎…我想相信如我寫簡單的中文文章和一篇簡單的英文文章，中文的錯字和語法錯誤應會比英文的那篇多…中文是我的母語！我好彩去左外國讀書，但冇去外國的表妹(還有很多香港讀書的人)在香港考到好的中學，英文比我的更好(寫和講)！他們都沒有讀國際幼稚園的…
都係果句，學外語係長期的，3歲開始讀3年英文，每日只有3個鐘，3年後就唔冇左個英文環境，唔好期望小朋友會keep到，唔用就唔會記得架啦！
如你話辛苦d就可以幫到個小朋友學到keep到一世嘅英文，就算我唔食我都會比佢，但好辛苦(可能係要慳埋佢學習其他野嘅錢)而又唔能夠幫佢學好耐嘅話…我覺得唔值囉！

原帖由 karaqueenie 於 10-11-22 15:34 發表
就係而家呢個年代, 好多家長都話要小朋友學好兩文三語, 所以先搞到d私立幼稚園年年加價, 反觀d學卷幼稚園就平一平都吸引唔到人去讀, 其實母語就日日都講架啦, 反而英文/pth就係少機會用所以先至難學好, 同埋吃香d ...

Charlotte_mom

我而家日日就係咁 , 我老闆係一個識流利普通話既美國鬼, 我真係好羞家
最近轉左大陸股東, 仲要成日有來往, 今次真係頂硬上喇
我會覺得, 人地本來一粒字都唔識睇, 咁辛苦學到比LOCAL CHINESE更好, 而自己作為中國人, "天生"就識睇中文都攪成咁

原帖由 小曳人 於 10-11-22 04:42 PM 發表
英文唔夠好~ 無外國人會笑, 唔知大家無試過同一個白人傾計, 佢同你講純正普通話, 但係自己就唔敢講(怕出醜), 唯有同佢講英文呢?  慚愧c~

ho_yan2406

我同樓主,gigiwin888的想法差不多,請容我分享下自己的想法:
除左有間附近屋村幼稚園做back up之外,我同個仔報既都係d英文/冇學劵的幼稚園(因為之前o係度問人話有學劵既就少d英文,可能一星期一堂,可能幾堂,我覺得唔夠),但我冇諗過國際學校,因為我唔想個仔d中文唔得(我有學生讀國際幼稚園,小學轉英文小學,到而家中學,d中文都係差過人,係佢mama講,佢mama本身係中學中文教師...
我好貪心,想個仔2樣都ok,同埋我揀學校前會睇左佢收費先,負擔到先報...
我自己o係佢課餘時間因要返工,唔會得閒帶佢去上英文班,而我又計過一星期上幾堂都千幾2千,仲要計埋時間,車錢(我老公成日話時間=金錢)......咁加埋加埋,去有學劵的幼稚園+出去學英文,可能仲貴過我報英文幼稚園,同埋我唔想佢咁細個就日日都要去返學...
我想佢可以多d接觸英文(而家上緊playgroup都係NET教),由細開始接觸,至少唔會怕左英文,唔覺得學英文係件難事~(我有學生話好怕英文,佢d英文唔好架,當然唔會人人都係咁)
我知一日3個鐘係唔夠,(但點都好過一星期得3堂吧?)我都唔係乜都靠晒學校既人,我自己會教佢野,佢由細到大我都主要同佢講廣東話,因我自己d英文唔叻,唔可以用全英同佢溝通~
我知除左英文,普通話都好重要,所以亦諗過英普班,但有2間都要pm先有英普,我又想個仔讀am我可以湊佢返放學,有一間又要interview時用普通話,老公又唔會得閒陪個仔去in,我又唔識既,所以冇報,又問過老公意見,佢話普通話屋企有人教,咁所以呢樣野唔太擔心~
我唔係話屋村幼稚園唔好,其實好多都有好好既口碑,只係...如果咁少英文堂,我個人覺得唔夠~
所以揀邊d幼稚園...我覺得都係睇你想點既者,如果你覺得$方面有問題,就唔好勉強,頂多自己帶多d佢去圖書館借多d英文書睇,我唔認為屋村幼稚園+粵語父母=成世英文差,好多野都講個人既,就算我而家俾個仔讀到英文幼稚園,我都唔會肯定佢第時英文叻,只係我想盡我能力,俾好d既野佢者~
我同細佬就係屋村幼稚園+粵語父母既環境下成長,我自己係冇心向學,所以成績不嬲都麻麻,但我細佬由三年級開始就考頭三名,年年都上台拎獎學金,唔駛補習,HKU畢業做幾年儲錢去英國讀master,而家返左黎一邊做野一邊o係CU讀多個master(佢最想讀埋博士).....大家都o係同一個家庭成長,點解佢叻我咁多呢?我得大專畢業咋~haha~~~所以好多野都係睇個人架~~~我地做父母既,最緊要量力而為俾最好既俾子女啦~~
以上純粹我個人意見,不喜請勿插....

tantanmama

原帖由 ho_yan2406 於 10-11-22 20:06 發表
我同樓主,gigiwin888的想法差不多,請容我分享下自己的想法:
除左有間附近屋村幼稚園做back up之外,我同個仔報既都係d英文/冇學劵的幼稚園(因為之前o係度問人話有學劵既就少d英文,可能一星期一堂,可能幾堂,我覺得唔夠 ...

你嘅諗法同我一樣呢. 我係屋邨幼稚園+小學+中學+父母唔識英文. 雖然我都有學位, 亦可以用英文同外籍人士溝通, 但自覺英文真係唔夠好. 曾經好仔細諗過點解自己英文唔夠其他大學同學好, 發現係自己細個時冇一個英語學習環境, 自己又不懂得學英文的有效方法, 於是從細就好怕英文. 我唔想我個女同我一樣, 所以我都選擇咗英文幼稚園, 另外亦會請私人普通話老師教佢.

Joeff

首先，英文好代表乜先？品格高？前途好？......定係俾外國人問路唔會口窒窒？

依家咩嘢年代呀，個個都為咗學好中文，移咗民嘅都掟番d仔女番嚟讀書啦。我都係13歲移民，嗰度要仲學法文。我好記得嗰老師同我講，佢覺得中文係全世界最最最難學好嘅語言，就算俾你講得好，都唔會寫得到......佢好羡慕我地中國人！我媽咪就夠前膽喇，要我睇金庸學中文，佢話中文將來會係世界嘅主流。我返到嚟都好奇怪，點解响HK讀到大學畢業嘅中文會比我差咁多嘅呢？原來個個都側重哂去英文，搞到兩頭唔到岸。

我想問，你見到外國人講幾句中文，係咪覺得好驚喜，認為佢地好叻呢？我响嗰邊嗰陣，佢地見到我地會講英文／法文，一樣覺得好「AMAZING」，跟本唔會介意我流唔流利，有無口音。反而，佢地會好奇怪我地點解會唔識PTH，唔係所有中國人都應該識咩？

講Native English, 只不過係個人心理關口，覺得好似高一班。出嚟做嘢，係睇你個辦事能力，應變處理，當然仲有人際溝通能力，但係無乜老闆會睇你係咪講得純唔純正㗎喎......除非你應徵做英文教師啦。