- 在線時間
- 79 小時
- 最後登錄
- 13-7-15
- 國民生產力
- 163
- 附加生產力
- 11
- 貢獻生產力
- 0
- 註冊時間
- 07-7-17
- 閱讀權限
- 10
- 帖子
- 22
- 主題
- 6
- 精華
- 0
- 積分
- 196
- UID
- 148058
|
我囡囡而家係美孚朗思讀緊N班,我無特別原因要幫學校講好說話,不過想同大家分享一下我對呢間學校既睇法.
因為近我屋企,唔想阿囡咁細個就要搭太耐校車,所以就揀了呢間.今年有1800個申請,同九龍塘d學校比,實無得比,不過我個囡囡返左Think後,佢鐘意呢間學校既程度,係我始料不及的. N班有個中文老師做班主任,每日都有外籍老師,普通話老師既課,不過分別係大約15分鐘左右.其實九龍塘好多好出名既學校,都未必可以做到日日15分鐘普通話,呢一樣野,我好欣賞Think做得好好!再講,雖然阿囡每日只係得咁短時間接觸普通話,但佢成日係屋企唱學校教既普通話歌,粵語歌就更加唔使講,再加埋英文兒歌,我個囡成日係屋企好似開個人演唱會咁
講老師,可能我個囡遇到個好老師,佢勁鐘意個班主任,係又敬又畏又愛個種. 佢地學校有一個policy,就係8月N班開校o個個幾星期,班主任日日都會打電話俾家長講小朋友在校既情況,因為小朋友太細,怕家長擔心,呢一樣野要讚!!! 當小朋友返慣左學後,當然就無電話啦,但如果你有問題,可以主動打電話去搵班主任,我未試過有一次無人覆我!!! 次次打得通,次次有人覆!!! 就連佢地既主任,我都覺得好好,事源有一次阿囡唔知係邊度搵到舊野塞左入鼻(好可能係校車),我知道後向班主任查詢,之後連校園主任都好緊張再打電話問我詳情.仲有,有一次家長講座,我同老公一入學校,d老師已經講得出我係邊個邊個學生家長,勁!!! 唔止我一個係咁,我眼見每一個家長入黎,佢地都好似已經將我地記晒入腦咁!!!
仲有一樣野係我最buy佢地既,就係佢地好有心辦學! 學校壁報時時換,吸引小朋友學習. N班咁細個就有家訪(帶小朋友去同學仔屋企家訪),又有聯校運動會,又會時不時帶小朋友去麵包舖,超級市場參觀&購物,仲有,好多親子習作,活動,eg.中秋節要著中國衣服返學食節日食物,萬聖節搞左個時裝表演,黎緊聖誕節又有一個大型表演(我估大型,因為要收服裝費用,又會製作dvd),以上既活動,全部都會邀請家長參與. 據我所知,九龍塘個間Think,係無搞呢d活動既,而且家長亦無得參與!
我今年有幫個囡報考其他幼稚園,但其實我好掙扎,因為去九龍塘返學,來回都要成1.5-2個鐘,好肉赤要佢搭咁耐車. 但九龍塘d學校係升小學方面始終有優勢,所以我最後都係俾左美孚Think既留位費,因為仲未決定走定唔走 見個囡咁鐘意而家呢間學校,就好擔心佢轉左校之後,會開始唔鐘意返學,唉~~~
一句講晒,雖然呢間學面積係唔多大,學費又真係幾貴,但勝在老師有heart,可以令小朋友咁熱愛返學(我個囡為左有得返學,夜晚主動去toilet刷牙入房瞓覺),我對呢間學校,真係心存好感!!!
[ 本帖最後由 sharkcaca 於 10-12-2 12:46 編輯 ] |
|