我個仔返playgroup發狂!到時返幼稚園點算?

catlover2001526

佢而家剛滿兩歲!每星期返一次playgroup，一位家長陪同一起上兩小時!
佢可以有本事狂喊，喊足兩小時! 第一堂我地已經兩個一起陪佢，佢非常非常抗拒!第二堂我地都係兩個一起陪佢，結果還是一樣!第三堂個老師話佢情緒太激動，叫我地帶佢出課室 ，係校內既有蓋playground度玩!(實情係佢嚎哭聲大到令老師不能上課，因為佢把喊聲超大......)

如是者，第四堂我地放棄無再帶佢入課室，點知第五堂佢仲退步到連學校門口都唔肯入，佢同我老公係學校門口爭持左成個鐘! 本來我老公想抱起佢行入幼稚園，點知佢用條腰向後咬，又來回向左向右狂擺，結果要放返佢係地面，如是者大家拉來拉去，期間佢不停喊住話「驚驚」、「唔返學」，直至我話你一係行入學校，一係上對面個警察叔叔架車，佢先話返學，但係仍然一路喊，一入左去就疲倦到睡著了!

我都唔知佢驚咩!問佢佢又亂答，一時話驚哥哥(佢係呢班8個小朋友入面係最大果個!)，一時話驚唱歌(佢地一排隊就唱﹕踏步!踏步!寶寶要踏步......)，一時話驚貓貓、狗狗(幼稚園當然無貓狗，而且我屋企養貓，佢又成日行街時見到人地放狗話要同狗狗一起行!無可能係呢個原因，佢胡說! )
補充一點﹕如果係係幼稚園既PLAYGROUND玩，佢一D問題都無，即使同場有其他小朋友玩，佢都唔會話要走/驚!

令我最頭痛係佢唔係好似其他小朋友咁喊兩喊飲泣就算，佢可說係進入瘋狂狀態，勁大聲喊、坐然起行發狂向幼稚園反方向狂奔!如果你摟著他唔放佢走，佢就一路喊一路跳 ......而家上PLAYGROUP係有父母陪住上都係咁，下年9月，即係10個月後就要自己一個返幼稚園一個人上堂!我都唔知點算??????????

我歸結出我個仔係有齊下列3大條件下就會發狂﹕
1. 係一個室內環境
2. 有一班大人同小朋友
3. 我地同別人之間會有互動

我曾懷疑佢有「幽閉恐懼症」，但係佢搭LIFT又無野，仲主動撩同LIFT既人玩!係幼稚園，我帶佢入一個空課室，佢自己一個玩玩具，完全無問題!但係一聽到班小朋友唱歌及排隊入黎，佢就即刻好似日本仔打到黎咁放低玩具衝向我身邊一路喊一路話要走......

各位有無類似既經歷? 點做先好?   有無人個仔都好似佢咁激? 返左幾耐學先適應?

[ 本帖最後由 catlover2001526 於 10-11-16 15:17 編輯 ]

Capricorn2521

我以前帶亞仔返playgroup有個小朋友都類似，不過以乎你亞仔勁d。我記得第2-3堂佢媽咪比支飲管佢咬住，就可以靜下來，但仍不投入，要黏著媽咪。

原帖由 catlover2001526 於 10-11-16 15:15 發表
佢而家剛滿兩歲!每星期返一次playgroup，一位家長陪同一起上兩小時!
佢可以有本事狂喊，喊足兩小時! 第一堂我地已經兩個一起陪佢，佢非常非常抗拒!第二堂我地都係兩個一起陪佢，結果還是一樣!第三堂個老師話佢情緒 ...

kp_sin2001

基本上你個仔可能係極到要保護嗰隻, 咁都幾麻煩, 唯一既方法, 就係平時要帶多啲去兒童遊戲室玩吓, 等小朋友感受吓同人一齊玩既感覺先, 其次, 上playgroup最好係父母不在場情況進行, 當然小朋友會勁喊, 但這係要訓練獨立既最好方法, 始終小朋友重細, 要慢慢嘗試, 今日喊2hr, 第二日可能喊個半鐘, 慢慢喊, 自然會無事, 因為我個仔都係咁, 哈哈...

CHERRYJUMP

我囝囝現在兩歲半,十一個月大開始一個星期返五日PLAYGROUP,每日大約一小時多...一向都是投訴人物....所以我都覺得好煩....囝囝一有唔想做的事情同你個囝囝一樣會狂擺身體狂踢狂叫.....重會用鐵頭功....我隻牙都比佢"藏"Y左.....但係當我個囝正常的時候多D同佢講去邊度做D乜....例如:返學的小朋友好叻嫁,你可以有好多同學仔同你一齊玩,媽媽會同你一齊,老師同媽媽一樣都會好"石"你嫁....
我個囝今個月開始返兩歲班....頭三日分手時都勁發狂....之後三日只喊左三分鐘.....而家自己跑入學校....望都唔望我啦....還有一個方法:你可以影低佢返學果個環境同人物....平時不停咁比佢睇...你一路講...又或者你同家人睇或講....等佢留意到你地講....等佢唔會咁陌生....我個囝囝有效...你要加油阿!!

catlover2001526

好多謝你既回覆!
終於找到有相同遭遇既媽媽了!

請問你囝囝係咪由11個月大返playgroup返到兩歲半都係咁? (即係有年半都會發狂?) 直至最近返K1先無野?定係返左一期Playgroup就停左到最近先返學?

我個仔真係到左化境! 佢今日只係行去隔離村飲茶時途經佢考入左果間幼稚園(11年9月先返學!但係佢去左兩次，所以知道係學校!)佢離成條街望到間學校，佢即刻唔肯行及蹲下，直至我再三保證唔駛入學校佢先肯行......

可否分享吓你點令你囝囝換校服及戴上名牌返學?
因為我估我到時又要為左呢兩樣野同佢搏鬥!
再三感謝你既分享!

原帖由 CHERRYJUMP 於 10-11-16 23:49 發表
我囝囝現在兩歲半,十一個月大開始一個星期返五日PLAYGROUP,每日大約一小時多...一向都是投訴人物....所以我都覺得好煩....囝囝一有唔想做的事情同你個囝囝一樣會狂擺身體狂踢狂叫.....重會用鐵頭功....我隻牙都比佢" ...

fatsum

你唔洗太擔心.

我阿b兩歲返playgroup時又係咁, 我同老公心諗點返幼稚園.  可能小朋友唔鍾意個環境.

佢返nursey, 老師話佢ok喎, 而家仲超鍾意返學.

我地一陪阿b上堂, 佢就失控, 阿b自己上堂, 就正常過正常.

samava

我bb 20 個月, 而家上緊個playgroup, 有個同學仔有類似行為，不停狂喊同走來走去。媽媽同婆婆都有陪上堂，頭2、3堂係咁，之後就開始習慣同埋聽老師指令, 可能人數少d, 得5個，佢開始投入玩遊戲。

原帖由 fatsum 於 10-11-18 12:50 發表
你唔洗太擔心.

我阿b兩歲返playgroup時又係咁, 我同老公心諗點返幼稚園.  可能小朋友唔鍾意個環境.

佢返nursey, 老師話佢ok喎, 而家仲超鍾意返學.

我地一陪阿b上堂, 佢就失控, 阿b自己上堂, 就正常過正常. ...