請問有冇可以增強小朋友自信心的興趣班介紹, 唔該!

siu_mei

我個小朋友今年4歲, 性格比較內向、怕醜, 對陌生人講話時總是低下頭、細細聲咁, 請問有冇一些課程可以訓練/幫助增強小朋友的自信心? 唔該.

KK

原帖由 siu_mei 於 10-11-16 14:14 發表
我個小朋友今年4歲, 性格比較內向、怕醜, 對陌生人講話時總是低下頭、細細聲咁, 請問有冇一些課程可以訓練/幫助增強小朋友的自信心? 唔該.

小朋友年紀還小，可能返左學，情況會有改善。
如果佢喜歡畫畫、陶瓷、手工藝都好，可以給他發揮創意、接觸其他朋友…作品完成後，我們做家長又可以順便讚美一番…增加自信。

siu_mei

KK,
謝謝你的回應, 其實小朋友已經讀緊K2, 每星期會有一日放學後去上畫畫班, 佢很喜歡學, 很開心, 但怕醜的性格始終冇乜改善, 就算面對熟悉的同學仔, 亦顯得很怕醜, 唔敢大聲說話.

Happie

玩! 玩! 玩!  同熟人玩多D!  例如同學, 表哥, 表姐, 堂兄姊妹..... 幫佢建立社交圈子..... 通過同熟人玩, 真性格發放, 無所拘束.... 家長多加鼓勵 (慢慢來, 有D小孩要時間warm up, 急不得), 同佢地玩埋一份, 有時家長扮"水疲"(令佢輕鬆) ...再進而小孩會敢於用說話表達自己, 真我.  

故事班 /speech & drama -小孩大多喜歡聽故事, 聽多d益志有趣故事, 繼而鼓勵佢講故事, 角色扮演......有d有服裝, 幾好玩.  在家中自己攪亦可.

朗誦 - 如語言發展不錯的話, 學朗讀/朗誦.  在學習中可加強自信心.  訓練表達, 運聲, 運氣, 好似講故事, 學習述說, 如何感染觀眾......是一個很好的活動. 如小孩未ready出外參加朗誦班, 在家中先行嘗試, 家長要加倍耐心指導, 多多多多些讚許和鼓勵.

我相信每個孩子都是獨特, 多d愛心, 讚許和鼓勵, 小孩的小宇宙就會發揮出來. 加油!

Happie

仲有, 平時家長主動在小孩面前同人早晨! ee你好!  唔該!  多謝! 鼓勵小孩跟你一齊做. ......學習order食物, 到超市選取用品, 付款, 日常的隨機學習.  家長在日常的生活情景實行隨時教學.  簡單, 易做, 易學.  多多多多些讚許和鼓勵.

我常用肯定, 讚許和鼓勵對待孩子, 效果很好!