怎樣做大仔 ?

liwp

我個囝係 0810 細仔,  佢已經响 11 月入讀 PN,
如果想佢做大仔, 等佢上小學時學得輕鬆啲,
是否比佢重讀 k1 ?
請有經驗家長給我意見, thank you.

leeyin

我仔10月出生, 選擇了k3重讀, 等佢學多d野, 我唔選擇k1重讀, 因為覺得無咩用, 不過重讀第2年k3時, 一定唔會比佢讀原校, 要顧及小朋友感受, 因身邊一起3年的同學已畢業~

whywhywhywhy

我覺得k1,k2重讀好d，如果k3先重讀，小朋友見個個同學仔畢業只係要再讀k3，會令小朋友不開心，而且小朋友越大個重讀，思想上又成熟，更加明白自己係俾別人大個，同會問自己點解要重讀，係咪自己無別人咁叻呢？

leeyin

我個小朋友又唔係喎, 佢仲好開心, 我係佢升K3時就同佢講, 你因為比同年的同學細好多, 媽媽想你叻D, 又唔想你升小一時追得太辛苦, 所以想你去第二間幼稚園讀多一年K3, 等你個底打好D, 上小學好好多架, 之後上年仲同佢參觀現讀既幼稚園~
今年比舊年好好多, 又識背講英文生字, 寫字又快好多, 如果今年9月比佢勉強升小一, 字唔識多個, 又未有心理準備, 未必會好~
其實最重要係家長覺得小朋友能力得唔得, 如果覺得OK, 咪比佢做細仔升小一, 如果想佢心理同能力好些才讀小一好, 咪讀多一年囉, 遲一年畢業同工作, 我就覺得無咩所謂^^

phoebemama

我都認為 K1重讀會好d.

原帖由 whywhywhywhy 於 10-11-30 00:31 發表
我覺得k1,k2重讀好d，如果k3先重讀，小朋友見個個同學仔畢業只係要再讀k3，會令小朋友不開心，而且小朋友越大個重讀，思想上又成熟，更加明白自己係俾別人大個，同會問自己點解要重讀，係咪自己無別人咁叻呢？ ...

Lilo

樓主，咁你小朋友考到K1未？如果未有心儀幼稚園收，不如比佢遲一年先考幼稚園，因為好多幼稚園都鍾意收大仔/女。

leeyin

細仔的話K3時得5歲, 係我心目中都仲好細, 如果你想佢學術上好些, 咪比佢K2或K3先讀多一年囉, 驚佢唔開心咪轉幼稚園讀囉, 我小朋友以前個英文老師都係咁做, Ｋ1讀多一年可能佢唔知咩事, 唔開心方面唔使理, 但, 你想佢讀多一年的意思係, 想佢個底同旉心智成熟一些, 只是想佢做大仔, 識多識小都不重要呢?
我諗係呢方一面親身經歷過的家長, 係最深刻清楚^^

Lilo

如果佢返學跟到，而且考到心儀幼稚園，我覺得又唔使一定為做大仔而重讀，我自己個小朋友係11月添，但係佢讀幼稚園時，k2&3都有攞奬，其中一個仲係學業優良奬，去年升小一又有攞學業奬，加上佢生得好高大，一d都唔似細仔。不過你要預左佢地筆會差d，寫字都幾激氣！

Lilo

如果佢返學跟到，而且考到心儀幼稚園，我覺得又唔使一定為做大仔而重讀，我自己個小朋友係11月添，但係佢讀幼稚園時，k2&3都有攞奬，其中一個仲係學業優良奬，去年升小一又有攞學業奬，加上佢生得好高大，一d都唔似細仔。不過你要預左佢地筆會差d，寫字都幾激氣！