請問家長會信自己OR信小朋友多D而選擇學校????

luiflora

請問家長會信自己OR信小朋友多D而選擇學校????
我上年第一志願是:沙田樂基,放棄了全部9龍塘學校.今年抱住八卦心態去in SC & KV , 只報兩間,純粹想見識多過想轉校,但回家後仔仔講到今早都仲講佢唔返樂基要返KV,問佢點解,佢又講得出,有大樹有天空有魚有鳥有沙有..........課室大好舒服.....好多字(仔仔係喜歡睇書).....佢話樂基悶成日都唱個D歌(仔仔比較學野快,老師們都讚佢聰明)我其實覺得樂基教學好好的.......

今次死唔死???捉蟲!!KV真係收左佢Am班!!如果係你,你會點做???謝謝!!

[ 本帖最後由 luiflora 於 10-12-1 11:45 編輯 ]

w_y

未睇你個CASE 我會答你:信自己.
但樂基, 唔計車程遠近, 仲有咩吸引你? 英文嗎? 我唔熟呢間學校. 我作為家長角度, 根據你寫, KV 似乎幾岩你仔喎. 鍾意睇書, 環境又幾好.

NICOLE123

原帖由 luiflora 於 10-11-12 10:22 發表
請問家長會信自己OR信小朋友多D而選擇學校????
我上年第一志願是:沙田樂基,放棄了全部9龍塘學校.今年抱住八卦心態去in SC & KV , 只報兩間,純粹想見識多過想轉校,但回家後仔仔講到今早都仲講佢唔返樂基要返KV,問佢點 ...

如果kv收.我會比仔仔入kv 因為佢喜歡之餘又唔係差 (其實係好啦)既學校 點解唔比佢讀 ?

monkey05

我也會答你 : 信自己.

試問有邊個細路唔鐘意去公園, 一樣又大, 有鳥, 有樹, 有風, 有陽光. 呢d 野當然好吸引小朋友.

你個仔而家是n 班, 課程上唔會有太多"字", 朋友的孩子讀別學校的n , 也是唱歌, 玩玩又一天.  

你要問自己想要邊類教學法, 同個小朋友受邊類多d來作選擇.  有時就係各有各好, 所以咁多父母要小朋友番兩間幼稚園囉.  hk 咁多幼稚園都唔係差, 唔通係轉去讀曬佢咩. 你找找學校的理念同teaching approach 來為自已找答案吧.

qqbabe

我會信自己, 父母會睇得長遠d, 點樣計劃佢升學同資源時間等配合. 其實當初你選擇時都知學校冇戶外設施, 點解而家先覺係缺點? 不過如果你自己覺得kv>hkps, 咁轉就理所當然.

sheffield

信自己，亞仔感覺雖然重要，但到佢去到KV就可能會發現天下烏丫一樣黑…當然，如果你都覺得KV好同適會佢，咁就梗係去KV啦！(比我我都揀KV)…

haydenden1023

我唔識計長遠
如果kv收左你個仔
我會比佢轉

如果去d差過而家o既學校就唔比佢去

我有一個朋友
佢個仔本身係叻
媽咪唔想佢o甘辛苦, 希望佢讀普通d學校(唔太多功課)
點知interview時, 一d都唔答
最終有一間好深o既學校收左 (個小朋友in得好好)
而家都讀得好好, 好開心~~

我會信個小朋友
o個日佢in培道特別坐得定同開心
如果培道肯收我都比佢讀

[ 本帖最後由 haydenden1023 於 10-11-12 11:55 編輯 ]

Step_C

我個女同你相反, in完kv&sc, 佢都係話鍾意hkps(ascot), 尤其in完kv時, 佢係好清楚表達話:"我唔鐘意呢間學校!"

考慮時我會include我女意見, 俾個weighting (個weighting都幾重), 雖然佢得個兩歲半人仔, 但始終讀o個個係佢, 我覺得要佢開心先學到野! 再者呢幾間學校都好好, 讀完出黎唔會差得去邊!

[ 本帖最後由 Step_C 於 10-11-12 12:04 編輯 ]

Bubusi

我個Case同你一樣，今年都in了KV, 如果真係收左我都有排煩, 唔知點選擇!

又唔捨得現時的學校, 但又想轉, 因呀仔對中文都好有興趣! 想問一問真實kv的校學方法是否很深呢? (我是勤勤媽呀)

monkey05

是的, 其實各有各好, 讀完出來是不會差得去邊呢句真.  

如子女是讀開hkps 的家長會知佢地優勝的地方在那兒, 不是呢間學校的家長會覺得kv 名氣大一點, 呢個係事實, 點樣先叫做kv 一定好過hkps, 是不是歷史久同大校就叫好過呢 ?
如去到kv時, 無咩節日party, 小朋友又會唔會好掛住以前的日子呢 ? 真係要行到果步先知.

到上到k1以上, hkps 一樣教唔少中文.  佢地教中文字的方法也一樣令小朋友一點就明.  我是從小兒口中得知, 佢記得是有原因, 也不到我不讚老師的方法.

我只可以講學校各有各好.

pandabonita

我會信自己多d,但都要睇家長對子女'真係'有幾了解,當然如果小朋友話5鐘意就一定5會讀.

luiflora

勤勤媽,由於我本身無唸過一定要幫仔仔轉校,所以都不是100分了解KV教學,只知此校中文數學,德育品行好好.其它就不太清楚,老公小時是讀KV的.從他口中得知,因KV的功勞所以升上男小拔及中拔.老公愛讀書又聰明.仔仔性格都好似爸爸.不過老公就記得在KV日子中,不太開心.老師好惡好嚴.成日打小朋友手仔.所以我不太希望仔仔入KV.去IN,只是老公想去回憶下我又想八下.......但老公的KV時代已是36年前,現在是否一樣真的不清楚,有朋友說KV出名老師和學生關係好,又有朋友說KV出名老師好惡,即使現在也罰小朋友在花園外企....誰真誰假真的不知道!!

[ 本帖最後由 luiflora 於 10-11-12 17:43 編輯 ]

flyinwindhk

小朋友容易被外在環境吸引，且比較短視。作為家長，應自己多了解學校未來課程是否合適自己子女。
我覺得一間學校要好細心對自己小朋友才可。如果入到KV，小朋友又說不喜歡，那怎麼辦？又轉校嗎？
再說，讀書成廿年，你小朋友咁醒，升小可挑一些程度較深的小學。

我很感激BOXHILL，因為老師校長職員真係好好，但因為一心讀傳統學校，最近有幸去了HKPS，老師校長亦很有耐性(因為剛插班，哭足那麼久，老師仍舊忍耐)。我相信，這學校一定是好學校。

最後，KV收左先再煩吧!!!

kerkermui

舊年帶完恐龍仔去KV "玩", 佢就不停咁話要去紅色嗰間學校返學.. 講咗好幾次, 講到我又反思, 唔敢再問佢鍾意邊間學校之類問題
因為~ 你去面試啫, 都未知人家收唔收, 唔想講太多令小朋友失望/失自信
最後~ 都隔咗一輪先收到通知, 但就無再响佢面前提起成績, 因為老公話: 呢d嘢應該係大人決定嘅!

有日~ 佢再提起紅色學校, 我話咗俾佢聽, 其實學校想收佢, 不過爸爸媽媽幫佢做咗決定, 留番响原校~

flora, 唔好諗咁多喇.. 見步行步啦! e+都未有offer收到, 唔好自尋煩惱喇!

elmolly

舊年有同一個問題, 最後都係順其自然, 去到活動教學學校佢太靜可能又會輸蝕都唔定, 真係無人知.

monkey05

我覺得有幫助.  小兒現在的學校是行活動教學, 他讀了一年後, 性格的確外向了很多, 而家好 social, 也主動了不少.