仔仔話唔想返學, 點算?

lokwong

仔仔返學前班, 朝朝佢都唔肯換衫返學, 又話返學唔開心, 要好耐先出到門口, 點算?

NICOLE123

原帖由 lokwong 於 10-11-9 10:52 發表
仔仔返學前班, 朝朝佢都唔肯換衫返學, 又話返學唔開心, 要好耐先出到門口, 點算?

同老師傾下

sheffield

亞仔能唔能夠話到比你知原因？再同老師傾下佢學校嘅情況試找出原因再處理。如亞仔口講唔想返但返到學校好投入好開心，咁就可能係嗲嗲，唔捨得媽咪…或未瞓醒扭計…

mokstick

原帖由 lokwong 於 10-11-9 10:52 發表
仔仔返學前班, 朝朝佢都唔肯換衫返學, 又話返學唔開心, 要好耐先出到門口, 點算?

有無同小朋友傾下?我個仔之前都喊足3個月有多,佢上school bus無喊,但一番到學校就喊,日日番嚟都有淚痕,我問佢,佢自己都日日話有喊!問老師好多次,都係話呀仔因為掛住我所以喊!上星期我'tum'左佢好耐,話mami會幫佢,佢先講原來班主任好惡,我話幫佢轉學校佢話好,咁我叫佢interview要叻d......其實佢係細仔,所以我原本都想考多年,同佢講左之後,佢呢個week無喊la,interview仲好乖tim...

fleshmoon

我女女兩歲時返n插班, 都喊左成3個月, 成日話要媽媽/姐姐, 之後都無事, 現在喜歡返學了.
頭頭我們/家長好frustrate, 成日都唔知點算好, 想是否比女女咁快返n係錯, 之後無事就覺得唔係啦. 不過要留意你小朋友返家後有無發惡夢等不正常行為.

lokwong

仔仔都係10月插班學前班, 中間病左幾日, 而家返左20日度.
未可以返學前, 佢好想返! 但第一日返學後就喊, 之後幾日都喊... 二星期後無喊, 但就話返學唔開心, 唔想返學...
老師話仍需要時間適應, 我們只怕日子久了, 他從此不喜歡返學! 原本想佢早d習慣, 但而家.....

KarenChris

你地唔好咁擔心啦~!我仔仔都係11月夠2歲返N班,而家只係返左第7日,初初第一個星期由爸爸同我送佢返學,點知日日都喊到聲沙,唔肯著校服,唔肯落地自己行,連唔洗返學都勁摟~! 最後我決定交比婆婆接送,只係2日時間,佢已經乖乖地返學,係學校午睡(之前唔肯),唔會一見到我就摟~!  只係小朋友要嗲你地先會係咁,好快會適架喇~!
我開頭仲係度問自己係咪做錯左咁快要個仔返學,但經過依2日仔仔O既情況,只係對得我地太多, 太嗲之過~!
放心啦~!

sheffield

哦，原來係咁…
插班即係細仔？大部份小朋友都已settled down，只有你仔仔及個別的未…再加上病完(一般都會特別嗲)，返學相對的會不穩定。有些小朋友需要長些時間去建立信任和關係(同老師)，或許你個寶貝就低呢一類！
你同老師了解一下佢在學校嘅表現就知道佢喜歡/不喜歡上學的那部份。在家多點提及學校的開心事，又或者跟他一起唱唱學校教的歌。又可以讚下xx老師真係好，你都想跟佢返學…
試試上學前給他一點小鼓勵如貼紙或餅仔，讓他心情輕鬆點，告知返學叻叻放學時媽咪又會比多一個貼紙…幫他分散下緊張/注意力…
不要太緊張，你越緊張，亞仔都緊張埋，更唔想返…如快d同老師了解左佢係學校情況先啦！

原帖由 lokwong 於 10-11-9 13:18 發表
仔仔都係10月插班學前班, 中間病左幾日, 而家返左20日度.
未可以返學前, 佢好想返! 但第一日返學後就喊, 之後幾日都喊... 二星期後無喊, 但就話返學唔開心, 唔想返學...
老師話仍需要時間適應, 我們只怕日子久了, 他 ...

kitmantsoi

我仔仔0802都係咁, 由8月喊到上個月先停.
好在老師好好不停update我仔仔情况.仔仔因為太掛住我所以喊, 每日15mins 早操音樂開始先停,仲要老師拖住佢or sit next to him.因為學校有upload上堂D相, 見佢上堂係好開心笑, 但每晚佢都會話:"返學唔開心, 因為學校無媽媽."
最後我將D全家福放係佢書包, 再同老師講一掛住就睇.
三個月la, 終於有改進la.
我仔仔好感性, 適應力較差, 每個小朋友都唔同, 比D時間佢適應la.

lokwong

多謝大家嘅意見!
插班即係細仔？--佢唔大唔細, 係中仔0805
之前無想過要讀n班, 後來覺得成日係屋企好悶, 同埋想佢有群體生活... 咪做插班生law...

其實有d方法我都有用, 會再按大家嘅方法試試看... 希望仔仔快d話返學好開心, 連放假都要返學啦

potato081

我個女之前每朝都係話唔返學：你可以同佢講，如果乖返學學，爸爸放假帶你去街街（去d唔係成日去嘅地方）、玩SIR滑梯（一定唔好呃佢）。另外只可一個人送佢返學，如果父母一齊送，佢會以為你地去街街。

sakuralee

我覺得最重要係大人要堅持，講多d理由比佢知點解要返學，以佢角度講多d知佢點解唔開心唔想返學等等，話比佢知好快就會適應...比佢知佢係一定要返學，尤其是只係小小流鼻水，唔好少少野就話唔返學，因為小朋友好快就會知道扮病就可以唔返，讀n班你還可以由佢唔返，但到k1就不能，但如果係k班先堅持要佢返學就可能太遲了！

Julitham

我囡囡一開始返學時(8月)無扭計喊,仲話好開心, 最近上堂可能老師教"家庭",用咗我張相, 佢即刻好緊張仲喊晒, 呢幾日仲開始勁喊話唔想返學!!佢應該係要嗲, 我問佢如果媽媽同你一齊返學好唔好,佢即刻話好! 佢放學返嚟雖然佢有話佢自己有喊,但係屋企又無嘢又好開心咁周圍搵嘢玩...有無家長有經驗, 點解佢返咗3個月先嚟喊?? 唔知呢d case要喊幾耐呢??

lokwong

仔仔呢幾日開始有d改善, 唔係日日都話唔開心啦 , 佢知道爸媽要返工, 姨姨會同佢返學, 無人係屋企! 所以佢都要返學啦! 我同佢講學校有老師和同學仔一齊上堂, 唱歌, 玩玩具... 但係無小朋友嘅爸媽一齊上堂架! 佢好似明明地... 無要求爸媽同佢返學. 夜晚返去會問佢返學有咩玩, 同佢睇學校教嘅書, 唱嘅歌... 佢會開心一齊做...