我應該選邊段時間返K1

Roseyuen

我個仔到家仲未識講野, 其他學習都一般, 而且好好動, 而家有三間學校收左, 三個唔同時段, 全日, 下午同上午. 照個人意願, 想報上午班, 因為下午時間, BB可以瞓覺, 但因為我個仔係超級好動的小朋友, 返下午校應該好D, 因為小朋友人數少D, 老師放在每個小朋友的身上都好D, 而全日的學校的好處係, 我個仔唔係咁聽話, 希望透過老師可以訓練下佢, 但我個仔仲未識自已食飯(又唔喜愛食飯)同瞓覺, 如果返左全日真係唔知會點.

星期三前就要決定, 如果一次過留晒留名費, 都好金, 如果唔睇學校質素, 我應該點選擇呢? 好煩啊!

w_y

而家競爭大, 下午校唔代表師生比例會低D, 你要問清楚先. 如果你返工, 俾佢返全日啦, 學自理能力最好.

pandabonita

如你打算之後上一些興趣班，ｋｇ　ａｍ比較好，有冇考慮過ｅ＋去一間全日的ｎ班

NICOLE123

原帖由 Roseyuen 於 10-11-8 13:36 發表
我個仔到家仲未識講野, 其他學習都一般, 而且好好動, 而家有三間學校收左, 三個唔同時段, 全日, 下午同上午. 照個人意願, 想報上午班, 因為下午時間, BB可以瞓覺, 但因為我個仔係超級好動的小朋友, 返下午校應該好D, ...

下午有無人可以照顧小朋友 ?
如果有 我覺得番上午 下午再帶佢上興趣班

dolphinmama

其實你的孩子既然又好動又不願說話,又話自理都好差,你應該讓他上全日班,因為他能夠在學校的時間較長,試想想,他可能需要較多時間作warm-up,但反半日班,可以說熱身完就要放學,但全日就沒問題(注意,warm-up係指他的學習意慾),另外就是自理能力,你最擔心他不吃飯的問題,就讓學校給他肚餓的教訓,那麼他理論上是可以一日比一日進步了!

另外,很多較學術的興趣班都是4pm後(我知道的不多,但所知的都係咁),所以就算返全日都唔影響.
純個人意見,希望幫到你!