自閉症病徵

小B仔

剛被CAC 評估為輕微自閉症病徵, 知道時心情去到谷底, 不明白什麼叫輕微? 但是語言及智商是正常? 我有什麼可以幫到個仔? 是否要轉校? 很多的問題都一一浮現. 請問大家可否給我解答一些問題. 謝謝
1/ 阿仔是社交溝通弱, 去到公園會推人, 不鍾意同人地一齊玩, 人地玩緊D 咩玩具, 佢就行去攪人, 又唔鍾意排隊, 可以點做?
2/現在是否不用轉校 ?
3/ 他們的將來會是怎樣 ( 此是我最擔心的) ?
4/ 原本計劃生多個, 但現在我擔心下一個都會....應該點做?

besmart

1.How old for your son?
2. Any follow up by CAC? S or I or E seat?

原帖由 小B仔 於 10-11-4 13:00 發表
剛被CAC 評估為輕微自閉症病徵, 知道時心情去到谷底, 不明白什麼叫輕微? 但是語言及智商是正常? 我有什麼可以幫到個仔? 是否要轉校? 很多的問題都一一浮現. 請問大家可否給我解答一些問題. 謝謝
1/ 阿仔是社交溝通弱 ...

天天是晴天

你住邊區?我住九龍區,我個女情況都係自閉症,如果住得近的話,我們可以交流下

charisma07

我仔仔都係出現了特徵，智力正常，算是較輕微，又係不愛同小朋友玩，會推人，但就會主動同成人(即使陌生人)溝通。

我想第一你可從新了解"自閉"這個課題。傳統話俾我地知自閉無得醫，但現今的醫學絕對告訴我地知"Autism is treatable!"，自閉係可以治理，有些輕微患者成長後更十分正常，有社交、有婚姻、有工作，完全看不出童年曾有這個特徵。重點係童年要有及早並適當的訓練。香港普遍採用行為療法，外國則普遍行為療法+生物療法。

第二，轉校問題。我個人認為，這關乎學校與老師的包容性，若原本的學校明白小朋友的問題，有愛心和包容，唔會覺得小朋友純粹一般的洩，加上E位(課餘的早期訓練)，其實都係一個理想的配合。但亦有媽咪認為，可以先轉去I位幼稚園，(即使是I位裡的普通位)，因為那些老師應較包容和體諒。

第三，他們的將來。我想自閉患者中最有社會成就的係Temple Grandin，她現時為美國畜牧學博士，對美國的畜牧業很有貢獻，出產了許多畜牧學及研究自閉症的書，早前其生平被拍成電影。過去亦有外國研究顯示，一些很有成就的科學家，可能是輕微Asperger的患者(對此我有所保留，因為人都死了，無從證實)。

第四，根據www.autism.com提供，slibings同樣患有自閉症的或然率是5-10%。

另外，除了給小朋友治療外，我們可以多與其他同樣有這問題的媽咪交流，便會發現不再孤單和無助，而且她們有很多經驗和心得分享，獲益良多。

最後，我認為自閉症可以是沒大不了的事。這個症候會影響到生活，但影響不到生命的榮美和救恩，而且努力必有成果，小朋友日後的成就無人知。心存盼望，常存感恩，縱然有點辛苦，但向前看還是大路一條﹗

kelvin_hmlau

路過, 比d 意見.

1. 遂步教曉社交技巧.

2. 想轉去邊? 學校有無投訴?

3. 同上一個媽咪看法相同, 可以過正常生活, 雖然行為或語言可能有些怪異. 可能做教師, 發明家, 音樂家, 畫家等. 但不能做律師, 政治家等.

4. 上一個媽咪已說出機率. Go ahead if u want.

小B仔

Hi Charisma07

睇完你以下那段的回覆, 眼淚都不其然地留下, 真的只有我們這種問題的媽咪才能明白, 好多時旁人只有白眼,覺得小朋友無家教, 有時候都很矛盾, 好似去公園咁, 是希望給小朋友增加多些社交機會, 但係你一唔跟住佢, 又怕佢整到其他小朋友, 一有大人的介入, 小朋友同小朋友的溝通便沒有了.
阿仔今年3歲, 醫生給我選擇排早期訓練或混合位, 我選擇了早期訓練, 因暫時k1都未有大問題. 而且, 亦叫了醫生寫信給我排期看兒童精神科. 自己亦積極找一些訓練給他, 現在想試一下遊戲治療, 請問你有沒有介紹.
真的感謝你的鼓勵!!

原帖由 charisma07 於 10-11-4 23:37 發表
我仔仔都係出現了特徵，智力正常，算是較輕微，又係不愛同小朋友玩，會推人，但就會主動同成人(即使陌生人)溝通。

我想第一你可從新了解"自閉"這個課題。傳統話俾我地知自閉無得醫，但現今的醫學絕對告訴我地知"Autism is treat ...

charisma07

謝謝你的感動，不用流淚呢﹗我覺得兒子同我，跟一般的小朋友同媽咪一樣咁開心、咁享受生命。這亦是很有趣的關聯：當自己看小朋友如同正常的，佢的表現就好給你看。我常常見街上的人，看見我的小朋友，也覺得他很攪笑很可愛(其他人唔知細情，只覺得佢亂講野好攪笑)。當然我仔發脾氣時，就有人投下不滿的目光，但我知他們是未做人父母或未會包容，我不會介意，亦會藉此反思小朋友真係要再進步多點。

如果去公園玩有推人的問題，或者你可以去玩之前，先行同佢講規矩「不可推人，因為……若推人就點點點……」，一定要望住佢講到好細緻好清楚，佢地才會收到。若智力無問題，應可以講得明並控制得到﹗

遊戲治療係幾好的，可以教到父母如何藉著玩，教他規矩、增進表達能力、增進親子關係……我之前上的那個在屯門的非牟利機構，未知是否合適你，若需要我可寫下資料。

原帖由 小B仔 於 10-11-5 11:20 發表
Hi Charisma07

睇完你以下那段的回覆, 眼淚都不其然地留下, 真的只有我們這種問題的媽咪才能明白, 好多時旁人只有白眼,覺得小朋友無家教, 有時候都很矛盾, 好似去公園咁, 是希望給小朋友增加多些社交機會, 但係你一 ...

[ 本帖最後由 charisma07 於 10-11-6 00:17 編輯 ]

小B仔

多謝你地既鼓勵.
你地既小朋友做緊什麼既訓練? 是密集式的還是係一星期一,兩次?

charisma07

我而家做緊言語+職業+社交小組，全都在協康會，有好有唔好。