有無13/14年入學既想開始傾下?

eeb

我大仔係07年出世，而家K1，本身校網係35，正考慮試報邊間直資/私校。
(唔係讀"名"幼稚園)

renren

我本身都係35網,亞仔讀屋村學校,校長叫我不妨一試英華,我預左陪跑,可惜衰左.如果重頭開始,我會由K1準備.呢間學校好吸引,有機會要聽下簡介會,校舍大,學校肯投放資源响學生(大型評估活動,乜乜比賽,專科專教,管弦樂導師係管弦樂團成員,好PRO)總之係一個'活'既學校,個個係醒目仔.由K1陪養仔仔睇書,好發問,乖同聽話,英文要講多D,培養日常自理能力,唔要港童.我諗我仔輸在認字/英文唔得.今年佢既簡介會五月公報,我都係BK會員割愛讓位出黎,開左四場,四場滿座.所以有心的話出年早D留意

ac917

Hi eeb,
你好！我女07大B而家都係K1,策略係希望抽到理想的官津校，但會考私校打底；今年尚算輕鬆，聽聞學校出年開始比較忙碌，轉變較大，會有唔適應的情形出現，希望我女能一關一關地過，亦希望她能保持愉快的學習心情！
ac917

eeb

renren，
謝謝你的分享，我都要認真同仔仔睇多d書，唔好成日都係用一兩本故事書。

35網，如果唔係"o個兩間"，另外4間(女校唔關我地事啦)都唔差，當然，如果考到英華就緊係好正啦﹗

原帖由 renren 於 10-11-2 00:37 發表
我本身都係35網,亞仔讀屋村學校,校長叫我不妨一試英華,我預左陪跑,可惜衰左.如果重頭開始,我會由K1準備.呢間學校好吸引,有機會要聽下簡介會,校舍大,學校肯投放資源响學生(大型評估活動,乜乜比賽,專科專教,管弦樂導師 ...

eeb

hello,
你屬邊個網校?首輪有無心水?

我諗我都會同阿仔考幾間私校，亦會試下 DBS，如果都唔得，區內官津校多數都唔差(35網)。

你有無預備定d乜呀?我仔只係學下音樂(tom lee班 同學琴)，同埋平時放工儘量同佢玩多d。

原帖由 ac917 於 10-11-2 04:09 發表
Hi eeb,
你好！我女07大B而家都係K1,策略係希望抽到理想的官津校，但會考私校打底；今年尚算輕鬆，聽聞學校出年開始比較忙碌，轉變較大，會有唔適應的情形出現，希望我女能一關一關地過，亦希望她能保持愉快的學習心情！
ac917 ...

renren

eeb,唔使客氣.如果你考慮英華,俾亞仔參加一d朗誦班,音樂話劇班,等你仔仔習慣講野,表達多d,放謄d,呢間學校鐘意d小朋友主動表達.但主動得黎要有禮貌,唔好爭!面試有英文題,最perfect係用英文答番,所以呢項亦唔少得.參加一d閱讀計劃比賽,第時交profile有d'內容'.林校長好鐘意小朋友睇書架(到你仔仔時可能都未退休卦)

原帖由 eeb 於 10-11-2 10:39 發表
renren，
謝謝你的分享，我都要認真同仔仔睇多d書，唔好成日都係用一兩本故事書。

35網，如果唔係"o個兩間"，另外4間(女校唔關我地事啦)都唔差，當然，如果考到英華就緊係好正啦﹗


...

eeb

我仔就係超怕羞既小朋友，見到鄰居入lift會"捐"去我後面架 ^_^"

"有禮貌,唔好爭" -> 呢個暫時都好ok，我仔係文靜型。

睇多d書真係好重要! 今日就開始啦﹗

原帖由 renren 於 10-11-2 10:57 發表
eeb,唔使客氣.如果你考慮英華,俾亞仔參加一d朗誦班,音樂話劇班,等你仔仔習慣講野,表達多d,放謄d,呢間學校鐘意d小朋友主動表達.但主動得黎要有禮貌,唔好爭!面試有英文題,最perfect係用英文答番,所以呢項亦唔少得.參加一d閱讀計劃比賽,第時交profile有d'內容'.林校長好鐘意小朋友睇書架(到你仔仔時可能都未退休卦)

ac917

Hi 兩位，

我地住34網，原本一心諗住讀HY，但協幼唔收小女，又只得15分，所以正重申考慮策略；另外跟據renren的意見，正搵緊一些適合的courses，而家亞女有參加一些興趣班，但純粹興趣，對考小一應該幫助不多。

兩位的都是囝囝，可能策略會有點不同，不過仍很高興有這個topic，希望可以有多些分享。謝謝。

-ac917

renren

ac917,
我今年去左培道openday,轉左新校長,新校長應該係升上去既,好有教育熱誠,同埋佢地有女中.如果女仔會著數少少.不過學校細d同舊d.但如果讀得開心既,不妨諗諗.佢地預番70%學位俾幼稚園升小一,今年創價有十多個小朋友考到入去.如果去考名牌大熱女校,要加強對答及英文操練.

原帖由 ac917 於 10-11-2 12:03 發表
Hi 兩位，

我地住34網，原本一心諗住讀HY，但協幼唔收小女，又只得15分，所以正重申考慮策略；另外跟據renren的意見，正搵緊一些適合的courses，而家亞女有參加一些興趣班，但純粹興趣，對考小一應該幫助不多。

兩位的都是囝囝，可能策略 ...

siu_to

你地好呀, 我大囡都係07年出生, 我諗我應該係95校網(TKO)....

karen55407

呀仔今年K1，家姐間幼稚園唔收佢，家姐今年升上女校，呀仔真係要靠自己，打算幫佢大包圍報十間、八間，官津校都唔知揀邊間好，初步打算博吓德信喇！本來最心儀

eeb

家姐女校係官津定直私? 如果係直私，o個5分"大仔分"係可以過俾細佬架﹗

我暫時打算考4/5間直私，怕自己同阿仔都無心力考太多間。

原帖由 karen55407 於 10-11-2 12:28 發表
呀仔今年K1，家姐間幼稚園唔收佢，家姐今年升上女校，呀仔真係要靠自己，打算幫佢大包圍報十間、八間，官津校都唔知揀邊間好，初步打算博吓德信喇！本來最心儀 ...

eeb

另外，35網，黃宣小同千禧，你有無參觀過?感覺如何?

原帖由 renren 於 10-11-2 10:57 發表
eeb,唔使客氣.如果你考慮英華,俾亞仔參加一d朗誦班,音樂話劇班,等你仔仔習慣講野,表達多d,放謄d,呢間學校鐘意d小朋友主動表達.但主動得黎要有禮貌,唔好爭!面試有英文題,最perfect係用英文答番,所以呢項亦唔少得.參加 ...

car817ho

各位
我大仔要面對12/13既小一入學
而細仔就13/14..連續兩年都要面對考小一依關
我都好緊張, 唔知阿仔好唔好彩入到心儀既直資
但好彩的是阿仔依家讀緊既幼稚園有直屬小學
但應該都唔係100%收番..有機會考唔到
所以都好緊張..希望大家可以傾下講下交流下心得喇

ahnew

看到這個topic有點意外+開心~

我囡囡今年K1....細B...經歷上年考KG後知道考小一更"難" .... 所以都已經好留意升小的資料.

大家多d分享吖!

ac917

Hi Renren你好，

曾經遇過一些只是批評而沒有任何意見的回應，見到你積極無私地分享，真是份外感激和感動，亦十分欣賞你！

至於培道，我不十分了解，會開始study資料，謝謝。其實我喜歡HY不是因為女校，是校風、校學分法，與band 1直屬英中，除此我亦認為宗教背景對品德的栽培可以有重要的影響等等，但要入十分困難，你的意見對我很有意義及價值。

ac917




ac917,
我今年去左培道openday,轉左新校長,新校長應該係升上去既,好有教育熱誠,同埋佢地有女中.如果女仔會著數少少.不過學校細d同舊d.但如果讀得開心既,不妨諗諗.佢地預番70%學位俾幼稚園升小一,今年創價有十多個小 ... [/quote]

ac917

另想請問有甚麼途徑得知各校的openday？

siu_to

係呀, 我都有d意外同開心, 唔洗得自己係度左諗右諗.....

大家唔好咁擔心, 相信自己小朋友, 大家傾下啦.....:)

愚人

是路過的.我大仔依家係考緊學校, 明年升小一.
你仔仔3yr 人仔肯同你睇書已經好好.
我個大仔之前采我都傻, 只係最喜歡計數, 想當年佢3yrs 已經識列式計十位進位數.
睇書都係要我4yrs開始迫佢同我一齊睇,  因為佢英文好過中文好多, 我同佢睇左好多中文書, 真係學多左好多中文.
其實考直資/私校o既準備, 係4yrs剛開始也可以(因為係大仔, 可能可以遲一點), 因為4yrs 之前小朋友認知都係好少, 比錢佢學左=無學.
我比我個仔上年年頭學PTH, 英文(CAMBRIDGE), MATHS(ENPOI), 跆拳(因為佢唔SWIM, 都要比樣SPORT佢), PIANO. 時間都迫迫地, 好彩佢都有時間日日午睡. 充足o既休息對小朋友發育好重要.
也不妨可以比下賽, 目的唔係攞獎, 而係練大個膽同自信第時面試. 又可以攞張cert做portfo.
另, KG o既k1 及k2 成績表都好重要, 好多學校只係收成績表. 小朋友學校成績都要重視.
你們重有漫漫長路準備, 加油!

原帖由 eeb 於 10-11-2 10:39 發表
renren，
謝謝你的分享，我都要認真同仔仔睇多d書，唔好成日都係用一兩本故事書。

35網，如果唔係"o個兩間"，另外4間(女校唔關我地事啦)都唔差，當然，如果考到英華就緊係好正啦﹗


...

Sumyeema1

真的嗎？---〉 家姐女校係直私，o個5分"大仔分"係可以過俾細佬架﹗