應該點做先係最好呢?

tsznok

真心求教, 希望大家可以幫忙俾啲意見呢!

我囡2歲11個月, 係一間行 montessori 教學法嘅普通(學劵)幼稚園讀書。

自囡囡1歲多起, 我就意識到佢同其他小朋友有點點唔同, 我唔敢/唔想斷定佢係資優生, 只見佢理解力及學習能力好強, 轉數快, 時時語出驚人, 有咩例子唔多講喇, 以前都係度當趣事咁 share 過部份。

一直我都以為, 我呢個呀媽都可以 fulfill 佢嘅求知慾, 就算佢資優又好, 豬兜都好, 睇唔到佢往後嘅成長會有咩問題; 之但係, 當九月佢k1開學後, 至今短短不足兩個月, 問題就出現左, 攪到我&老師都有啲頭痛, 一時間都冇咩對策!

上星期一, 我係 office 接到老師電話, 原來呀囡係學校勁喊, 大致上話好掛住我, 由於佢喊得好勁又唔收, 老師就搵我同佢傾, 希望可以 calm down 佢嘅情緒, (後來知道, 呀囡同我收線後, 冇耐就冇事, 投入番學校生活...) 放學後, 老師就打俾我同我傾番呀囡 overall 係學校嘅表現, 老師大約觀察到...

1. 呀囡嘅學習能力及記性比其他小朋友強, 老師講少少佢就明晒全部。

2. 基本上食茶點/唱遊/討論問題... 等時段呀囡都冇出現大問題, 但一去到做 montessori 教具時間就唔ok, 老師話幾乎所有教具佢已經係開學初期做到晒, 佢好抗拒將教具重做, 老師指對呀囡而言, 佢都做得到, 啲嘢又重重複複, 所以明顯見到佢冇晒開學初嘅學習動力。

3. 呀囡鍾意自己摸索, 而不喜老師埋去身邊 step by step 教佢做, 當同學仔仲摸摸吓時, 呀囡已經跳晒 step, 自己做左個答案出嚟。

5. 由於其他小朋友進度唔夠三妹快. 課室內所擺設嘅 montessori 教具亦暫時未能夠有咩大變化 (老師話要每個同學都認識及操作過啲教具先可以轉), 老師就留意到呀囡開始係班房內游手好閒, 好似好唔開心咁樣。

聽到老師咁講, 其實... 我都估到會有今日嘅事發生, 但真係冇諗過會咁快出現! 老師暫時都冇咩明確對策, 佢話: "我都未見過咁細個小朋友會有呢個情況, 我都有同校長傾過囡囡嘅問題, 我哋搜集緊相關資料, 希望可以幫到你啦, 我哋繼續聯絡, 嘗試幫囡囡面對當前問題啦..."

去到咁嘅地步, 我都有同老師講, 呀囡最近開始 不時都講起唔想番學, 呀囡會講: "x老師唔教書傢... 又冇功課... 又冇字學..." 仲會直言: "番學好悶... 我真係好唔開心呀... 啲同學學嚟學去都唔識呀, 攪到我冇新教具做..."


直至尋晚, 老師再打電話俾我, 指校長會考慮俾呀囡係 montessori 時段"跳班", 跟 K2 及 K3 學生一齊學習, 其他時間就正常跟番 K1 學生上堂... 我唔知咁樣係咪好事, 但若果可以令呀囡保持學習動力, 係咪都可以一試呢? 之但係, 出年正式上 k2, 後年再上 k3 時, 到時問題會唔會仲大呢??


BTW, 而家學校建議我帶個囡去做次智能評估......, 我本身好拒呢件事, 但老師卻認為, 睇到呀囡能力去到邊, 絕對會幫到學校及家長(我)了解呀囡, 從而幫助佢成長咁話...... 唉, 呀囡下個月尾先夠三歲, 咁細個, 去邊度搵智力評估丫?! 唉~!


再講, 約半年前 (即囡囡兩歲半大時), 因為一啲原因呀囡去左CAC做評估, 不過佢哋做嘅應該唔係 WISC (佢係用乜我又唔係好知, 過程都係要小朋友做好多 TASKS, 醫生邊做邊計時 MARK 分咁) 當時醫生話, 以臨床睇, 呀囡嘅認知及學習能力已達四歲, 因為佢俾我囡做果 SET 題目係俾四歲以上嘅年齡組別, 不過, 最後佢唔會好似 WISC 咁有分數有 REPORT 咁俾你拎番屋企... 去到呢一步, 我就同老師講番呢件事 (原本唔想講, 一來怕學校以為我認屎認屁, 二來都想由老師去 READ 番我囡係咩嘢料子), 如果佢哋建議我要同呀女去做 WISC, 唉, 好似冇 TEST 俾咁細個喎?!


有朋友叫我同呀囡轉間深啲嘅學校...
有朋友叫我帶呀囡出去學多啲嘢, 去填補佢係學校搵唔到嘅滿足感... (其實我已經俾佢學緊音樂&鋼琴)
更加有朋友叫我俾個囡行國際學校條路... (呢個唔使諗, 冇錢...)


嘩... 唔癿唔覺就呻左咁多嘢出嚟... 各位師姐, 俾你會點處理呢個問題呢? 從來我都覺得, 個囡係咪 GIFTED CHILD 唔緊要, 但唔可以冇左學習動力... 我應該點做好呢?

Chris852

有一間幼稚園的宗旨幾好: "Don't ask how intelligence of your kids, ask yourself how to nurture your kids."

Anyway, 想學習有動力, 有好多方法...

如了解妳的囡囡喜歡什麼, 對有興趣的嘢, 就會有動力.

或者有特定目標(不要太高), 就會有動力....

或者看看囡囡"weakness"在那, 挑戰自我....

唔同階段, 唔同方法, 要自己衡量 la...

happyvalley

原帖由 tsznok 於 10-10-27 00:08 發表
真心求教, 希望大家可以幫忙俾啲意見呢!

我囡2歲11個月, 係一間行 montessori 教學法嘅普通(學劵)幼稚園讀書。

自囡囡1歲多起, 我就意識到佢同其他小朋友有點點唔同, 我唔敢/唔想斷定佢係資優生, 只見佢理解力及學 ...

去公園探索多 d，咪對世界觀有更深認識。課堂 d 野，比妳學高三年咪係小一，都係 d 簡單野。幼稚園老師，我都大大話話同六七個講過資優呢 d 問題，個個都唔適答。

要小朋友更上一層樓，就是比多點挑戰佢，呢 d 野一定要父母設計，不過唔係死做死記，只是 K1，如果對世界充滿幻想，就會有動力去 Create 自己、推動自己。

所以反而要多與人相處，學習相處，喜歡思考，比硬知識更重要。當然，呢 d 唔會幫到分數，所以、死做定活學，自己三思。

ANChan59

My son's comment was learning outside the class and school, class was a social areas. Give her some enrichment programs focus on her interest and can challenge her motivation of studying.

But 3 years old may be too young. My son started EPGY around 5 yrs old, he used 13 months to complete Grade 1-4. You may need professional advice from psychologist.